- بتكلم عن اربع فنادق سكنتها في فرانكفورت
- ثانيا
السلام عليكم ورحمة الله وبركاته
اشكر اعضاء هذا المنتدى العظيم كل اللي يبغى يسافر لازم يدخل هنا يقرأ ويستفيد وانا من اكثر الناس اللي يدخلون حتى لو ماابي اسافر استمتع بالتقارير والصور الموجوده
اولا
بتكلم عن اربع فنادق سكنتها في فرانكفورت
1- فندق تسايل(Zeil hotel) فندق ميزته قريب جدا من شارع التسوق تسايل ولكنه بصراحه تواضع جدا من ناحية النظافه والخدمات وحتى سعره تقريبا 450 ريال لليله ,يقدم لك الافطار والنت مجانا.
2- فندق دولشي (Dolche) في قرية باد نوهايم تبعد تقريبا 45 دقيقه بالقطار من محطة فرانكفورت الرئيسيه وقبلها تكون فرايبرغ, فندق محترم جدا ويعتبر ارقى فندق في هذي القريه من ناحية النظافه والافطار واسرعة النت والاستقبال
3- فندق سافوي(Savoy) في فرانكفورت قريب من المحطه الرئيسيه يعتبر اربع نجوم لكن لاحظ ان النت والافطار ليس مجانا وحتى التكييف حاطين عليه رسوم عشره يورو لليله ,انا حجزت كل الفنادق عن طريق بوكينق يمكن عشان عرض ذكي ماحطوه مجانا فالكل ينتبه للشي هذا العروض الذكيه يمكن يكون سعر مناسب لكن مافيه شي مجانا من النت والافطار.
4- فندق مونوبول(Monopol) ايضا قريب من المحطه الرئيسيه وقريب من فندق سافوي موقعه ممتاز ونظيف والنت والافطار مجانا وسعره تقريبا 550 ريال تعرفون الاسعار راح تحتلف حسب المواسم.
ثانيا
زيارتي لقرية ويرثيم (Wetheim village) هذا المكان لبضائع الماركات الاوت لت والله تلقون رخيص ومتوسط وغالي كل شي موجود بس في البدايه اول ماتدخلونها فيه مثل مكتب في النص استقبال تعبي ورقه فيها اسمك وعنوانك ويعطونك كرت تخفيض مع ان المحلات فيها تخفيض وهذا يعتبر تخفيض زياده ,طريقة الوصول للقريه من عند المحطه الرئيسيه في فرانكفورت عند مواقف الباصات لهم باص مخصص يروح للقريه هذي مرتين في اليوم
الذهاب : 9.30 و 1.30
العوده : 5.30 و 7.30
اختار الوقت اللي يناسبك ولاتخافون الباص فيه خدمة نت مجانا ونفس الشي القريه فيها نت مجانا
ثالثا
بادن بادن اتوقع الكل يعرفها مكان جميل جدا وطبيعه اجمل قريبه من الغابات السودا وقريبه ايضا من اليورو بارك لكن للاسف انا رحت ورجعت بنفس اليوم .
من فرانكفورت الى بادن بادن بالقطار السريع ساعه واحده بسعر تسعين يورو ذهاب وعوده
وبالقطار العادي ثلاث ساعات بسعر خمسين يورو ذهاب وعوده
ملاحظه :اليوم اللي يكون فيه مطر ماتصلح اليورو بارك هذي نصيحه ألمانيه فالكل قبل يروح يسأل عن الطقس هناك اولا
الصور عندي كثيره بصراحه لكن ماحملت منها شي واللي عندي اي سؤال حاضرين بسرعه قبل تطير المعلومات
كل الشكر لكم
الله يجزاك خير