/
السلام عليكم ورحمة الله وبركاته
مساكم الله بالخير ي أهل عُمان
:
/
لدي رحلة للفلبين عن طريق مطار دبي وبيكون قدامي وقت كافي
فقررت أروح زيارة خاطفة لعمان الحبيبة عن طريق الإمارات ولي عدة تساؤلات
كم المسافة من دبي وحتى الحدود العمانية
ومن دبي حتى مسقط ، ومن دبي حتى ظفار
المسافة من دبي حتى مسقط 450 تقريبا والمسافة من دبي حتى ظفار 1200 تقريبا
/
تنصحوني أقيم في أي مدينة وايش هي المدن التي تستحق الزيارة والأماكن المعروفة فيها
ننتظر جواب أهل السلطنة عن النقطة هذي
..
هل شهر 6 ميلادي مناسب للزيارة وكيف أجواء السلطنة بشكل عام وصلالة بشكل خاص
هل خمس أيام تعتبر كافية لها ؟
بالنسبة لصلالة نهاية 6 يكون بداية تغير الأجواء لموسم الخريف ولكن لا توجد طبيعة
،،
هل تحتاج لها سيارة دفع رباعي ؟
لا ما يحتاج دفع رباعي
وكم سعر البنزين بالريال السعودي ، وكم نوع فيه ؟
البنزين 3 أضعاف سعره في السعودية وأظن عندهم 3 أنواع
،،
متشوق بشكل كبير جداً للتعرف على السلطنة والمناطق التي تشتهر بها ومناطق الطبيعة
/
جاوبوني بالتفصيل الممل والله يديكم العافية

محمد العكاسي
السلام عليكم ورحمة الله وبركاته
وعليكم السلام ورحمه الله وبركاته
مساكم الله بالخير ي أهل عُمان
صبحك الله بالنوور والسرور
:
/
لدي رحلة للفلبين عن طريق مطار دبي وبيكون قدامي وقت كافي
كنت أتمني لو ذكرت الوقت الكافي كم بالضبط بس توصل بالسلامه ان شاء الله الي الفلبين
فقررت أروح زيارة خاطفة لعمان الحبيبة عن طريق الإمارات ولي عدة تساؤلات حيا الله فيك بتنور يا غالي
كم المسافة من دبي وحتى الحدود العمانية
بالتقريب حوالي 100 كيلو بين دبي الي الحدود
ومن دبي حتى مسقط ، ومن دبي حتى ظفار
دبي الى مسقط حوالي 400 كيلو ومن دبي الى ظفار حوالي 1200 كيلو طبعا هذي لا تفكر فيها
/
تنصحوني أقيم في أي مدينة وايش هي المدن التي تستحق الزيارة والأماكن المعروفة فيها
طبعا أنصح بالاقامه في مسقط اذا كان عندك الوقت الكافي لقربها من الاماكن السياحيه والترفيهيه
..
هل شهر 6 ميلادي مناسب للزيارة وكيف أجواء السلطنة بشكل عام وصلالة بشكل خاص
اجواء شهر 6 لا تختلف عن بقيه مدن الخليج طبعا الجو حار ورطب احيانا في مسقط الا اذا صادفت امطار صيفيه في وقت وصولك
بخصوص صلاله يبدأ الخريف موسميا اواخر شهر 6 وما قبل ذالك اجواء رطبه اذا يشاركوني المعلومه أعضاء صلاله الكرام لاني لست من سكانها للاسف
هل خمس أيام تعتبر كافية لها ؟
نعم 5 ايام كافيه لزياره مسقط عالاقل تاخذ فكرع عن مسقط ومعالمها
،،
هل تحتاج لها سيارة دفع رباعي ؟
ليس بالضروره ولا اعتقد تحتاجها كل الشوارع معبده ولله الحمد
وكم سعر البنزين بالريال السعودي ، وكم نوع فيه ؟
بالتقريب مثل ما قال اخوي محمد يساوي 3 اضعاف البنزين عندكم أي حوالي ريال ونصف للتر والمقارنه هنا ظالمه كون عمان تحتل المرتبه الثانيه في غلا البنزين بعد الامارات خليجيا
،،
متشوق بشكل كبير جداً للتعرف على السلطنة والمناطق التي تشتهر بها ومناطق الطبيعة
حياك بأي وقت أخي العزيز فضي شوي من وقتك فالصيف وزور صلاله عالاقل فتره الخريف راح تستانس بأذن الله
/
جاوبوني بالتفصيل الممل والله يديكم العافية
يعطيك العافيه واسمحلنا عالقصور
سلام