1. sultan


2. وغيرهم كثيرر


3. زي ماشفتوا بشهر4 الى 5 تقريبا كنت مجهز كل شي ماباقي الشناط .


4. ان الناس تروج انكم تاخذون الرد لاين ..خط سير الاحمر ..


5. والحقيقة ان الخط الازرق افضل بلو لاين . وبتشوفونه بالخريطة حقت الباص.


6. لاحقا~

السلام عليكم ورحمة الله وبركاته ،
للأمانة تكيسلت كثير لطرح تقرير رحلتي الى لندن ، لكن بسبب الاستفادة الي اخذتها من المنتدى عند استعدادي لرحلتي حتمت علي ارد هذا الدين للمنتدى حتى يفيد اعضاءه ورواده الجدد..
والشكر خاص ل
فارس الجبيل
لندنية
موادع
هداوة
dona loOoz
عبدالله 86

sultan

وغيرهم كثيرر

محتمل مايكون فيه صور كثير لان الكل طرح صور ممكن تكون أجمل من صوري ، لان المعلومة هي الي بالتاكيد الكل يبحث عنها اكثر من انه تكون صور وقصة للرحلة ، لذلك ممكن اطرح المعلومات الهامة على شكل نقاط ، واجزاء بالمذاكرات ممكن اطرحه باسلوب قصة ..
بسم الله وعلى بركة الله نبدأ ..~
الرحلة الى لندن كانت ب 4 يونيو 2013 مساءً
والوصول 6.30 صباح الاربعاء 5 يونيو ولمدة اسبوع الرجوع 12 يونيو
1- التحضير والاستعداد للرحلة بالقراءة وجمع المعلومات بدأ قبل الرحلة ب 4 اشهر تقريبا .. لانها اول مره لي اطب لندن ولا اعرف عنها ولا شي بتاتاً ..
2- تم الحجز قبل الرحلة ب 4 أشهر اي بشهر 2 ميلادي ، على طيران الخليج وكانت التذكرة لشخصين 4650 ريال على الدرجة السياحية ..
الطيران كان اكثر من ممتاز تقييمي له 10/10
الطائرات جديدة ونظيفة وخدمة ممتازة وموعد الوصول بالدقيقة ، والكباتنه ماهرين بالاقلاع والهبوط .. والترانزيت بالبحرين كان ساعه وشوي والعودة كذلك .
3- ثم تجهيز الفيزا كان بشهر 2 وكان مركز التأشيرات فاضي مقارنة بهالايام ، وجلست يومين قدمتها الاحد استلمتها الثلاثاء.
كان الشخص بقيمة 490 ريال ورسوم مكتب 150 ريال للشخص يسوي الابلكيشن بالنت وحجز الموعد، وهو تحت مركز التأشيرات بالرياض.
( كثير ذكروا المستندات المطلوبة للفيزا لكن بذكر لكم انه مايحتاج اي حجوزات للفيزا لا طيران ولا فنادق حتى كشف الحساب حطيت به 22 الف وقالوا ماينظرون كم الرصيد )
4- صرف الفلوس كاش من الريال لعملة الباوند كان تقريبا بشهر 4 كان منخفض يساوي 1 باوند = 5.68
والى اليوم هذا وصل 5.95 او 6 ريال . لانه بالصيف ترتفع العملة.
( لانه الفيزا ماينصحون باستخدامها كثير لانه يصير حالات نصب ببعض المحلات تصير تسحب مبلغ وبنفس الوقت يسحب منك اكثر من مكان باوربا مثلا نفس المبلغ بنفس وقت العملية لذلك ما انصح بها ).
5- ركبت برامج بالايفون عن المترو وخريطة الاماكن السياحية واقرا تجارب وتقارير وو لين جمعت المعلومات الاسياسية.
6- رتبت اجازتي مع العمل حتى ما اجي بالاخير واصادف ان فيه زملاء مقدمين اجازاتهم واتورط لان الصيف كلن يبغا اجازة زواجات وسفريات وكل شي، ورتبت جدول لهم وحجزت مكاني مبكر

زي ماشفتوا بشهر4 الى 5 تقريبا كنت مجهز كل شي ماباقي الشناط .

7- قبل الرحلة بيومين حجزت عن طريق النت لندن آي + مدام تاسو ( بكج واحد بسعر خاص مع بعض الميزات ) عن طريق موقع لندن آي ، وطبعت التذاكر - وحجزت للباص السياحي big bus حق 48 ساعه وطبعت التذاكر ورقيا ايضاً ..
كل الحجوزات يتطلب احضار بطاقة الفيزا او الصراف الي دفعت بها للحجز بالنت.
طبعا حجزت قبل بيومين لانه ابي اتاكد انه باذن الله راح اسافر لاتجي ضروف لاسمح الله تعيق ، لانه التذاكر غير مسترده .. على فكرة يوم الخميس البق باص يزود سعر التذكرة باوند .. ممكن كان زحمة حجوزات !

• ميزات حجز بكج لندن آي ومدام تاسو هي : السعر مخفض ، دخول مجاني ل 4d بلندن آي - لايوجد وقت ساعه محدده لدخول لندن آي ، تجي باي ساعه خلال يوم الحجز بس بشرط نفس يوم الحجز وهذي تعتبر ميزة لانه اذا بتحجز تذكرة لوحدها غير محدد ساعه الدخول تكون اغلى شوي عليك الي هي flexible standrad .. بس يشترط انك تدخل لندن آي قبل مدام تاسو ويعطونك تذكرة لمدام تاسو صلاحيتها 3 أيام من دخول لندن آي .. طبعا تدخل السينما اول 4d ثم تركب لندن آي.. وكان جدا رائع مدته 4 دقائق بس حلو يرشون عليك مويه وبخار يطلع وتشوف الحمامة تطير من جنب وجهك ههه .. ولما حل الاذان شغلوا اذان الحرم بالسينما.

طبعا مانصح احد ياخذ الدخول السريع لانه السرا كان جدا سريع وكنا نمشي حنا ومدخل الدخول السريع نفس الشي ، يمكن السره ماخذ اكثر من 7 دقايق.. حلوو ! .. بس لايكون بويكند اعتقد بيزدحم.

• الباص السياحي big bus : فيه 24 ساعه بس القارب بالنهر يوديك لين جسر لندن بريدج .. او اذا اخذت ال 48 ساعه يوصلك الى قرية قرينتش وفعلا حجزت 48 ورحنا لقرية قرينتش ونزلنا بها .

ولو حجزت قارب لوحده عن طريق كوشك التذاكر لقرية قرينتش الشخص اتذكر 13 باوند . حسب ماقريت بموقعهم.
طبعا الباص السياحي له اكثر من محطة تركب منها الباص وليس فقط ماربل ارش او فندق ماريوت انا ركبت عند westminister pier - على النهر مقابل البق بن - كانت الساعه 10 .. وفيه اكثر من 20 محطة منتشرة بس باوقات مختلفة يبدا من عندها الباص فيه الساعه 8 و9 و 10 صباحا .
المفاجاة الاهم هي :

ان الناس تروج انكم تاخذون الرد لاين ..خط سير الاحمر ..

والحقيقة ان الخط الازرق افضل بلو لاين . وبتشوفونه بالخريطة حقت الباص.

الازرق يلف نفس خط سير الاحمر بالتمام والكمال لكن الازرق زيادة عليها يلف على الهايد بارك كلها + يوصلك الهارودز ويوقف عنده اذا بتركب او تنزل عنده ، انا نزلت عنده وتمشيت بالهارودز ورجعت ركبت لين وقفنا مرة اخرى عند متحف الشمع ونزلت عنده ورحت مشي لحديقة الريجنت بارك وصليت بالمسجد الظهر ورجعت ركبت الباص كملت الرحلة.
طبعا اخر باص يمر من عند الهارودز الساعه 6 مساء .
8- جهزت القهوة والهيل واشتريت غلاية اطبخ فيها القهوة حتى ماستخدم حقت الفندق وطبعا رجعت وخليتها عندهم ..

لاحقا~

• المصاريف والميزانية
• بذكر لكم موقف صار لي مع فندق حجزته عن طريق بوكنق
• وصولنا بمطار هيثرو
• الفندق
• المترو والتنقل
• الاسعار والمطاعم والاكل الحلال
• التسوق والاسعار
• مواقف مع اشخاص
• الوضع مع النقاب ولبس العباية
• نقاط اخرى

اكتفي بهذا القدر ، ولي حلقة اخرى لاحقاً بأذن الله .. تحياتي ~