أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مرحبا
بغيت اعرف وين القى شغلات حلوه تصلح حق قرقاعون يعني توزيعات وثياب
ادري انه تو الناس بس اكيد في محلات شعبيه على طول تبيع من هالشغلات
يا ريت تردون عليي لان يوم الخميس ان شاء الله الاهل رايحين وابي اوصييهم يجيبون لبنتي
اختي Fanda حياج الله بالكويت
وبالنسبه لملابس القرقيعان تلاقينهم بسوق المباركيه
وفي ملابس وشغلات للقرقيعان تلاقينهم بعد بالمعارض مثل بيت ديفا وبيت الشرق وكاريزما وبيت بدره وبيت لوذان
الحلويات والحب والحركات تلقين محلات الحلويات يسوونها..
لكن الملابس تلقينهم عند المشاغل والخياطين وبالاسواق التراثيه:نفس المباركيه
لكن انطري شوي لين القرقيعان...تنزل اشكال وحركات جديده
اذا لقيتي اللحين راح يكون قديم ويمكن ما يعجبج
القرقيعان
يعني الاطفال يلبسون جلابيات او ملابس تراثية
القرقيعان يسونه اهل المنطقة الشرقية
وعندنا في الحسا القرقيعان يجنن وتفنن وحركات
واهل الدمام اللي اهلهم في الحسا رسمي يجون الحسا يوم القرقيعان عشان القرقيعان
حتى احنا الكبار نشتري ونسوي جلابيات خصيصا للقرقيعان
ونجتمع مثلا في بيت واحد وكل وحده تجيب قرقيعان عيالها وتوزعه
وناسة
حياك الله عندنا تعالي زورينا يوم 14 رمضان
اخوي مشاريع القرقيعان هذه ليله نحتفل فيها اهالي المنطقة الشرقية والكويت والبحرين وقطر والامارات وعمان وهي تكون النصف من رمضان 14 , 15 رمضان ويلبسون الاطفال لبس معين العيال والبنات , ويدورون على البيوت ويغنون
حاليا بالمنطقة الشرقية ودول الخليج بدت تتطور ويصير الاحتفال داخل المنازل يتجمعون العوائل والاقارب ويحتفلون , بس بالقرى مازالت بالشوارع مثلا بعض الاحياء بالدمام مثل حي الدواسر وحي العدامه وحي السوق وحي الجلويه وحي العنود و حي المحمديه وحي العزيزية وكذلك القطيف وسيهات وصفوى والاحساء
وتشوف نصف رمضان في محلات القرقيعان بالخبر طق عصي
اذكر مره شرينا 10 كيلو , وماخذينا 3 ساعات الا خلصو ههه رحنا شرينا 5 كيلو زياده
ومحلاتهم العاده بالثقبه وتشوف محلات القرقيعان تبيع خرايط القرقيعان والبخنق وثوب النشل والطاقيه والسديري المطرز للعيال , وسوق السويكت كذلك
وكذلك بالدمام سوق الحب وسوق عيال ناصر وبالمجمعات التجاريه بس غالبيتها تكون الملابس برمضان تنزل
على فكره اخوي مشاري
العام الماضي لآول مره صار فيه قرقيعان بالرياض بس حنا اهل الشرقيه قمنا بتصديره لكم ههه وكان القرقيعان في سكن اعضاء هيئة التدريس بجامعة الملك سعود , ومجمع الفيصليه سوى حفل قرقيعان بس العيال مايعرفون شالسالفه ههه
وبالنسبه لملابس القرقيعان تلاقينهم بسوق المباركيه
وفي ملابس وشغلات للقرقيعان تلاقينهم بعد بالمعارض مثل بيت ديفا وبيت الشرق وكاريزما وبيت بدره وبيت لوذان