لندن المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
jeddawe_minoon1
14-12-2022 - 12:03 pm
السلام عليكم حصلت معايا شغلتين اول مره تمر عليا في بلد اوربي اول زياره لي الى لندن واتفاجاءت من التالي اخذت معايا فلوس من السعوديه فئة 50£كل ماجيت احاسب كاني مزور فلوس واغلب المحلات يرفضون بحجة ان العمله قديمه في الاخر دلوني على بنك net wast وحمدلله رضي يغير العمله القديمه بجديده العمله الجديده الخط اللي في النص اخضر شوفوا الصوره
http://imgur.com/gBfPdgi- الشغله الثانيه : موضوع الفيزا جيت احتسب قلب الفيزا : قالي مافي توقيع اسف مااقدر انفذ العمليه للاسف بنوكنا سيئه المهم قلبت البطاقه في البيت وجبت قلم ووقعت بنفسي ومشيت الامور تحياتي لكم


التعليقات (7)
توبليرون
توبليرون
اي لازم التوقيع على كل البطاقات البنكيه اللي راح تستخدمونها هناك
والخمسين باوند تم تنبيهنا من الاهل على ان نستخدم الجديدة
والحمدلله بس يشيكون عليها وايد اذا سلمتها للبائع تفتكر نفسك مزور على كثر ما يشيكون على ال 50 £
المهم الحمدلله انها عدت على خير

aliAlharbi331
aliAlharbi331
شكرًا اخوي على التوضيح انا اليوم صرفت من فئة 50 والخط اللي في منتصف لأعمله خط لونه اخضر متقطع هل تقصد هذا الخط؟؟؟ وعندي استفسار انا معي بطاقة الراجحي تسوق مسبقة الدفع كيف أوقع عليها من الخلف مو فاهم !!!! وفئة 50 هل غير مرغوبة هناك

Dr Haz
Dr Haz
صحيح يتم التدقيق على فئة 50
لكن بسهولة و يتم عن طريق القلم الخاص بكشف الورق اذا كان مزور ام لا بالكتابة عى الورقة النقدية
و اذا كتب يعني مزور و اذا ما انكتب يعني اصلية
و بالفعل لازم يتم التوقيع خلف البطاقة الائتمانية للتاكد من انها ترجع لك

aliAlharbi331
aliAlharbi331
اشكر الاخوان على تفاعلهم انا معي بطاقة الراجحي مسبقة الدفع تسوق كيف العمل بها؟هل استخدم قلم عادي وأوقع عليها من الخلف او قلم خاص بها احترت على التوقيع وكيفيته واتصلت على البنك ويقول لي الموظف اول مروره اسمعه الكلام

mahmeed99
mahmeed99
شكراً على الخبر، والله يعطيك العافية

jeddawe_minoon1
jeddawe_minoon1
هلا حبيبي
شوف الصوره في الموضوع اذا ماطلعت انسخ الرابط لاني اكتب من ايباد
لازم يكون فيها خط اخضر في الوسط تقريبا
انا معاي بطاقتين من الراجحي
ذهبيه ومسبقه الدفع
الذهبيه ماياخذون اي عموله على المشتريات يعني ماتحتاج تشيل كاش
مسبقه الدفع ياخذون 1 اتوقع اسال البنك
بالنسبه للتوقيع : طال عمرك جبت قلم ووقعت خلف البطاقه وبعدها اشتري عادي - نعم اي قلم - انا وقعت بقلم سائل
تدري ايش سويت اول مره قالتلي مستحيل نمشي العمليه قمت طلعت جوازي لاني موقع داخله ومشي الحال
بعدين نصحتني وحده تبيع قالت طلع قلم ووقع خلفها .. وامورك في السليم

# أبو نورة #
# أبو نورة #
بصراحه حركة كشف التزوير تضايقك كعميل
وبحكم ان الخمسين تعتبر عندهم عمله كبيره ما نلومهم لكثر المزورين والنصابين
ولكن بصراحه هم اهون من ربعنا يحطها على الطاوله ويمشي القلم عليها
ربعنا بفئة ال 500 يرفعها بيدينه قدام الناس ويدور له اي كشاف جاي من السقف خ واللي ما يشتري يتفرج
غير لما تروح محطة بنزين الهندي يشنق الخمسميه بيدينه فوق ويناظر بنص عين بالفوس ونص عين عليك خ
عجبتني عندهم البطاقات الجديده بالاشعه مرره خطيره
تحطها بس فوق جهاز نقط البيع وبثانيه وحده العمليه تمت


خصم يصل إلى 25%