الخطوط السعودية حاليا تسير محطتين فقط
واشنطن و نيويورك فقط
وهم وضحوا انهم على الربع الثاني من 2014 سنتطلق محطة جديدة لوس انجلوس
ع العموم غالبا اسعار الصيف تكون مرتفعه
ولكن الخطوط السعودية في الشتاء الماضي قامت بعمل عروض ترويجية
وكان سعر التذكرة ذهاب واياب حوالي 1850 ريال
اذا اردتي ارخص سعر ففي الغالب الخطوط السعودية اذا استطعتي ان تحجزي على المقاعد المخفضة
وهي فئة V كلاس
وسعرها تقريبا من موقعهم 2960 ريال تنقص او تزيد شوي
ولكن هذه تذاكر غير مسترجعه وبامكانك التغيير ولكن بمبلغ معين
مايميزهم ان الرحلة دايركت بدون توقف اذا كنتي من النوع اللي مايحب الترانزيت
نقطة اخيرة
اغلب العروض تكون في low season
مثل الشتاء

السلام عليكم
اخوي خذ هذا الموقع وستخدمه كادليل لمعرفة ارخص تذكرة لاي وجهه تريد ثم اتجه الي الخطزط المعنيه وحجز منها مباشرة
http://www.kayak.com/flights

الله يحقق لكم كل اللي تتمنون وييسر أموركم ان شاء الله
انا للحين ما رحت ولا سافرت أمريكا
بس بالنسبه للحجوزات والفيزا
بالذات الفيزا قدموا عليها من اللحين
عشان يكون عندكم ووقت كفاية لأصدار الفيزا
ولا تقولون لا تو الناس وشدعوة راح يصدرونها
وأحتمال كلها شهر شهرين وتطلع !!
واحنا رحلتنا رحله عائليه وراح يصدرونها
أحنا للأسف كنا نقول هالكلام
أكبر غلط وهذا اللي احنا طحنا فيه
قدمنا قبل بفترة كافيه أزيد من 3 أشهر انتظار للفيزا وللحين ما طلعت
وان شاء الله سفرنا بعد اسبوع
وللحين ما اصدروا الفيزا
رغم ان احنا بسفارة البحرين سمعت ان ما يأخرون وايد
بس هذا اللي صار !!
الله كريم وتطلع فيزته قبل السفر ويسافر معانا ان شاء الله
بالنسبه للحجوزات انا اتذكر ان بشهر 10 ميلادي السنه اللي فاتت شيكت على أسعار التذاكر
الخطوط السعودية من الدمام - نيويورك - الدمام
طبعا الرحله فيها ترانزيت جده أعتقد
بس كان سعرها مغري
تقريبا 2200 ريال فقط !!!
ووقت السفر اللي حطيته بالبحث
كان بشهر 8 يعني عزز الصيف
طبعا انا بحثي عن اسعار التذاكر كان لمجرد الفضول لا أكثر
وكنت اتصل على مكاتب السياحيه
من شهر 1 ميلادي
أسألهم عن اسعار التذاكر للصيف وأنسب الأسعار وانسب شركات الطيران
وكانوا كل يقولون الأسعار مرتفعه اللحين
انتظري لبعد شهر 4 أو 5 وبعدين حجزي
طبعا بعد أقولكم أكبر غلط تسمعون كلامهم
لأن الأسعار من شهر 4 ميلادي بدت ترتفع بشكل جنوني
يعني عاادي التذكرة اليوم ب 5500 ريال
بعد اسبوعين أو 3 اسابيع
تلقون نفس الرحله ب 6000 ريال
وكل اسبوعين أو 3 يرتفع السعر بمعدل 450 ريال أقل شي
التذكرة اللي كانت ب5500 اللحين صارت 8990 ريال
وعلى فكرة بنهاية شهر 6 ميلادي
أغلب التواريخ فل
يعني نصيحه لوجه الله
كل ما صار عندكم وقت فراغ
فتحوا مواقع الطيران وشيكوا على التواريخ اللي حاطينها ببالكم
ومن تشوفونها بأسعار مناسبه
قطعوا التذاكر وأفتكوا
بس لازم تحاسبون ان التذاكر تكون مسترده يعني ممكن تغيير التواريخ وما تروح عليكم لو
لا سمح الله صار لكم أي ظرف منعكم من السفر
موفقه اختي
والله ييسر لكم ان شاء الله

Close Friends
تسلم الله يوفقك على المعلومات
انا سفري بيكون في الصيف
ورحلة لوس انجلوس روعه اذا حصلتها دايركت

رامي -شعيل
اهلين اخوي رامي شعيل
دخلت على الرابط وجربته
انا ابغى شهر اوجست لكن لحد الان الرحلات غير مدرجه للعام 2014
اخر حد لقيته شهر 7
عفوا هذا الموقع هل هو افضل من موقع سكاي سكنر ؟

-ريانة دهن العود-
هلا وغلا ريانه
شفت تقريرك حق ماليزيا وجلست عليه للصباح امس لاني طالعه لها في العيد الان
حبيت سردك للتفاصيل وكاني عشت معاكم اللحظات خصوصا فستان بنتك والاكسسوارت تهبل ماشالله
بالنسبه لموضوعنا جدا استفدت من كلامك والنقاط الي نبهتيني لها
راح اشييك باستمرار المواقع واتصيد العروض لان الشركات السياحيه ماعندها سالفه
امس دخلت على موقع الخطوط السعوديه ولقيت عروض تشجيعيه بشهر 7 ميلادي القادم سعرها خرافه 1800 الشخص
تسلميلي ياقمر

السلام عليكم
بالنسبه لي نعم لاكن هناك وجهات نظر مختلفه من شخص الي اخر وناس تقول اكسبيديا افضل وعلي العموم كل المواقع هاذي استخدمها كالدليل
فقط الرحلات الاقتصادية في اوروبا احجز منها وبشوف لك الان اغسطس واردلك مع ان حجزك تبيه بعد سنة والجدولة الدوليه توضع سنة قدام فقط ولا تشتري تذاكر لرحلة بعد سنه ماتدري وش يصير المدة الطيبه من 5 اشهر الي 3 اشهر

قلتلك سنه اقصي مدة لجدولة الرحلات يقبل معك الي 1 اوغست اصبر 10 ودخل تكون الرحلات تجدولت
وبرضه بدري مره علي قطع التذاكر

chanel..
حبيبتي تسلمين من ذوقج اذا تبيني ادليك وين مكانه محل الفستان حاظرين للطيبين
والله يسهل سفرتكم لماليزيا
وتروحون وتنبسطوون هناك
وترجعين بالسلامه وتكتبين لنا أحلى تقرير
بالنسبه للعرض ما شاء الله خرافي
خلاص عيل اذا شفتي الأسعار طيبه حجزي اللحين حتى لو على نيويورك
ونزلي نيويورك ليتين لو عن خاطركم ترتاحون وتشوفونها على السريع مرة وحده
وأخذي طيران داخلي من نيويورك للوس أنجلوس
لأن اتوقع اذا انتظرتي لحد ما تنزل الرحلات اللي للوس أنجلوس
راح يكون الوقت متأخر و الأسعار ارتفعت
وحااسبي اذا شفتي سعر فلته جذي مرة ثانيه على طول قطعي التذاكر
بس لازم تحاسبين اذا كانت مسترجعه والا لأ
والله يسهلها لج ان شاء الله