thebest1980
15-12-2022 - 05:03 am
السلام عليكم
ان شاء الله جاري تخطيط رحله الصيف القادم
عائلة مكونه من زوجين واربعه اطفال( 4-5-7-سنوات ورضيع 10 شهور)
اتمنى تزويدي بنصائح خصوصا ان لدي اطفال بالنسبه للسكن
كم تكلفه ايجار سياره في جولد كوست وما هي افضل شركة للتاجير؟؟
كم معدل سعر ايجار السياره مع البنزين في جولد كوست ؟؟؟السعر التقريبي؟؟
هل توزيع الايام في ماليزيا جيد؟؟؟
وماهي الفنادق المقترحه في الوصول؟؟
أهلا فيك عزيزي
ماشاء الله عدد أفراد عائلتك مشابه لعدد افراد عائلتي
إن شاء الله راح تكون سفرة سعيدة للعائلة
أولا عشان أجاوبك على اسئلتك أبي أعرف هل هذي زيارتك الأولى إلى استراليا ؟
هل هذي زيارتك الأولى إلى ماليزيا ؟
لأنك في استراليا اعطيت مدينة القولد كوست حقها بالمدة الزمنية لكن هناك مدن جميلة مثل سيدني ما حطيتها بالجدول !!
أيضا ماليزيا اعطيت كوالالمبور حقها بالمدة الزمنية لكن هناك مناطق ومدن لم تتطرق لها فهل هذا ما تريده ؟ زيارة مدينة قولد كوست فقط في استراليا وزيارة مدينة كوالالمبور فقط في ماليزيا ؟؟؟
إذا كان هذا ما تريده فجدولك جدا مناسب وممتاز بالتقسيم
بالنسبة للنصائح أهم شي انك تطول بالك مع الاطفال وتحاول توديهم لأماكن مناسبة لأعمارهم
والسكن الافضل لك انك تستأجر شقة من غرفتين نوم
أفضل وارخص من الفندق
لا تطلع بالليل بوقت متأخر ، حاول ترجع الفندق أو الشقة قبل الساعة 11 مثلا
الجو بالليل بارد في قولد كوست لذلك لازم يكون معاك جاكيت لكل طفل وين ما تروح للاحتياط
حاول تخلي التسوق والمشتروات تكون في كوالالمبور لأنها ارخص من استراليا
وتخلي ميزانية استراليا للسياحة والترفيه واللعب والرحلات
طبعا في نصائح وايد بس اتوقع انك مسافر من قبل وتعرف كل شي بخصوص السفر لذلك أكتفي بهذي النصائح حاليا
بالنسبة لتكلفة إيجار السيارة ، فهناك يعتمد عليك ، في سيارات صغيره ويكون سعرها رخيص وفي سيارات كبيرة الحجم أو راقيه مثل الالمانيات وطبعا سعرها مرتفع
عموما الاسعار تقريبا تبدأ من 30 دولار باليوم الواحد
أما البنزين فهو غالي شوي
أغلى من عندنا بالخليج
حسب ما أذكر ان السيارة الصغيرة بحجم الكامري تكلفة بانزينها كان 40 دولار استرالي
بخصوص توزيع الايام في ماليزيا جيد إذا كنت مسافر لها من قبل
لكن إذا أول مره تروح ماليزيا فطبعا لازم تغير بالتوزيع وتظيف بعض المدن مع كوالالمبور
عموما هناك بوابة خاصة في ماليزيا تقدر تستشير اعضائها عن توزيع الايام وهم راح يعطونك التوزيعه الصحيحة
لأن ماقدر أجاوبك عن مالزيا هنا بهذي البوابة
بخصوص الفنادق ، قلتلك الافضل انك تستأجر شقة وليس فندق
إذا كنت مصمم على استأجار فندق قولي وان شاء الله ارشحلك أكثر من فندق وانت تختار بينهم على حسب ذوقك وميزانيتك
أتمنى لو تلقي نظرة على التقارير الموجودة في البوابة عشان تستفيد من المعلومات الي فيها
ولو تشوف تقريري الأخير عن قولد كوست اتوقع بتستفيد منه وايد لأن التقرير جديد وعدد المسافرين مثلكم
وإن شاء الله خبيرنا أبو أحمد خبير البوابة الاسترالية وباقي الاعضاء يفيدونك بمعلومات أكثر مني
مع خالص التحية