بريطانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Abdullah.Nr
08-12-2022 - 08:57 pm
السلام عليكم ورحمة الله وبركاته
يا جماعة الخير انا رحلتي ان شاء الله في 20 اغسطس
كل اموري الحمد لله جاهزه باقي لي الفيزا فققط
اوراقي كامله ومريت على كم محل سياحه ارخص محل يستخرجها ب 1500 !! وبعضهم قال ب 2000
المشكله مهب بالسعر قد ماهي مشكلة الاستغفال والاستغلال الي صاير !
اتمنى تدلوني على محل سعره معقول ولا تنصحوني اسويها لنفسي ؟
وهل يمديني ؟ ولا الوقت متأخر ؟
احترامي وتقديري ..


التعليقات (6)
فارس الجبيل
فارس الجبيل
اخوي عبدالله المسألة سهلة ومو محتاجة مكتب يسويها لك انت بنفسك عبي الابلكيشن من النت واحجز موعد قريب وان شاء الله يمديك
واذا بغيت تفك نفسك من العنوة المكاتب تعبي لك الابلكيشن وتحجز لك موعد ب 100 ريال او 150 ريال فقط لان مافيها حجز فنادق او تذاكر سفر لانها غير مطلوبة في التقديم على الفيزا البريطانية

Abdullah.Nr
Abdullah.Nr
الله يعافيك اخوي ،،
انا والله ودي اريح نفسي من التعبيه والتقديم
اذا تعرف مكتب من الي ياخذون سعر رمزي ياليت تدلني عليه ولا عليك امر

ثلج لندن
ثلج لندن
إذا أنت بالخبر
بنفس البناية حقت المكتب التجاري التابع للسفارة البريطانية فيه مكتب بالدور الأرضي يعبي طلبات الفيزا ب 150 الظاهر .
و ترا المسألة ما تأخذ منك 10 دقايق اونلاين و إذا استعصى عليك فهم شيء مترجم قوقل فيه الخير و البركة .

Lord Of The Rings
Lord Of The Rings
اتوقع الي عطاك السعر حسبلك موعد VIP وخدمة ال Priority pass مع سعر الفيزا + اجرة المكتب 150
495+280+581+150
=1500 وترا خاصملك 6 ريال ههه

EMANA
EMANA
وانا بعد لو سمحتوا أبي رقم أحد ثقة سواء مكتب أو شخص يخلص لي الفيز
في الرياض

أغنية المطر
أغنية المطر
بصراحة استغرب من بعض الأخوة اللجوء للمكاتب وبإسعار مبالغ فيها على الرغم من سهولة إجراءات إستخراج الفيزا !!


خصم يصل إلى 25%