هلا يالغالي .. بجاوبك على اللي اعرف اجوبتها
1 - اليورو الآن يساوي 4.72 وفي الصيف كان 4.93 ريال
2- واليورو مايختلف من اسبانيا او ايطاليا او المانيا كلهم نفس الشيء
الباقي مليش دعوى ياعم

بيض الله وجهك يالغالي...
يعني أفهم من كلامك أن اليور سعره مهب ثابت ...
وأن شاء الشباب مايقصرون بالباقي

تسونامي السلام
وعليكم السلام ورحمة الله وبركاته
اخوي الكريم أولا : ال 100 يورو بالسعودي يطلع 476 ريال تقريبا
والمصاريف إلي فهمته منك إنه هل مثلا باريس او روما سعر المصاريف فيها مثل سعر اسبانيا..؟ طبعا لأ كل دوله ولها أسعار بضائعها أو المقاهي والمطاعم إلي فيها بس إذا قصدك الملابس المشتريات أعتقد انه الماركات العالميه أسعارها متقاربا نوعا ما..
ثانيا : بالنسبه للغه الإنجليزيه راح تتغلب شوي لأن غالبية الأسبان مايستعملون اللغه الانجليزيه ويعتزون بلغتهم بس تقدر تمشي أمورك عادي
ثالثا : بالنسبه للشيكات السياحيه انا بصراحه ما أنصح فيها وخل معاك كاش أحسن حتي السحب من أجهزة الصراف الألي تاخذ عمولة صرف زياده شوي بس خلك حريص على فليساتك
رابعا : بس مصرف من غير مشتريات أتوقع 1000-1500 يورو يعني 4670-7000 ريال راح تكون راهيه وبزياده بعد بس كل مشروك مبروك
إنشالله إني قدرت أفيدك تقبل تحياتي

عشت يالغالي ....
بس نقطة ودي أخذ الراي فيها يعني المصروف أخذها كاش قبل لاأسفر أحسن...

و عليكم السالم و رحمة الله
بالنسبة لليورو حاليا يرتفع و ينزل شوي لكنه في حدود 4,8 ,,, و بالنسبة للي لغته الإنجليزية ضعيفة فما راح تفرق معه في اسبانيا لأن الأهم هو التحدث بالإنجليزية في الفنادق ,,, اما التاكسي فأنت بتقول له المكان اللي بتروح له فقط ,,, اما المطاعم فأنت بتشوف القائمة بالإنجليزي اما الشعب نفسه فما راح يهمك ان تدخل معه كثير
و بالنسبة للشيكات السياحية فهي مفيدة و تاخذها عن طريق البنك اللي بيشرحون لك كيفية استخدامها و الأفضل صرف الشيكات طبعا عن طريق البنوك و يمكن صرفها عن طريق الفنادق هناك لكن سعرها بيكون غالي شوي
و بالنسبة للتكاليف فهي على حسب المدن اللي بتزورها و الغرض من السفرة و كم شخص انتم و مستوى الفنادق اللي تبونها

مشكور أخوي الشاب...
أنا ماعندي خلفية عن الشيكات السياحية... بس وش الأفضل أخذ كاش قبل لااسافر ولا أطلع شيكات سياحية.
التكاليف لشخص هل هي مكلفة ... وش رايك تنصح الواحد يروح لحله لمدة عشرة أيام...