المناطق التي اخترتها جميله وتوزيع الايام بنائا على فترتك القصيره يعتبر جيد مشكلة برنامجك الوحيده هي الانتقال من زل امسي الى انترلاكن بالسياره 6 ساعات !!!! اما بالقطار فهي مرهقه وشاقه حيث المسافه لن تقل عن 9 ساعات مع تبديلات لن تقل عن 5 تبديلات ؟؟!!! ودائما في البرامج القصيره لا انصح اطلاقا بالجمع بين انترلاكن وزل امسي البرنامج هذا ينفع لمن لديه وقت كافي بحيث يضع منطقة استراحه بالوسط او يكون المسافرون خفيفي الحركه ويتحملون بعد المسافه تحياتي

مشكور اخوي daaaym يزاك الله خير
نحن خفاف بس انا والمدام فالرحلة من زيلامسي لانترلاكن بتكون خفيفة ان شاء الله
بخصوص الرحلة ككل تم التعديل على التواريخ وعدد الايام لان ماشي رده لبوظبي دايركت من زيورخ ( زحمه)
صار الجدول كالتالي
من تاريخ 23 اغسطس لين 4 سبتمبر
محطة الوصول بتكون : ميونخ ليلتين
زيلامسي 4 ليالي
انترلاكن 4 ليالي
محطة الرجوع بتكون : جينيف ليلتين
اتمنى احد يساعدني في ترتيب جدول رحلات
وهل تنصحوني ابدل انترلاكن ب لوزيرن ..؟؟
او اخليها نفس ما هي ؟؟
والسموحة منكم ^_^

لعل في الامر خيره ان شاء الله تغييرك للمغادره من جنيف افضل لانها تأتي بعد انترلاكن بينما زيورخ تأتي قبلها يعني برنامجك الاول كنت راح تعدي زيورخ ثم ترجع لها ودامكم شخصين ان شاء الله ما راح يرهقكم المشوار من زل امسي الى انترلاكن وبالنسبه لبرنامجك مرتب ولوزيرن تبعد ساعه عن انترلاكن يعني تقدر تزورها من انترلاكن او تسكن فيها الخيار لك خصوصا اذا معك سياره راح تستفيد من انتقالاتك وبدل ما تكون شاقه تكون ممتعه بأذن الله واذا تبي نصيحتي يا بوخليفه اسحب ليلة من زل امسي وليلة من انترلاكن وخلي لك محطة بينهما ولتكن بريقنز النمساويه الجميله على بحيرة كونستانس ذات الحدود المشتركه بين النمساء وسويسرا والمانيا ومنها تزور زيورخ القريبه وشلال الراين العظيم وتضرب عصفورين بحجر منها تستريح ومنها تستفيد من المناطق الرائعه بدل ما تمر عليها مرور الكرام والتي بعض الناس يضع لها برنامج خاص للزياره مثل شلال الراين وزيورخ وطلع لها مشوار ساعتين من انترلاكن وبعد ما ترتاح واثناء الانتقال الى انترلاكن تتوقف في لوزيرن لانها في الوسط بين بريقنز وانترلاكن ساعه قبل انترلاكن وتنهي برنامجك الخاص بلوزيرن بدل ما تخصص لها يوم واذا حجزك مرن زيد ليلتين فقط رحله سعيده موفقه