رحلة 15 يوم بالمانيا والنمسا سبتمبر 2012

العندلييب
رحلة 15 يوم بالمانيا والنمسا سبتمبر 2012

16-12-2014 - 12:53 am

السلام عليكم ورحمة الله وبركاتة

سوف اعرض بشكل مختصر رحلتي الى المانيا والنمسا وسوف اعرض تقريري في القسم الالماني ولن افصل الجزء النمساوي منه لان اغلب ايام رحلتي كانت في المانيا واتمني ان يكون التقرير مفيد لاعضاء وزوار المنتدي ، كما اني لن اتكلم بشكل تفصيلي عن استعدادت الرحلة بل سوف اتكلم بشكل مختصر عن اماكن السكن والاماكن اللى تم زيارتها وسوف يكون التقرير مقسما على14 جزاء وهو يمثل عدد الايام اللى قضيتها في المانيا والنمسا بحيث اعرض في كل جزء تفاصيل اليوم والاماكن اللى تم زيارتها ،واليوم الخامس عشر والاخير كان مجرد استعداد للسفر والعودة للوطن.

مقدمة

هذه الرحلة تعتبر ثاني رحلة الى اوروبا ، وقد زرت من قبل باريس وجنيف وانترلاكن ولوزين ولوقانو وفينيسيا وروما ، وحبيت في هذه الرحلة ان ازور اماكن جديدة بالنسبه لي فقررت زيارة المانياوالنمسا.

سفري كان من 31 اغسطس الى14 سبتمبر ، وهذه الرحلة اعتمدت اعتماد رئيسي على السيارة حيث اني استاجرت السيارة من ميونخ ولمدة 11 يوم تجولت بها في اغلب مناطق جنوب المانيا وسلمت السيارة في مطار فرانكفورت ومشيت السيارة 2400 كيلو

وهذا تقريبا كان خط سيري وسوف يكون هناك تفاصيل عن الاماكن التى زرتها في كل محطة ، وتختلف مده جلستي في كل منطقة ، فاماكن جلستبها يوم واماكن يومين واماكن ثلاث ايام ، يعني مده جلستي في المكان يعتمد على الشي اللى كنت ابغى اعملة في كل منطقة. وبسم الله نبداء

اليوم الاول :فرانكفورت

وصلت مطار فرانكفورت على الخطوط السعودية ووصلنا الساعه 2 ظهرا وكان الجو بارد تقريبا 17 درجة مئوية ، خرجت من الصاله واستنيت الباص اللى راح ينقلني الى محطة القطار في المطار ، انتظرت 3 دقايق وجاء الباص وركبنا واخذ تقريبا 10 دقايق حتى وصل الى محطة القطار اللى في المطار ، وقفت عند مكينه التذاكر عشن اخذ تذكرتين الى محطه فرانكفورت الرئيسية ، لكن ماعرفت استخدمها ، فلقيت قدام القطار وحده من موظفات المحطة اللى كانت تشيك على التذاكر وسالتها هذا هو القطار اللى يروح لمحطة فرانكفورت الرئيسية . قالتي ايوه . قلتلها ابغى اروح لهناك بس منى عارف استخدم جهاز التذاكر.قالت لي اطلع مافي وقت القطار راح يمشي دحين. قلتلها والتذاكر قالت لي بعدين اطلع بس. طلعت ان وزوجتى وهي طلعت ورانا. انا قلت اكيد دحين راح تقطع لي تذاكر داخل القطار. المهم انتظرت لكن ما جاتنا ابدا. وبعد 10 دقايق وصلنا ولما فتح الباب قالتلي مع السلامه. شكرتها ونزلت من القطار ، وصلت محطة فرانكفورت الرئيسية وهذاشكلها

واول مانزلت من محطة القطار لقيت الفندق اللى حاجز فيه وهذه صورته

الفندق 5 نجوم ونظيف ومريح جدا ، وكان مهم بالنسبة ليا انه مقابل محطة القطار مباشره
وهذا رابط الفندق في بوكينق
Booking.com: Steigenberger Hotel Metropolitan, Frankfurt/Main, Germany - 334 Guest reviews. Book your hotel now!

وهذي بعض الصور للغرفه اللى كنت فيها

وبعد ما ارتحت شويه من السفر ، قررت انزل واتجول في السيتي وكانت وجهتي الرئيسية شارع زيل اللى فيه الاسواق وشارع المشاه ، واترككم مع الصور

شوارع فرانكفورت جميلة ومرتبه ونظيفه

وصلنا شارع زيل

وهذي احد العروض اللى في الشارع ، شخص معلق في الهوا

وفيه مبني جنب مول ماي زيل تطلع فيه الى السطح وتقدر تاخذ منظر بانورامي على فرانكفورت

وبعد ماتعشينا في احد المطاعم الموجوده هناك رجعنا دربنا الى الفندق ، وبالمناسبة المسافه من محطه القطار الى السنتر تقريبا كيلو ونص يعني نص ساعه مشي ، وهذا طريق العودة

وبكذا انتهى يومنا الطويل والجميل في فرانكفورت ، ونراكم في اليوم الثاني والذهاب الى ميونخ
تحياتي للجميع