بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



لورد الخبر لورد الخبر
زيارتي الى البحرين الثلاثاء 12 رمضان بالصور ..
12-12-2014 - 08:36 pm


السلام عليكم ورحمة الله وبركاته
أطيب تحية لجميع أعضاء ومشرفي وزوار منتدانا الغالي وأسأل الله أن
يتقبل منا ومنكم الصيام والقيام وصالح الأعمال

كانت لنا زيارة للبحرين ولم يكن مرتب لها
وبيني وبينكم دائماً الرحلات الغير مرتبه تكون مميزة

اليوم : الثلاثاء 12 رمضان
عدد الأشخاص : أنا والغالية واللورد الصغير
الهدف من الزيارة : تغيير الأجواء ولكن أصبحت تسوق بالنهاية
المغادرة من الخبر : 5:30 مساءً
العودة الى الخبر : 2:30 صباحاً



وكان فيه شوية زحمة في الجوازات والجمارك يعني دخلنا تقريباً 6 مساءً
باتجاه ضاحية السيف



عاد أخذنا معنا عدة بسيطة ماء وتمر للاحتياط ، وكنا مترددين وين نفطر
هل نروح خيمة رمضانية ام مجمع ... الخ ، وبيني وبينكم انا وزوجتي وممكن
الغالبية منكم يدخل بوفيه الافطار والحمدلله من تشرب ماء وقهوة وكم تمره
خلاص تشبع ، المهم احنا فاضين وباقي عالآذان ربع ساعه
قلت خلني اشوف بوفيه بشرى في مطعم بوشيدو



نزلت ابي اشوف الوضع لقيت كم سيارة بالمواقف والباب مغلق
عرفت انهم يفتحون 6:30 عاد الاذان كان 6:28
توجهنا بعدها الى السيف مول ، وأذن المغرب واحنا بالمواقف وافطرنا
بسرعه اتباعاً لسنة الحبيب صلى الله عليه وسلم
بسم الله
اكلنا كم تمره وشربنا ماء
ذهب الظمأ وابتلت العروق وثبت الأجر إن شاء الله



دخلنا مع السيف مول من جهة التوسعة وتوجهنا لأداء الصلاة
وبعدها توجهنا الى مطعم رايس بول ، وكان متواجد فيه 5 عوائل تقريباً



قدموا لنا عالطاولة صحن تمر وكأسين لبن ( ماصورتها ) ، وطلباتنا وصلت



شوربة عدس + شوربة ذرة دجاج



من المقبلات اخترنا ربيان عالتوست



سمبوسة بطاطس



الفاتورة كانت تقريباً 83 ريال

اخذنا جولة في المول ، وواضح وجود فعاليات رمضانية جميلة ولكن بعد التراويح تبدأ
مثل هذه الألعاب والتحديات والمسابقات





مطعم بابادوم والمطعم الايطالي والصيني اللي في التوسعة بالاعلى مسوين بوفيه مفتوح
بينهم ومفتوحين ع بعض بسعر 49 ريال



اللورد الصغير لمح مركز التعليم المبكر وعلى طول ماشاء الله راح يركض له



جلسنا تقريباً فيه 20 دقيقة اشترينا له لعبه بس اعجبه الجو يبي يفتح اللعبة عندهم

المهم خرجنا بعدها من السيف في تمام الساعه 8 مساءً
ومنظر النخيل وهي مضاءة بعلم البحرين جميل



قررنا التوجه الى المحرق
(صورة من النت)


لي قالو هوى محرق شمالي و شقق شراعي ..اقول عروقي كلها لمحرق ..و هي قلبي و هي الوشم اللي ما يمحه من ذراعي ..و لي قالو شتحب في محرق ؟ اقول اعشق و لا فسر ! إذا ارض الغلا شبت و هي بالحب تحضني ..انا ما اسكن محرق ..ترى اهيه اللي تسكني ..يا ليت الناس تعرف و تعذرني ..انا مفتونها ..من وين ما وداني الهوى لي وين ..المحرق هي البحرين ..المحرق هي البحرين .. ليل المحرق و المحرق هي البحرين .. للشاعر الرائع علي عبدالله خليفه
صور متفرقة من المحرق







احدى الدورات الرمضانية المقامة بالمحرق



جلسة رائعة ناقصها ناس شرواكم وكم استكانة شاي



الواحة سنتر



أخذنا بعدها جولة سريعة على كورنيش عراد



ورجعنا باتجاه ضاحية السيف ( صورة لشاليهات نوفوتيل )



دخلنا السيتي سنتر في تمام الساعة 10:45 تقريباً وكان مزدحم ومهرجان وعروض حلوة



كان فيه مهرجان برعاية وزارة التنمية الاجتماعية ومجمع السيتي سنتر
مسابقات وقرقيعان وشخصيات كرتونية والتلفزيون حاضر








اللورد الصغير دخل وأخذ قرقيعانه



صعدنا الى الأعلى للتسوق



الفوانيس والثريات الجميلة أضافت لمسة رمضانية عالسيتي



المهرجان بالأسفل




بعد جولة التسوق البسيطة كنا بحاجة الى كوب قهوة والمشكلة جميع المقاهي مشغولة
وبعد الانتظار وجدنا طاولة في مقهى جلوريا وطلبنا كوبين من القهوة



خرجنا من السيتي الساعة 12:30 تقريباً ، وتوجهت الى مطعم بوشيدو
وأخبروني بأن البوفيه محجوز بالكامل

للمعلومية : بوفيه الافطار للشخص في الويكند 140 ريال سعودي
وفي وسط الإسبوع 120 ريال
وبوفيه السحور في الويكند 120 ريال ووسط الاسبوع 99 ريال

توجهنا بعدها الى ليلو كافيه والحمدلله لقينا طاولة فاضية على طول
طلباتنا وصلت






الفاتورة تقريباً 150 ريال

خرجنا من ليلو الساعة 1:45 باتجاه السعودية

إلى هنا أصل معكم الى نهاية هذه الزيارة السريعة والقصيرة للبحرين
وأسأل الله الكريم أن يعفو عني وعنكم ويعتق رقابنا ورقابكم من النار



لـورد الخـبر






المشاركات

ارمـــ ARMANI ـــاني ارمـــ ARMANI ـــاني
زيارتي الى البحرين الثلاثاء 12 رمضان بالصور ..


ياهلا ومسهلا بأخوي الغالي لورد الخبر

وعليكم السلام ورحمة الله وبركاتة


حمدلله على السلامة والله يجزاك كل خير ويشرفني ارد عليك اول واحد

والله اسعدتني وافرحتني كثير بهالطلعة الحلووووه
ويكفي انك حطيت النقط على الحروف للمشككين واللي يقولون الاوضاع ماهي مطمئنة


ياليتك حاجز من بدري لمطعم بوشيدو وانت خابر الزحمة وكل واحد له مقعد
بس خيرها بغيرها
الجيات اكثر والخيره في ما اختاره الله


وجد الفعاليات للأطفال والعوائل شكلها حللووووووه

وتراك ذكرتني بالبرنامج اللي يجيبونه في القناة السعودية الثانية خخخخخ










الله وين ذيك الايام نجلس عند الــــــ TV وكنا نشجع ههههههه واقوى هيصه


جلسة رائعة ناقصها ناس شرواكم وكم استكانة شاي <<< شرواك الطيب يا لورد الخبر



واهم شيء اللورد الصغير اخذ قرقعان
وفعاليات السيتي سنتر روووعة

واختيار موفق لكافيه ليلو

وأسأل الله الكريم أن يعفو عني وعنكم ويعتق رقابنا ورقابكم من النار
الله يسمع منك يارب وان يتقبل نا ومنكم صالح الاعمال


واعذرني عالاطالة
ومشكور وماقصرت اتحتفنا بزيارتك الرائعه واستمتعنا معكم
وكثر الله خيرك

وحفظ الله لوردكم الصغير وامه المصونه والله يخليهم لك
والله ويخليك لهم



بوحميـــــــــد بوحميـــــــــد
زيارتي الى البحرين الثلاثاء 12 رمضان بالصور ..


الحمدلله على السلامهـ
وحفظ الله البحرين والخليج ودول العربيه والمسلمين اجمعين
وجعل ربي يحفظ عايلتك الكريمهـ
تقرير رااائع غالينا
تحياتي لك


زائر
زيارتي الى البحرين الثلاثاء 12 رمضان بالصور ..


انا أحسدك يا اللورد
البحرين قريبة عليك وما شاءالله رايحين ويايين على البحرين
واحنا نتمنى الروحة طبعااا انا اموت بالبحرين وهوا البحرين
بس ميخالف مدام تحط لي صورها خلاص بنسامحك
واقول لك ما شاءالله ما شاءالله والله يتمم عليكم بالخير دايما
ربي يسعكم دووووم ودووووم
المطعم الاول رايس بول حسبته صيني طلع هندي
والبوفيه اللي تبيه اشبيدوا ليش رحت له مرتين
ما دحينه لك يعني ؟
حبيت الاجواء الرمضانية حلووووة وعليكم بالعافية بهالرحلة الجميلة


لورد الخبر لورد الخبر
زيارتي الى البحرين الثلاثاء 12 رمضان بالصور ..


المشاركة الأصلية كتبت بواسطة ارمـــ ARMANI ـــاني
ياهلا ومسهلا بأخوي الغالي لورد الخبر

وعليكم السلام ورحمة الله وبركاتة


حمدلله على السلامة والله يجزاك كل خير ويشرفني ارد عليك اول واحد

والله اسعدتني وافرحتني كثير بهالطلعة الحلووووه
ويكفي انك حطيت النقط على الحروف للمشككين واللي يقولون الاوضاع ماهي مطمئنة


ياليتك حاجز من بدري لمطعم بوشيدو وانت خابر الزحمة وكل واحد له مقعد
بس خيرها بغيرها
الجيات اكثر والخيره في ما اختاره الله


وجد الفعاليات للأطفال والعوائل شكلها حللووووووه

وتراك ذكرتني بالبرنامج اللي يجيبونه في القناة السعودية الثانية خخخخخ










الله وين ذيك الايام نجلس عند الــــــ TV وكنا نشجع ههههههه واقوى هيصه


جلسة رائعة ناقصها ناس شرواكم وكم استكانة شاي <<< شرواك الطيب يا لورد الخبر



واهم شيء اللورد الصغير اخذ قرقعان
وفعاليات السيتي سنتر روووعة

واختيار موفق لكافيه ليلو

وأسأل الله الكريم أن يعفو عني وعنكم ويعتق رقابنا ورقابكم من النار
الله يسمع منك يارب وان يتقبل نا ومنكم صالح الاعمال


واعذرني عالاطالة
ومشكور وماقصرت اتحتفنا بزيارتك الرائعه واستمتعنا معكم
وكثر الله خيرك

وحفظ الله لوردكم الصغير وامه المصونه والله يخليهم لك
والله ويخليك لهم

هلا بأخوي ارماني والشهر عليك مبارك وربي يسلمك ياغالي
والبحرين دائماً أمان الحمدلله والله يحفظها من كل سوء
بالنسبة لبوشيدو ماكان في الحسبان نزوره بس جا عالبال قلت أمر وأشوف

بالنسبة للأصلع اللي في القناة الثانية والله انك صادق
احنا على طول ضحكنا وتذكرناه لمن شفنا هالمجسم
برنامجهم كان حلو خصوصاً اللي يدخل غرفة ينجز مهمة وعنده وقت محدد واللا بيقفل عليه الباب
مدري تذكرت بعد الواجبات والمذاكرة لمن شفته

نورت التقرير بطلتك المميزة وشكراً على الدعوات الطيبة



لورد الخبر لورد الخبر
زيارتي الى البحرين الثلاثاء 12 رمضان بالصور ..


المشاركة الأصلية كتبت بواسطة بوحميـــــــــد
الحمدلله على السلامهـ
وحفظ الله البحرين والخليج ودول العربيه والمسلمين اجمعين
وجعل ربي يحفظ عايلتك الكريمهـ
تقرير رااائع غالينا
تحياتي لك
ربي يسلمك يا بو حميد ويبارك فيك
والله يحفظ البحرين من كل سوء وتبقى شامخه بشعبها الطيب وحكومتها
نورت التقرير بطلتك مشرفنا




لورد الخبر لورد الخبر
زيارتي الى البحرين الثلاثاء 12 رمضان بالصور ..


المشاركة الأصلية كتبت بواسطة توبليرون
انا أحسدك يا اللورد
البحرين قريبة عليك وما شاءالله رايحين ويايين على البحرين
واحنا نتمنى الروحة طبعااا انا اموت بالبحرين وهوا البحرين
بس ميخالف مدام تحط لي صورها خلاص بنسامحك
واقول لك ما شاءالله ما شاءالله والله يتمم عليكم بالخير دايما
ربي يسعكم دووووم ودووووم
المطعم الاول رايس بول حسبته صيني طلع هندي
والبوفيه اللي تبيه اشبيدوا ليش رحت له مرتين
ما دحينه لك يعني ؟
حبيت الاجواء الرمضانية حلووووة وعليكم بالعافية بهالرحلة الجميلة
هلا أم يوسف والشهر عليكم مبارك
وهاااه بدينا بالحسد ؟ قولوا ماشاء الله
بيني وبينكم اللي قريب من البحرين محسود ، والله ديره حلوة وأهلها طيبين وكريمين
عارف ممكن البعض بيقولون اني ابالغ ؟
صدقوني البحرين حلوه مررره وفيها راحة بس للي يعرف لها

بالنسبه لرايس بول هذا مطعم هندي ماعليه حليو جربته اكثر من مره سابقاً
بس قلت نمره بناخذ بس شوربة ومقبلات


وبالنسبة لبوشيدو هذا مطعم تايلندي راقي جداً
وفي رمضان عندهم خيمة اسمها بشرى فيها فطور وسحور
لهم اعلان في بوابة البحرين

شاكر مرورك أم يوسف وتسلمين على الدعوات الطيبة




alameral alameral
زيارتي الى البحرين الثلاثاء 12 رمضان بالصور ..


رحلة كانت حلوة ان شاء الله اروح في رمضان هناك شكل الاجواء تشجع الواحد


ياسمينة ستي ياسمينة ستي
زيارتي الى البحرين الثلاثاء 12 رمضان بالصور ..


ماشاء الله

جولة رائعة وخفيفة وحلوة في البحرين الغالية

اعجبتني المطاعم تحس انها نظيفة صدق والاطباق وااااو رائعة مع الاجواء الرمضانية

الله يكتب لنا زيارة للبحرين الي مابعد زرناها للاسف وهي في البال دائما

اخوي لورد الله يسلم الايدين ويعطيك العافية


al7anooon al7anooon
زيارتي الى البحرين الثلاثاء 12 رمضان بالصور ..


ما شاءلله تبارك الله

تقرير رائع وصور جميلة

لشقيقتنا مملكة البحرين

بس ماجبتلنا معك حلوى محرقية

يعطيك العافية



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

زيارتي الى البحرين الثلاثاء 12 رمضان بالصور ..