اخوي الكندي
5 اشخاص من 2000 درهم يعني 10,000 درهم
وهذا المبلغ مناسب جداً ويكفي للرحله 4 ايام
وأنصحك أخوي بالنسبه للسكن خلك بعيد عن منطقة شارع المعارض لانها منطقه لمن يبحث عن الحرام
انا أذكر فيع فندق قريب من سوق الدانه 4 نجوم ونضيف أخذته في آخر سفره لي للبحرين قبل 4 سنوات وكان سعره في حدود 220 درهم ويميزه قربه من أهم سوقين في البحرين :-
(1) سوق السيف : سوق ضخم وكبير وفيه مجمع مطاعم وفيه مجمع سينما
(2) سوق الدانه : سوق مصمم بشكل راقي ورائع وفيه مطاعم ومجمع للسينما
واذا تحب الشاليهات في شاليهات الدانه كبيره ومرتبه وسعرها مناسب حسب ذكر احد الاصدقاء وانا ما زرتها لكن احد الاصدقاء اخذ الشاليه ب 450 درهم ويكفي لعدد 5 اشخاص

مراحب أخوي الكندي ..
ليش ماتسكنون بالسيارة .. ترى أحسن لكم . وإذا عندكم كروزر بعد أحسن هاهاهاهاهاهاهاها
لحد يزعل ..
شوف حبيبي ..
البحرين أيام العيد ماتنفع بريال ..
زحمة . وعالم . ودنيا . وحشره . وغثى . وصعبة تحصل فندق أو شقة فاضية ..
يعني أنصحك بعد العيد روح لها ..
و3 ليالي كفاية على البحرين صراحة ..
السكن أتوقع لو تسكنون في أحد الشقق بتكون أرخص لكم وأوفر .. وأرشحلك الشقق الي في منطقة البديع أو أم الحصم ..
ونفس ماقال أخوي مهاجر .. شارع المعارض للي يبحث عن المحرمات . كل فنادقهم وأنت بكرامه زفت ..
تحياتي لك . ورحلة موفقة . وإن أحتجت أي شئ لايردك إلا كيبوردك ههه

1. السلام عليكم

السلام عليكم

يا حيا الله كل من يحب البحرين و يحب يزورها , فحياك الله اخي الكريم في بلدك الثاني البحرين .... و جو البحرين جميل في هذه الايام ,
و رأيي من رأي الاخ مهاجر في كل ما ذكر , جزاه الله خير , و ان شاء الله ميزانيتكم كافية و راهية , و قد سألت لك عن شقق (( اجنحة السيف )) التي تقع قرب مجمع السيف فوجدت ان الشقة ذات 3 غرف تكلف 1600 درهم لليلة الواحدة ,و رقم هاتفهم : 583388 و ذلك بسبب موقعها الاستراتيجي .
اما اذا أردت شقق اقل تكلفة و هي تابعة لذات المجموعة (( اليت )) , و رقم هاتفهم : 740760 و تكلف الشقة ذات 3 غرف 840 درهم , و يوجد لها أفرع في الجفير و الحورة و ام الحصم , و جميعها لا تبعد عن السيف اكثر من 10 دقائق , و بما انكم شباب و تملكون سيارة , فربما رايتم ان هذه الشقق افضل من ناحية السعر , و انا انصحك ان تحجزها عن طريق شركة سياحة إذ من المتوقع ان يكون السعر أفضل . الا انه و للامانة أنا لم أرى اي منها , و انما سمعت انها من افضل الشقق الموجودة .
و يوجد ايضا شاليهات البندر و رقم هاتفهم : 795400 .
و اذا عندك اي استفسار اخر فلا تتردد .
و يا هلا بك مرة اخرى .

السلام عليكم،،،
فيه أحد يعرف موقع شاليهات الدانة.. أو رقم تلفونهم .؟؟؟؟؟؟

السلام عليكم والرحمة
مشكورين يا جماعة .. ما قصرتوا ولو عندي اي سؤال ثاني ... بحطه هنيه !

الكندي
حياك الله في البحرين
اشاء الله نشوفك انت وربعك ومن ناحيه الشقق لاتشيل هم
ارسلي علي الخاص متي بتجي وابشر بسعدك

مرحبا ياجماعة الخير ههه

شوف اخوي
بالنسبه للبحرين بالعيد الله يعينك زحمه بمعنى كلمه زحمه اسالني انا كل مابي اروح بالعيد ارجع البيت من الزحمه
لكن بعد العيد
شوف شارع المعرض هذا ابعد عنه لا تسكن فيه ولا ببلاش طبعا والاماكن اللي حوله خذها مني نصيحه
ابعد عن المنامه
اسكن بالمحرق او بمدينه حمد او بمدينه عيسى لكن ما ادري عندهم شقق

اخوي فيصل666
صحيح ان شارع المعارض زحمه ، لكنه حلو بزحمته ;)
بالنسبه لسكن في بالمحرق او بمدينه حمد او بمدينه عيسى
كل الشقق الي فيها ايجار شهري او سنوي ، وليست شقق مفروشه بلكامل و مجئزه لأيجار اليومي
اغلب الشقق المفروشه :-
الحوره ، الجفير ، العدليه ، ام الحصم ، ضاحيه السيف
الحوره :- وينصفها شارع المعارض وفيها الكثير من الشقق المفروشه وبأسعار متوسطه
الجفير :-وهي المنطقه التي قريبه من القاعده الامريكيه ، وفيها الكثير من الشقق الفخمه والغاليه بعض الشي
وهي منطقه هاديه جدآ وحديثه
العدليه و ام الحصم :- وفيهم بعض الشقق المفروشه وبأسعار متوسطه
ضاحيه السيف :- وفيها شقق (( اجنحة السيف ))
واختي ( سحر الشرق ) يعطيها العافيه ماقصرت
تحياتي لكم