الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
توبليرون
16-12-2022 - 07:42 am
السلام عليكم
غالبا برمضان ما اروح مطاعم
بس هالمرة البنات الحوا علي اني اروح معاهم وهم بيكون
ذكرى ميلاد بنتي ....يوم 8/1 ....الاول من اغسطس ...قلنا نخليها غبقة وسحور
اختارو البنات لنوتر اللي على البحر
وهذه الصور لما وصلنا هنااك

على اليمين

وعلى اليسار الابراج

وهني دخلنا وطاولتنا

هذا المنيو ومكتوب فيه
عن طريقة تقديمهم للاطباق ومكوناتها

وهذا يابو لنا عصيرات متنوعه
قمر الدين انا اخذته
ولبن بنتي

وجلاب لبنتي الثانية
وفانيلا على حليب وقرتفل .لبنتي الثالثه ...ما عجبها ابداا

رحنا للبوفيه ومافي احد كان عنده فاستغليت الوضع وصورته لكم
البوفيه كله سلطات

اول شي الشوربة
دجاج بالكريمة وشوربة مشرووم

ونبدا بصور السلطات
والاواني الشعبيه الحديثة
المتبل

التبولة وسلطة المعكرونه

باقي السلطات

حمص لذيذ

هجمة مرتدة ...قصدي صورة مرتدة ههه

اطباق فيها طرشي وفاصوليا حمرا وباجلا شكله جذيه

هجمة عكسية

الورد للورد

القوزي

اللي يبي ننجب له بهالجدور الحلووة

شربنا الشوربة لذيذه شوربة المشروم
وصلت المقبلات
كبب ...هريس....رول بالخضروات....خبز وزبدة واصل قبل المقبلات

ثلاث طوس فيهم
طرشي..فلفل احمر مدقوق.....تمر

والاهم وصل

فاصل
ونواصل
رحنا انا وغنومة حق ركن الكيك والحلويات
وطلبنا يعملون مفاجأة لبنتي كيكة لذكرى ميلادها
وقلنا لهم بس نخلص الاكل يوبوها لنا
وصورنا الكاكاوات

رجعنا طاولتنا

الاطباق الرئيسية حضرت
كبة باللبن.....مربين......عيش اخضر مع قطه دجاج بدون عظم
قوزي.....ومعكرونه القواقع المحشية
كل طبق منه اثنان وهذا الاكل لاربعة اشخاص

الجدور فيها بايركس وفيه العيش

لقطة فنية
صفقوا لي .....حسافه ماكنت ماخذه الكانون معاي
بس الموبايل........والا جان بدعت

صحني.......اول شي
الباستا المحشية

القوزي والعيش الاخضر

كبة باللبن ..والمربين

عاد ما يصير العيش بدون دقوس

الحمدلله خلصنا وشايفين الاكل وايد

مشروباتي بعد ما قالت غنومه ان الجلاب ما عجبها
ذقته انا حلو مثل شربت ماي الورد
وفيه حبات صنوبر

وصلت الدفعه الاخيرة
الحلويات مع شاي او قهوة
بريد على ورد لذيذ........ كل وحده بطبقها واحد

ام علي ....ودونت بالكاكاو

محلبية بالقمردين

كان لذيذ كل الاكل
خلاص وصل الاكل للبلعوم
وبعدين فاجأنا بنتي

لا تقولون الكيكة صغيرة
لان بس محد قادر ياكل بعد
طلعنا صورنا الابراج

ارجو انكم استمتعتم بموضوعي الرمضاني
شاكرة لكم متابعتكم


التعليقات (8)
زائر
رائع يا ام حسين .,
طريقة عرض الاكل بسيطه ,, لكنها حلوه .. بصحون أول
الله يحفظ لك البنات .. ويطول بعمرك
ماقصرتي ...

Usas
Usas
ماشاء الله , تقرير من ام يوسف
صور الاكل لذيذة وطريقة الصحون مبتكرة , الله يخلي لك بناتك ويحفظهم ,,,
تقبلي تحياتي

سوسو الصغيرة
سوسو الصغيرة
ما شاء الله عليكم
و انا اقول الصورة اللى حاطتها بالانستغرام وراها تقرير
دخلت البوابة بالصدفة الا الاقي التقرير ههه
ع العموم كل سنة و بنتج بخير
و الله يطرح البركة في الباقي
المطعم غني عن التعريف - ما ادري اذا عندنا منه في دبي و الا لا -
الاطباق جدا لذيذه
عليكم بالعافية

توبليرون
توبليرون
oceanus
تسلم يابو عبدالرحمن ويحفظ لك احبابك
اي يعيشونك الجو الرمضاني القديم
شكراا لمرورك العطر مراقبنا العزيز

توبليرون
توبليرون
Usas
هلا بو عبدالله
الحمدلله ان قدرني اطلع واكتب لكم اليوم
اجواء رمضانيه بطريقه حديثه
ويحفظ لك احبابك يا مشرفنا العزيز

توبليرون
توبليرون
سوسو الصغيرة
.
تسلمين يا الغاليه سوسو ربي يحفظج
متابعتني هني وهناك ربي يديممها صداقه يارب
وانتي بخير وصحة وسلامه يارب
ويبلغج بعيالج ربي يحفظهم
ما يصير مافي بدبي
عاد دبي ام كل شي زين
الله يعافيج حبيبتي

ابوحمد.
ابوحمد.
بالعافيه ام حسين
وعقبال ميه سنه لبنتج
وخوش سحور

ارمـــ ARMANI ـــاني
ارمـــ ARMANI ـــاني
يعطيك العافيه اختي توبليرون
على احلى غبقة رمضانية بالكويت
عوافي عليكم
تراني جوعان باقي ساعة على الاذان
التقديم حلو وتعجبني الاجواء الشعبية
والحمدلله انك طلعتي مع البنات
والله يخليهم لك ويحفظهم وعقبال تفرحين فيهم يارب
ذكرتيني بالكويت واشتقت لها حيل
لونوتر كانت لي لحظات جميلة في هذا المطعم واطلالة الابراج خطيرة
اخوك : https://artravelers.com


خصم يصل إلى 25%