السلام عليكم
كيف حالكم ان شاءالله طيبين؟
سجلت بالمنتدى لاني واجهت مشكله وزرت اكثر من مكتب وكل واحد عطاني راي وخلوني بين نارين
انا رحلتي على اسبانيا يوم 11 اغسطس ان شاءالله يعني باقي تقريبا 40 يوم
رحت بطلع فيزا اسبانيه قالو اقرب موعد يوم 31 يوليو يعني باقي 30 يوم على الموعد وماادري متى تطلع الفيزا يمكن تاخذ اسبوع او اكثر .. يعني فيه احتمال انها ماتطلع قبل الرحله
طلعت من المكتب رحت مكتب تاشيرات ثاني قالي الاسبانيه تتاخر لكن ممكن تطلع فيزا المانيه شنقن وتقدر تدخل فيها اسبانيا
قلتله رحلتي 7 ايام كلها على اسبانيا اقدر ادخلها بفيزا المانيه !! قال ايه تقدر ..
رحت لواحد ثاني قال لا الموضوع فيه مخاطره الافضل لك تطلع الاسبانيه ممكن يسوون لك مشاكل بمطار اسبانيا
رجعت للأول وقلتله عن الموضوع قال انا قلتلك الي عندي وطلعت لناس كثير فيزا المانيه شنقن وهم رايحين النمسا وايطاليا سافرو ومااشتكو ولا شي
هذي اول رحله لي لأوروبا والرحله كلها بأسبانيا فياليت الي عنده علم يفيدني اذا الألمانيه شنقن تدخلني او لا؟
شاكر لكم جميعا