بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



ibraheem445 ibraheem445
.. الكويت بعيوني ..
19-04-2014 - 01:01 am

بسم الله الرحمن الرحيم ... تحية طيبة وبعد ::..
بداية أشكر اخواني الأعضاء الذين ساعدونا وكان لهم الفضل بعد الله في تسهيل هذه الزيارة الخاطفة فلهم مني الشكر والتقدير .. وخاصة من كان معنا بالتلفون فقط ولم نتشرف برؤيته ..
فكرة زيارة الكويت موجودة من قديم لأن أهل الكويت أعزاء على القلوب فأحبينا زيارة أرضهم ووطنهم كيف لي أن لا أزور لؤلؤة الخليج .. ،، .. ،،
خرجنا من الرياض باتجاه الدمام في تمام الساعة 11:20 تقريباً ( بعد الاستماع إلى نصائح الأعضاء بخصوص أن خط السفر من الدمام أفضل من طريق القصيم ) وصلنا إلى الدمام الساعة 2:30 تقريباً اتجهنا نحو الخفجي إلى منفذ النويصب والطريق سيئ جداً من الدمام إلى الخفجي أكثر الخط تحويلات وحفر ونحوه عكس ما تعودنا عليه من الرياض إلى الدمام وأثناء الطريق



وقفنا للصلاة بعدها وصلنا إلى منفذ الخفجي وهنا أول موقف ::.. كان الخط عند الجمارك زحمة موظف واحد فقط وفيه السايد الآخر فاضي لكن الإشارة حمراء وداخل بعيد شوي فيه إشارة خضراء وادخل متوجهاً للإشارة الخضراء وأجد الجوازات ونختم جوازاتنا ونمشي




وصلنا النويصب قال الموظف ورقة الجمارك ؟ قلت سم .. ما معي ورقة جمارك ؟ قال وشلون دشيت هني ارجع للمنفذ السعودي وجب معاك ورقة الجمارك قال موظف جنبه ( جزاه الله خير ) خله يمشي بس قال تفضل لكن ما يصير كذي ولا تعودها لازم ورقة الجمارك قلت ابشر .. والحمد لله مشينا .. وصلنا الكويت هاه أروح يمين ؟ أو يسار ؟ آخذ الطريق هذا والمفرق هذا 278 أو أكمل واتبع لوحة " طريق خادم الحرمين الشريفين الملك فهد رحمه الله " المهم كملت الطريق ولله الحمد كان أكثر الطريق نصائح وهذه النصيحة كثيرة جدا



وصلنا الكويت وبدأت اللوحات تكثر وبدأت الحيرة تزيد شيئاً فشيئاً رويداً رويداً .. المهم ونطلع اللاب توب ونشوف وين أماكن الشقق آوه كلها موجودة في السالمية واسلك لوحات السالمية المهم كذا بالصدفة وصلت لوحة مكتوب شارع الخليج العربي قلت بس هذا اسمع فيه .. وادخل الشارع أدور شقق ما اشوف لوحات الدنيا عمائر لكن ماكو لوحات شقق وأشوف عمارة شكلها بايخ وصغيرة مكتوب عليها فندق ميرديان قلت خله بس واهم شيء لاتشوفه المدام .. المهم شوي وإحنا في شارع ولوحات مكتوب السالمية دخلنا شارع وأشوف ذيك العمارة مكتوب مارينا رويال .. قلت بس هذي الشقق اللي نصحوني الأعضاء فيها واتجاه إليها بعدما حوست شوي في المحلات اللي كانت حولها مسكرة وقفت السيارة وادخل السلام عليكم عندك شقق أو غرف قال موجود ممكن أشوفها ؟ تفضل شقة غرفة رئيسية وجنبها فرعية وحمام " أعزكم الله " ونص مطبخ نزلت كم ما شاء الله هذي ؟ قال 35 دينار قلت هذي 35 قال بس كل اللي عندنا عوائل سعوديين وقطريين طيب وإذا كان كذا ترفع السعر ؟ ( لعله كان يتبع قاعدة : الجار قبل الدار وكما قال الشاعر العربي القديم يلومونني ابيع بالرخص داري وما علموا أن للدار جاراً ينغصه .. ) المهم طلعت وقبلها سألته وين اقرب شقق لك ؟ وأشار على عمارة قريبة .. اتجهت اليها .. الكورنيش .. السلام عليكم عندك شقق قال لا النظام غرف قلت طيب ممكن اشوف الغرفة .. ونطلع وما شاء الله الغرفة مرتبة وإطلالتها جميلة على البحر لكنها ضيقة .. كم سعر الغرفة قال 40 د قلت متأكد أنت ؟ قال آه قلت ولا فيه خصم قال هذا بعد الخصم هي سعرها 46د لكن بعد الخصم 40 د قال مع الإفطار قلت بدون قال آه ممكن اسوي لك خمسة .. وسكت .. قلت خمسة ايش ؟ قال لا ما اقدرش .. قلت طيب شكراً لك ، نزلت ركبت السيارة قالت المدام هاه ننزل ؟ قلت لا شوي قالت اووف .. قلت الحين يجب نبدأ بالخطة س د ق م ج ..

يتبع .. .. ..





المشاركات

سياحية سياحية
.. الكويت بعيوني ..


هلا والله الكويت حلوة وماتضيع

وماشاء كل شي فيها وماتستغرب كنك في بلدك

وسوقهم ما شاء الله يجنن

والشقق الحين صارت متوفره اكثر من الاول وفيها الزين وفيها الشين.

ولاتفوتك صلاة ليلة 27 رمضان في المسجد الكبير عند الشيخ العفاسي
الله يبلغنا ونروح لها ان شاء الله
احنا معدل 5 الى 10 مرات في السنه نروح لها بالسياره


Dhari Dhari
.. الكويت بعيوني ..


السلام عليكم...

ما شاء الله بداية تبشر بتقرير جميل و منظم...:)

نحن معك اخي ابراهيم...:)

بالإنتظار...

تحياتي لك و شكرا.


الاماراتي الاماراتي
.. الكويت بعيوني ..


ibraheem445 موضوعك حلو ومشوق لاتبطي علينا وتقبل تحياتي.


رحــــال رحــــال
.. الكويت بعيوني ..


ياهلا فيك اخي ابراهيم وحياك الله بالكويت واحنا بانتظار التقريري


رحــــال رحــــال
.. الكويت بعيوني ..


ياهلا فيك اخي ابراهيم وحياك الله بالكويت واحنا بانتظار التقرير


بو طحنون بو طحنون
.. الكويت بعيوني ..


بداية ما تبشر بالخير اخوي ابراهيم

ليه كذا بس مقطع صغير حتى توقيعك اكبر من اللي انت كتبته ز بكره بتعتذر بالدراسة و تقول ضغط ...

اخلص علينا ترى اسلوبك ما ينمل منه

قال الموظف ورقة الجمارك ؟ قلت سم .. ما معي ورقة جمارك ؟ قال وشلون دشيت هني ارجع للمنفذ السعودي وجب معاك ورقة الجمارك قال موظف جنبه ( جزاه الله خير ) خله يمشي بس قال تفضل لكن ما يصير كذي
وبكل برود ما شاء الله تقول ما معي ، واصل يالغالي قي انتظار الخطه القادمة


فهد الأحمد فهد الأحمد
.. الكويت بعيوني ..


ناطرين تقريرك أخوي ابراهيم وأهم شي تستقر بشقة جيدة ترى الشقق الحين وايد وتقدر تختار اللي تناسبك
وأي سؤال احنا حاضرين اسال واحنا نجاوب
وزيارة ممتعة انشالله .


هيبة ملك هيبة ملك
.. الكويت بعيوني ..


يعطيك العافيه أخوي إبراهيم
بدايه تفصيليه أكثر من رائعه
ودولة الكويت الشقيقه كم أتمنى والله أزورها على كثر ربعي هناك لكن للأسف لم أقم بزيارتها إلى الآن

والكويت بعيون الجميع
بإنتظار البقيه
تحياتي


روان بنت الكويت روان بنت الكويت
.. الكويت بعيوني ..


حياااك الله اخوي ابراهيم بالكويت



وبانتظاااار الخطه :)



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

.. الكويت بعيوني ..