امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
shkh
23-11-2022 - 05:58 pm
السلام عليكم ورحمة الله وبركاته
شكرا للجميع على التقارير الأكثر من رائعة وايد استفدت منها
وهذا أول موضوع لي اتمنى ألقى المساعدة
قررت نروح أمريكا شهر 12/2013 ان شاء الله لمدة 3 أسابيع
(20/12/2013 - 10/1/2014 )
المدن اللي بخاطري أزورها
( نيويورك - فلوريدا - ميامي - شيكاغو )
المخطط اللي ببالي
4 تيام نيويورك
0تيام اورلاندو
4 تيام ميامي
3 تيام شيكاغو
الميزانية 4 الاف دينار كويتي لشخصين أنا وزوجي
الطيران الداخلي من نيويورك ليه اورلاندو بالجت بلو , والسيارة لاورلاندو من شركة ناشونال
الفنادق ليلحين ما حددت
الأشياء اللي ودى أسويها ( رحلة بالمنطاد , الهيلكوبتر , الغواصة بالماء , الكروز )
^^^^^^^^^
موضوعي انحط للاستفسارات التالية :
1- خط السير للمدن اوكي ولا مو أوكي ؟
2- وقت الكريسميس الزحمه بتكون باى مدن ؟
3- حسب معلوماتى انه رحلة المنطاد اقدر اروحلها بديزني داون تاون اورلاندو , ورحلة الهيلكوبتر بالانترنشنال درايف اورلاندو , ورحلة الكروز من ميامي ( رايحه ميامي بس للكروز مابي اقعد فيها ) , والغواصة مادرى ابي مساعدتكم ؟
4- بالنسبة للمصاريف أخذها كاش ولا اطلع ماستر كارد ؟
5-شيكاغو اقدر اروحلها بسياره ؟ وجم المسافه تستغرق ؟
6- الاسهل أروح هيرشي بدل من شيكاغو ؟
7- الميزانية كافية ولا لا ؟
8- أدرى كثرت أسئلة بس استحملوني وفيدوني وجاوبوني و سلامتكم


التعليقات (9)
aziz20012001
aziz20012001
المخطط اللي ببالي
4 تيام نيويورك
0تيام اورلاندو
4 تيام ميامي
3 تيام شيكاغو
حلوة تيام ... ايام !
الجو فى نيويورك وشيكاغو وواشنطن بيكون بارد جدا فى هذى الفترة ( احتمال ثلج)
شيكاغو بعيدة
فى اورلاندو وميامى والكروز الجو بيكون روعة
ماكو غواصة بهذى المدن
دايما الافضل بالسفر استخدام الكردت كارد وليس الكاش
الميزانية معقولة , ممكن تحتاجون الف دينار زيادة
نصيحة نيويورك 3 ليالى بالسيارة واشنطن ليلتين بعدين طيران لميامى 3 ليالى وكروز 4 ليالى وبعدين بالسيارة اورلاندو 8 ليالى بعدين طيران لنيويورك ليلة
تو الناس اول شى طلعوا فيزا وبعدين ابتدوا بالحجز و المخطط

shkh
shkh
شكرا اخوي للمساعدة بالنسبة للغواصة متواجدة بأي مدينة ؟ لوس انجلوس ؟
3 تيام نيويورك و3 ميامي و4 كروز و10 اورلاندو و2 بنيويورك , أوكي جذي لان مانبي واشنطن ؟
المسافة بالطيارة من نيويورك ليه فلوريدا جم ساعه ؟ وبالضبط ليه ميامي جم ساعه ؟
سؤال أخير شنو احسن طيران للرحلة الطويلة دايركت ولا ترانزيت ؟
وشكرا مره ثانية

aziz20012001
aziz20012001
الغواصة اللى بشرم الشيخ احلى من اى غواصة بامريكا لان الشعاب المرجانية احلى بشرم
الغواصة مو ذاك الزود اصلا ..
تلاقين الغواصات فى بعض جزرهاواى وفى بعض جزر الكاريبى واكو فى جزيرة كاتالينا بجانب لوس انجلس غواصة وممكن فى مدن اخرى , دورى بالانترت
من نيويورك لميامى 3 ساعات طيران
احسن طيران دولى ...كل واحد وذوقة .
انا احب اروح على البريطانية عن طريق لندن ....الاماراتية والاتحاد والقطرية ممتازين ...ممكن الكويتية مباشرة الى نيويورك

shkh
shkh
بلاش الغواصة تتكنسل , في مصنع للكاوكاو بنيويورك بحيث اني اشوف شلون يصنعون الكاوكاو واصنع الكاوكاو الخاص فيني ؟
وشكرا للإجابة والافادة

aziz20012001
aziz20012001
اذا تبين مصنع
فى مصنع هرشي لاكنة يبعد حوالى 3 ساعات بالسيارة عن نيويورك
فى محلات وايد بالانترنت ممكن تطلبين ككاو خاص ويحطون اسمج وصورتج اذا تبين علية وممكن يوصلج الكويت !
http://www.mymms.com/Ideas/gallery/Default.aspx?id=7

wkjowkjo
wkjowkjo
4- بالنسبة للمصاريف أخذها كاش ولا اطلع ماستر كارد ؟
https://artravelers.com/p/re/803588
حط في بالك انها فيزا مسبقة الدفع من بنك برقان ... طلع لك فيزا العادية بحدود 400 دينار في حالة ان فيزات بنك برقان ما اشتغلت
7- الميزانية كافية ولا لا ؟
خلهم 5 الاف افضل
2- وقت الكريسميس الزحمه بتكون باى مدن ؟
عندي واحد من الاهل راح اورلاندو " بالتحديد سي وورلد " ... تصير عندهم فعاليات وانشطه و عروض خاصة حق راس السنه فقط ... شي خيال
السيارة جرب موقع rentalcars.com السعر يشمل الاجار وكل انواع التامين ما تحتاج تامين الشركة ... و قارن مع ناشونال و اختار الافضل
الفنادق جرب موقع hotelcombined.com يقارن بين اغلب مواقع حجز الفنادق من حيث الاسعار و نوع الحجز
تذاكر السفر الدولي ... حسب اللي اعرفه ان الاسعار الحين مرتفعه بحكم ان موسم سفر ... و تنزل اسعارها من شهر 10 او 11 تقريبا ...
اقرا موضوع اخونا أبو سعود Q8 ... حلو و في كل التفاصيل و موضوعه فرش و بنفس وقت سفرتك شهر تقريبا
https://artravelers.com/p/re/803310

shkh
shkh
اخ عزيز :
مو القصد أحصل كاوكاو خاص فيني كنت بعيش التجربة لا أكثر
أخ wkj :
شكرا للإفادة

shkh
shkh
اخوانى عندي استفسار آخر بالنسبة للماركات هناك هل سعرها اقل من عندنا ولا نفس السعر وإذا أقل بنسبة جم تكون ؟
وشكرا

wkjowkjo
wkjowkjo
الماركات الامريكية ارخص بوايد من عندنا " الاوتلت ارخص بعد من ناحية البضاعه الامريكيه والاوربيه" ... لكن الاوت لت بضاعته مو يديده " بضاعته تعتبر ستوكات صارها سنه او اكثر " ... اذا حصلت قطعه بالسوق لا تظن ان الاوت لت بتحصلها فيه ... على فكرة السوق عندهم مرات يسوون تنزيلات


خصم يصل إلى 25%