وعليكم السلام ورحمة الله وبركاته
أنا أرشح لك السكن في منطقة المارينا باي أو جزيرة سنتوسا إذا السفره استرخاء وتغيير جو للأطفال أما إذا تسوق اسكنوا بالأورشارد
في الأورشارد
هذه شقق فندقيه
https://www.booking.com/hotel/sg/fraser-residence-orchard-singapore.ar.html?aid=1300939
أو فندق الهوليدي إن
https://www.booking.com/hotel/sg/holiday-inn-park-view.ar.html?aid=1300939
وعندك جراند حياة
https://www.booking.com/hotel/sg/grand-hyatt-singapore.ar.html?aid=1300939
،،
بالتوفيق يا رب

ماشاء الله مشرفتنا ايناس كفت ووفت
بس حبيت أزيد على كلامها شي بسيط
انا سكنت مره بفندق اسمه يورك
York Hotel
وهو قريب جدا من شارع اوشارد
والغرفه الي سكنت فيها اسمها فاميلي روم ، أو غرفه عائلية
وكانت تحتوي على سريرين كل سرير أبو نفرين
وانا طلبت منهم انهم يزيلون أحد الاسره أبو نفرين ويحطون بداله سريرين أبو نفر
فصارت الغرفه فيها سرير أبو نفرين + سريرين أبو نفر
يعني تكفي لعدد 4 بالغين بالراحه
والغرفة كبيره فيها مجال لو تبون سرير إضافي
أتوقع بتكون مناسبة جدا لكم مع الأطفال
هذي صورتها

وحتى لو ماعجبك هذا الفندق وحبيتي تسكنين بفندق آخر نصيحتي انك تراسلين الفندق الآخر قبل ما تحجزين فيه وتسألينهم عن شروطهم بالنسبة للأطفال هل يسمحون انكم تصيرون كلكم بغرفه وحده ولا لأ
لأن أغلب الفنادق لا توافق على وجود 5 أشخاص بغرفه وحده
وجذي راح تتطرون انكم تحجزون غرفتين !!!
أيضا أحب أضيف وأقولك ان بعض الشقق الفندقية الموجوده بشارع اوشارد أسعارها أغلى من سعر غرفتين بفندق 5 نجوم !!!!!

مشكوره اختي ايناس على تعاونك معي انا راح اسكن الايام الاولى بجزيرة سنتوسا عشان الاطفال و3 ايام تمشي واحترت بين منطقةالمارينا باي او منطقة اوشارد ولكني اخترت شارع اوشارد حسيت ان اسعار الشقق والفنادق ارخص من منطقة المارينا والتسوق ان شاء الله مخليته اخر السفريه من كوالالمبور بما ان الاسواق ارخص
مشكور اخوي ابو سعود شيكت على فندق يورك ببوكينج وقت رحلتنا لقيت غرفه رباعيه مش عائليه ما ادري هذي اللي انت تقصدها ؟؟؟
والفندق اسعاره معقوله الله يجزاكم الجنه ووالديكم

نعم اختي شهد الغرفة الرباعية هي الي اتكلم عنها
كبيرة الحجم وتكفي لعددكم ماشاء الله تبارك الرحمن مثل عددنا

شنو صار على التخطيط ؟؟ خلصتي ولا بعد ؟؟

شهد2013
بالتوفيق يا رب
لو مالقيتي غرفة عائلية احجزي غرفتين جنب بعض واطلبي تكون اللي متصلة بباب ...
ولو حبيتي تسكنين بالمارينا باي فيها أسواق حلوة وأسعارها معقولة لأنها ماركات عادية
والأورشارد للماركات العالمية ...
تسلمين على الدعوات الطيبة ولك بالمثل ...
وشكراً جزيلاً لك أبو سعود q8

تسلمون ما قصرتوا على مساعدتي الحجز ان شاء راح ابدا فيه على بداية رمضان ان شاء الله
طيب بشاوركم بما اني ما ابي اتسوق بس تمشي وابيها اكثر شي رجليه وش احسن السكن بمنطقة المارينا او شارع اوشارد ؟؟؟؟؟ابي رايك يا اخت ايناس واخوي ابو سعود

هلا أخت شهد
بما انك ما تبين تتسوقين وتفضلين التمشي على التسوق فالأفضل برأيي انك تسكنين بمنطقة
المارينا
ويكون الفندق على البحيره مباشرة وليس بمنطقة المارينا ولكن لا يطل على البحيره !!
منطقة المارينا جميلة جدا وهادئة نوعا ما ، خصوصا بالليل ، أجواءها رومانسية وإضاءات ناطحات السحاب المختلفة تعطي المزيد من الجمالية والإبهار
وحلوه جدا جدا للتمشى بجانب البحيرة خصوصا بعد العصر إلى منتصف الليل
ومرات يطلقون ألعاب نارية من هذا المكان بأيام المناسبات
أيضا في منطقة المارينا يوجد بها مجمع رااقي جدا وكبير وهو مجمع فندق المارينا باي ساندز وهذا المجمع غني عن التعريف
ويوجد مجمع آخر تحت فندق مارينا ماندارين ، ما أذكر اسمه بالظبط بس كان حلو ويتألف من عدة طوابق وفيه ركن للمطاعم والسينمات
ان شاء الله مشرفتنا ايناس تذكر لنا اسمه
ومنطقة المارينا فيها العجلة الدوارة أو ما يسمى بالسنغافورة فلاير
وتقدرين تاخذين رحلات بحرية على البحيرة والاستمتاع بالغداء أو العشاء في البحر
ويوجد هناك الملعب الأولمبي الي يعتبر فريد من نوعه لأنه مبنى على البحر
وأيضا تقدرين تروحين فندق المارينا باي ساندو وتزورين السكار بارك أو حديقة السماء الموجودة بالطابق الأخير
أو تزورين الحديقة الخلفية لهذا الفندق الي أتوقع انهم خلصوا من بنائها حاليا
يعني بصريح العبارة في أماكن وايد في منطقة المارينا تستاهل الزيارة والتمشي فيها
لذلك منطقة المارينا أفضل من شارع اوشارد في حال عدم الرغبة في التسوق
بس لا تنسين ، حاولي تسكنين بفندق يطل على البحيرة مباشره !

أهلاً بك شهد
أبو سعود كفى ووفى الله يسخر له الخير
رأيي مثل رأيه
ويوجد مجمع آخر تحت فندق مارينا ماندارين ، ما أذكر اسمه بالظبط بس كان حلو ويتألف من عدة طوابق وفيه ركن للمطاعم والسينمات
ان شاء الله مشرفتنا ايناس تذكر لنا اسمه
اسمه مارينا سكوير Marina Square
متصل بأربع فنادق ريتز كارلتون وبان باسيفيك ومارينا ماندرارين وماندارين أورينتال
هذي صورته

شوفي هالخريطة
http://www.streetdirectory.com/sg/marina-square/6-raffles-boulevard-039594/5409_32.html