سلام عليكم و رحمة الله و بركاته
صار لي كم يوم أدخل على هذه البوابة الجميلة و أقرأ تقارير الأعضاء عن لندن و الأماكن السياحية و غيره
الموهم أنا إن شاء الله تاريخ 28 طالع من البحرين و واصل إلى لندن و رحلتي أسبوعين تقريبا مع الأهل و مقطعة
بنوصل لندن 28 الصبح و سكنا بكون قريب جدا من أكسفورد ستريت
و تاريخ 31 العصر راح نطلع من لندن يعني الوقت إلي عندنا قصير جدا فمحتاج مساعدة الخبراء لمعرفة أهم الأماكن السياحية إلي أروحها و شلون يكون ترتيبها بحيث أستغل الوقت و ما أضيعه في التنقل من منطقة لمنطقة
التسوق راح يكون في أكسفورد ستريت و حديقة الحيوان بروحها في منطقة ثانية ,, فياريت لو أحد يساعدني في ترتيب الجدول لهذه الأربعة الأيام بحيث أروح أغلب الأماكن السياحية و ما أبغي طبيعة
شنو القطار إلي لازم أروح له حتى أطلع من لندن و أوصل إلى ويندر مير و كم الوقت تقريبا
لأن بعد ما أطلع من لندن راح أروح منطقة البحيرات و بالتحديد في منطقة وندر مير لو واحد يقدر يعطيني أحلى أماكن القعدة و التمتع بالطبيعة و جمالها الخلاب
راح أقعد في ويندر مير من تاريخ 31 إلى 4 سبتمبر
من 4 راح أطلع إلى بلفاست في إيرلندا ،، فلو تعرفون شنو أقرب مطار إلى ويندر مير حتى أوصل لبلفاست
و أدري المعظم خبرته قليلة في بلفاست لكن أبغي نصايحكم إلي زاروا بلفاست من قبل أو سمعوا عها شنو أفضل الأماكن
أتمنى أحصل ردود في أسرع وقت لأن ما باقي وقت كثير و أكون شاكر لكم كثير الشكر و لكم من دعوة في كل صلاة