بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook

  2. السفر الى الكويت Kuwait
  3. القرقاعون من الكويت ؟؟؟


القرقاعون من الكويت ؟؟؟

    • FANDA FANDA
    القرقاعون من الكويت ؟؟؟
    14-04-2014 - 10:58 pm

    مرحبا

    بغيت اعرف وين القى شغلات حلوه تصلح حق قرقاعون يعني توزيعات وثياب

    ادري انه تو الناس بس اكيد في محلات شعبيه على طول تبيع من هالشغلات

    يا ريت تردون عليي لان يوم الخميس ان شاء الله الاهل رايحين وابي اوصييهم يجيبون لبنتي





    المشاركات

    • روان بنت الكويت روان بنت الكويت
    القرقاعون من الكويت ؟؟؟


    اختي Fanda حياج الله بالكويت

    وبالنسبه لملابس القرقيعان تلاقينهم بسوق المباركيه

    وفي ملابس وشغلات للقرقيعان تلاقينهم بعد بالمعارض مثل بيت ديفا وبيت الشرق وكاريزما وبيت بدره وبيت لوذان


    • طيف الاحزان طيف الاحزان
    القرقاعون من الكويت ؟؟؟


    فيه بعد الصيداوي اظن

    دايم يسونن عنه دعايات

    :)

    تحياتي


    • المرام المرام
    القرقاعون من الكويت ؟؟؟


    الحلويات والحب والحركات تلقين محلات الحلويات يسوونها..
    لكن الملابس تلقينهم عند المشاغل والخياطين وبالاسواق التراثيه:نفس المباركيه
    لكن انطري شوي لين القرقيعان...تنزل اشكال وحركات جديده
    اذا لقيتي اللحين راح يكون قديم ويمكن ما يعجبج


    • مشاري الشملان مشاري الشملان
    القرقاعون من الكويت ؟؟؟


    ممكن اعرف وش يعني ملابس القرقيعان؟؟؟

    عذرآ لتطفلي


    • سياحية سياحية
    القرقاعون من الكويت ؟؟؟


    القرقيعان
    يعني الاطفال يلبسون جلابيات او ملابس تراثية
    القرقيعان يسونه اهل المنطقة الشرقية
    وعندنا في الحسا القرقيعان يجنن وتفنن وحركات
    واهل الدمام اللي اهلهم في الحسا رسمي يجون الحسا يوم القرقيعان عشان القرقيعان
    ................
    حتى احنا الكبار نشتري ونسوي جلابيات خصيصا للقرقيعان
    ونجتمع مثلا في بيت واحد وكل وحده تجيب قرقيعان عيالها وتوزعه

    ونااااااااااااااااااااااااااااااااسة

    حياك الله عندنا تعالي زورينا يوم 14 رمضان


    • سلطان الشرقية سلطان الشرقية
    القرقاعون من الكويت ؟؟؟


    اخوي مشاريع القرقيعان هذه ليله نحتفل فيها اهالي المنطقة الشرقية والكويت والبحرين وقطر والامارات وعمان وهي تكون النصف من رمضان 14 , 15 رمضان ويلبسون الاطفال لبس معين العيال والبنات , ويدورون على البيوت ويغنون
    حاليا بالمنطقة الشرقية ودول الخليج بدت تتطور ويصير الاحتفال داخل المنازل يتجمعون العوائل والاقارب ويحتفلون , بس بالقرى مازالت بالشوارع مثلا بعض الاحياء بالدمام مثل حي الدواسر وحي العدامه وحي السوق وحي الجلويه وحي العنود و حي المحمديه وحي العزيزية وكذلك القطيف وسيهات وصفوى والاحساء
    وتشوف نصف رمضان في محلات القرقيعان بالخبر طق عصي
    اذكر مره شرينا 10 كيلو , وماخذينا 3 ساعات الا خلصو هههههههه رحنا شرينا 5 كيلو زياده
    ومحلاتهم العاده بالثقبه وتشوف محلات القرقيعان تبيع خرايط القرقيعان والبخنق وثوب النشل والطاقيه والسديري المطرز للعيال , وسوق السويكت كذلك
    وكذلك بالدمام سوق الحب وسوق عيال ناصر وبالمجمعات التجاريه بس غالبيتها تكون الملابس برمضان تنزل

    على فكره اخوي مشاري
    العام الماضي لآول مره صار فيه قرقيعان بالرياض بس حنا اهل الشرقيه قمنا بتصديره لكم ههههههه وكان القرقيعان في سكن اعضاء هيئة التدريس بجامعة الملك سعود , ومجمع الفيصليه سوى حفل قرقيعان بس العيال مايعرفون شالسالفه ههههههه


    • مشاري الشملان مشاري الشملان
    القرقاعون من الكويت ؟؟؟


    المشاركة الأصلية كتبت بواسطة بنت الحسا
    القرقيعان
    يعني الاطفال يلبسون جلابيات او ملابس تراثية
    القرقيعان يسونه اهل المنطقة الشرقية
    وعندنا في الحسا القرقيعان يجنن وتفنن وحركات
    واهل الدمام اللي اهلهم في الحسا رسمي يجون الحسا يوم القرقيعان عشان القرقيعان
    ................
    حتى احنا الكبار نشتري ونسوي جلابيات خصيصا للقرقيعان
    ونجتمع مثلا في بيت واحد وكل وحده تجيب قرقيعان عيالها وتوزعه
    ونااااااااااااااااااااااااااااااااسة
    حياك الله عندنا تعالي زورينا يوم 14 رمضان


    :112: :112: :112: :112:

    أنا مو بنت أنا شاب والمشكله دايم يغلطون بالإسم
    :110: :110: :110: :110: :110: :110: :110:


    • مشاري الشملان مشاري الشملان
    القرقاعون من الكويت ؟؟؟


    المشاركة الأصلية كتبت بواسطة سلطان الشرقية
    اخوي مشاريع القرقيعان هذه ليله نحتفل فيها اهالي المنطقة الشرقية والكويت والبحرين وقطر والامارات وعمان وهي تكون النصف من رمضان 14 , 15 رمضان ويلبسون الاطفال لبس معين العيال والبنات , ويدورون على البيوت ويغنون
    حاليا بالمنطقة الشرقية ودول الخليج بدت تتطور ويصير الاحتفال داخل المنازل يتجمعون العوائل والاقارب ويحتفلون , بس بالقرى مازالت بالشوارع مثلا بعض الاحياء بالدمام مثل حي الدواسر وحي العدامه وحي السوق وحي الجلويه وحي العنود و حي المحمديه وحي العزيزية وكذلك القطيف وسيهات وصفوى والاحساء
    وتشوف نصف رمضان في محلات القرقيعان بالخبر طق عصي
    اذكر مره شرينا 10 كيلو , وماخذينا 3 ساعات الا خلصو هههههههه رحنا شرينا 5 كيلو زياده
    ومحلاتهم العاده بالثقبه وتشوف محلات القرقيعان تبيع خرايط القرقيعان والبخنق وثوب النشل والطاقيه والسديري المطرز للعيال , وسوق السويكت كذلك
    وكذلك بالدمام سوق الحب وسوق عيال ناصر وبالمجمعات التجاريه بس غالبيتها تكون الملابس برمضان تنزل
    على فكره اخوي مشاري
    العام الماضي لآول مره صار فيه قرقيعان بالرياض بس حنا اهل الشرقيه قمنا بتصديره لكم ههههههه وكان القرقيعان في سكن اعضاء هيئة التدريس بجامعة الملك سعود , ومجمع الفيصليه سوى حفل قرقيعان بس العيال مايعرفون شالسالفه ههههههه
    :x1: :x1: :x1: :x1:

    مااااقصرت
    بيض الله وجهك
    كفيت ووفيت


    إتضحت الفكره

    ( قرقيعان :11ight: قرقيعان :11ight: قرقيعان :11ight: قرقيعان)


    • سياحية سياحية
    القرقاعون من الكويت ؟؟؟


    اسفة اسفة والله ما كان قصدي يا اخوي يامشاري
    سامحنا ما درييييييييييييييت الا الحين بالغلط



    يمكنك فتح موضوع جديد للمناقشة او الاستفسار والمشاركة.

    احجز الفندق بأعلى خصم:
    خصم يصل إلى 25%

    Share

    القرقاعون من الكويت ؟؟؟

    مواضيع قد تهمك من السفر الى الكويت Kuwait

    المزيد من السفر الى الكويت Kuwait..

    العرب المسافرون - أهلا ومرحبا بكم في بوابة و منتدى المسافرون العرب حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com وهو المنتدى الاصلي والحقيقي والكامل للمسافرون العرب

    © منتدى العرب المسافرون - الاصلي والكامل 2018 Arab Travelers Forums