السلام عليكم ورحمة الله وبركاته::
ما شاء الله ..تقرير مميز ويستحق التثبيت ..
>>> ههه
لا عن جد ..تخطيط ما شاء الله ما (يخرش المية)
وعجبني فيك حب الاكتشاف وتجربة الاشياء الجديدة.
راح اذكر بعض النقاط اللي ممكن تكوون مهمة لكم ..والا ما شاء الله عليك ما يحتاج :
حديقة المايستري بارك.
كهوف ساينت بيتس
مطلات حلوة ( برينزر روثورن -هاردر كلم - هيموفلج - الشيوينج بلاتي (بلاد الدباديب) )
متحف البالينبيرج (الحياة السويسرية القديمة)
مصنع الزجاج بالقرب من لوزيرن Glasi Hergiswil
بحيرة تحت الارض lac souterrain بالقرب من كرانس مونتانا
شلالات الراينوانصحك قبل الذهاب الى التلفريكات التأكد من حالة الطقس.هذا مالدي..وعذرا ان كان نسيت شي..ورحلة موفقة أخوي القطري

وعليكم السلام ورحمة الله وبركاته
هلا وغلا الغالي
وتوا ماتبارك الموضوع
وتسلم على اللإضافه
المتحف رويته اولدي محمد وقال مايبي ^_*
وشلالات الراين بعيده + بيني وبينك مب مرتاح لها وخصوصاً معنا اولدي اصغر واحد عمره سنه ونص فأستبعدت الاماكن الي فيها خطوره اشوي
هاردر كلم - هيموفلج حاطهم من ضمن زيارتنا اول يوم لأنترلاكن
مصنع الزجاج فكره حلوه ..بشوف موقعه على النت الحين وبحاول ادخله في اليوم المناسب له ..
بحيره تحت الأرض مايبونها ^_* ..يبون العاب ^_^
كهوف ساينت بيتس زرناها 2009 وماحطيناها في الجدول ..
تسلم يمينك وماقصرت الغالي

كلمة رائع شويه تم حفظه بالمفضله
والله يهنيكم يارب

الله ايهني الجميع وتسلمين على المداخله

ملاحظه
تم دمج يوم 9 ( هابي لاند ) مع يوم 14 (سانت مونتانا ) لقرب المسافه بينهم ( 20 كيلو بس )

ان شاءالله قاعد اعيد ترتيب الجدول ومظهره الخارجي وبحطه في الموضوع اول مايجهز

1. احداثيات محطةTaschN 46° 04.027E 007° 46.538


2. يوم5 :


3. احداثيات nice placen 46.540126,e 7.778503


4. يوم 6:


5. يوم 9 :

هذا الجدول بعد التعديل
دمجنا بعض الاماكن لقرب المسافات وقلصنا عدد الايام
وان شاءالله ايكون مناسب للعوايل
يوم 1:
استلام البيت واكتشاف المكان ثم الذهاب الى انترلاكن لقضاء حوائج المنزل من الجمعية والتنزه في انترلاكن
يوم 2:
الذهاب الى قمة تيتلس ثم قضاء بعض الوقت في مكان جميل عباره عن بحيره engelberg lake في مكان ومرتفع من تيتلس واذا كان هناك وقت ذهبنا الى لوزيرن
احداثيات البحيره n 46.840937,e 8.41042
يوم 3 :
زيارة العاب Conny landN 47.614346E 9.058348
يوم 4 :
زيارة زيرمات من خلال طريق جديد واختصار عن طريق ركوب السيارة في القطار من خلال محطة قرية كاندرستيج ومن ثم ادخال احداثيات موقف محطة قطار Tasch لزيارة زيرمات.
احداثيات محطة كاندرستيج N 46 29.659 E 7 40.226

احداثيات محطةTaschN 46° 04.027E 007° 46.538

يوم5 :

زيارة قمة pfingstegg في قرية GRINDELWALD وتوجد زحليقه في القمهوبعدها زيارة شلال ستو باخ Staubach وفي الأخير الذهاب الى مكان جديد وجميل لفرش البسطه وشرب القهوه وسميته بهذا الأسم عشان اخزنه في القارمن nice place
احداثيات مواقف القمة N 46 37.408 E 008 02.806
احداثيات شلال ستو باخ n 46.59331 e 7.90737

احداثيات nice placen 46.540126,e 7.778503

يوم 6:

زيارة التلفريك المكشوف cabrio والقريب من لوزيرن ثم التوجه الى مكان ( سميته كذا لأنه ماله اسم عشان اخزنه في القارمن واعرفه لما احطه في الجدول ) nice place1 لقضاء فيه بعض الوقت وشرب القهوه واذا كان هناك وقت سنزور لوزيرن.
احداثيات مواقف Cabrio N 46.95905E 8.363639
احداثيات nice place1n 46 42.799, e 08 24.950
يوم 7 :
زيارة اليوروب بارك
N48 16.132 E007 43.136
يوم 8 :
مصنع شوكولا نستله Nestleاحداثيات موقف المصنع N 46 36.411 E 07 6.474
مصنع الجبن Gruyeresاحداثية المصنع N 46 34.945 E 07 4.342
قلعة غرويير Gruyeres احداثيات مواقفالقلعه N 46 34.914 E 07 4.830ولا ننسى التمشي في القرية لأنها من اجمل القرى
جبل مولسون Molesonوفيها زحليقه احداثيات مواقف السيارات N 46 33.677 E 07 2.227
وفي العوده زيارة شلال الجان، احداثيات شلال الجان N 46 36.637, E 07 16.521

يوم 9 :

زيارة مدينة العاب happy land new وعنوانها كالتالي Rue du Foulon, 3977, Grangesوبعدها زيارة كراس مونتانا وصعود التلفريك وفي كرانس يوجد مطعم تركي حلال وممكن التجول في المنطقه للأستكشاف،ويمكن الذهاب الى الالعاب وسانت مونتانا من خلال النفق الجديد حيث يتم حمل السياره في القطار في نفق يسمى Lötschberg Tunnel‏إلى Ferdenحيث المسافه الإجماليه 60 كيلو فقط ومن خلال نفس النفق يمكن الذهاب الى زيرمات والقطار الذي يحمل السيارات موجود في كاندر ستيج .
احداثيات محطة كاندرستيج N 46 29.659 E 7 40.226
وهذي احداثيات الالعاب N 46.26319,e 7.457485
احداثيات تلفريك سانت مونتانا n 46.308646,e 7.467325
يوم 10 :
زيارة العاب labyrinthe aventure وعنونها كالتالي Route des Iles Vieilles 30
2Evionnaz
وثم زيارة القطارات السويسرية الصغيرة للاطفال وعنوانها كالتالي
Swiss Vapeur Parc,CH-1897 Le Bouveret, Switzerland وهي قريبه جدا من الالعاب
وهذي احداثيات الالعاب N 46.165521E 7.028997
وهذي احداثيات القطارات N 46.38507 E 6.857185
يوم 11 :
زيارة اوشين سي وشلال Engstligenalp وثم انترلاكن والعوده مبكراً لترتيب الشنط مع امكانية قضاء بعض الوقت في مكان جميل للتمتع بالهدوء والطبيعه nice place وقريب من كاندرستيج
احداثيات شلال Engstligenalpn 46.45929 e 7.56632
يوم 12:
زيارة قمة جلاسيير 3000 Glacier 3000 وهذي والصعود للقمة مع الاستمتاع بالزحليقه الصيفيه وبعدها زيارة قشتاد والأستمتاع فيها مع ركوب التلفريك
احداثيات مواقف Glacier 3000n 46.354022,e 7.205873
احداثيات التلفريكn 46.467571 ,e 7.28209
يوم 13 :
زيارة قمتين مع كهف جليدي والمشوار حوالي ساعه ونص وهناك طريقان ( جبلي + وادي )
زيارة قمة Grimselpass n 46.56117, e 8.33678
ثم المغارة الثلجية n 46.57754 ,e 8.38725
ثم قمة FURKA n 46.57278, e 8.41667
يوم السفر :
التوجه الى مطار زيوريخ فجراً لأن الرحله الساعه 11.30
واتمنى اكون اتوفقت في التوزيع ..
ملاحظه 1 : بعض المشاوير بعيده ..فخلوا المشاوير البعيده بينها فترة راحه يعني خلوا بينهم يومين او 3 ايام راحه ..
ملاحظه 2 : اذا كنتوا رايحين مشاوير بعيده فحاولوا اتريحون في المحطات عشان الصغار ماايتمللون ..
والله ايحفظ الجميع ان شاءالله

ما شاء الله عليك.
عندي مداخلة بسيطة لمصنع الجبن ...ترى كل يوم عرض واحد يبدأ الساعة 10 صباحا...اللي وقتها تشوفو كيف يسووا الجبن ..بعد كذا اذا جيتم ولا لحقتو العرض بإمكانكم مشاهدة صفوف الجبن من خلف الزجاج وتذوق الفوندو.
والله يحفظكم ويرعاكم.
بالتوفيق

انت ماتدخل !
انت تامر وتنهي الغالي
ةتسلم على الملاحظه واول مره ادري فيها ..
حتى اذكر كنت اقرا احدى التقارير لزيارة الجبن واستغربت انهم ماادخلوا المصنع واكتفوا بالتصوير من برا ولكن الحين عرفت السبب ^_^
شكلنا راح نعتمد على هالتوزيع وراح اكتفي ب 10 ايام بس وراح ابدا ادخل الاحداثيات القارمن اليوم ان شاءالله
تسلم يمينك الغالي وماقصرت