الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مـخـ شـمـه ـاوي
04-12-2022 - 04:21 pm
السلام عليكم ورحمة الله وبركاته
ان شاءالله ناوي ازور الكويت مع العائلة الكريمة واول مره اجيبهم الكويت
كل مره انا ازور الكويت بس في الشتاء واروح اماكن شبابية
ابا مساعدتكم ياقوم ابا اعرف وين الاماكن الي اقدر اروحها في الصيف وخاصه الاسواق النسائية والدراعات وغيره وغيره


التعليقات (6)
سانيدي
سانيدي
هلا باخوي مخاوي وهلا بعائلتك الكريمه
صباح الخير
اتمنى تاصل باذن الله بصحبة العايلة بالسلامه
ونقولك مرحبا الف
أخي انا اقول روح لسوق (306) سوق كبيروحلو وترى غالي شوي وانت على الدائري السادس يجي لك لوحة تقول السره وانت متجه غرب
يجي سوق 360 على يدك اليسار بعد مايجي المخرج اطلع معاه ينزلك على السوق وترى جيان تحت سوق 360
ولاتنسى تمشى بالمباركيه فهي فاكهة الاسواق سوق شعبي
يوسع الخاطر زره على الطاير
فيه سوق بالجهراء عند دخولك الكويت
سوق مشهور ومعروف اتمنى من اخوانا
اللي يسكنون الجهراء
يفيدونك باسمه
وعلى العموم ترى ماقلت شي
قلت راي
وقلت وجهة نظر

bohasoon
bohasoon
حدد نوع السوق الي تبية و نوع السلع الي تبحث عنها وحنا حاضرين لك

q8ya metnaqla
q8ya metnaqla
حياكم الله تنور الديره
عندك هالجدول وتقدر تختار اللي تبيه وراح احط بعض المعلومات لو حاب اتغير فيه
https://artravelers.com/p/re/487746
اختياراتي للايام
اليوم الاول - اليوم الثاني ممكن اتغيرون من المتحف وتروحون مجمع الاوقاف يمكم بالديره للدراعات- اليوم الثالث بما انكم في 360 يمكم بعد الفراونيه عندكم الحمرا مو ومجمع العربيد كله درارييع وفي خياطيين - اليوم الخامس - اليوم الثامن - اليوم التاسع
واتأكدون اذا في معارض من الجرايد او ديوانيه البوابه
وحياكم الله

مـخـ شـمـه ـاوي
مـخـ شـمـه ـاوي
اشكركم جميعا على المعلومات والحمدالله رحنا ورجعنا بسلامة ليلة امس
طبعا تبون رايي عن الكويت
بالنسبة لي انا اشوف الكويت من احلى الدول الي ازورها وارتاح لها بس في الشتى
لاكن هالمرة في الصيف كانت غير والواحد مايعرف وين يروح
طبعا في زيارتنا زرنا سوق الاوقاف للدراعات وسوق المباركية وكان الجو جدا حار وسوق الفروانية مجمع العربيد وايد حلو للحريم
بالنسبة للمولات زرنا الافنيوز والمرينا اول مره ادخل المولات ويكونون بها الطريقة مافي مكان الواحد يقدر يمشي فيه من الزحمة
ام بصراحة الكويت تفتقد شي مهم جدا واتمنى انه دولة الكويت تنظر لها الشي الكويت دولة معروف عنها انه دولة الها تراث عريق ومن اعرق دول الخليج في التراث
لاكن للاسف ماشفنا الاهتمام الكافي بالتراث بالكويت وين تراث الاجداد وين القلاع التراثيه المراكب التراثية عشاق هاذا التراث وينهم
والسموحة منكم

q8ya metnaqla
q8ya metnaqla
الحمدالله على السلامه ونورتوا الديره
صح الكويت بالصيف حاره والاغلبيه يقضون ايامهم بالشاليهات والواجهات البحريه
صح كلامك وهذا احنا اللي انترياه من السؤولين وان شاءالله يلتفتون لي هالشي واشوه الحين قاعدين يعدلون ويوسعون في المباركيه ..
ومشكور على ملاحظاتك الحلوه

حلوة الكون
حلوة الكون
المجمعات التجارية :- الأفنيوز - مجمع 360 - مارينا مول - سوق شرق - مجمع الفنار - مجمع المهلب - مجمع البستان - مجمع زهرة - مجمع أولمبيا
الأسواق الشعبية :- سوق المباركية - سوق الصفاة - سوق السالمية - سنتر بوينت
الأماكن الأخرى :- المدينة الترفيهية - حديقة الشعب - حولي بارك - ديسكفري مول للأطفال .


خصم يصل إلى 25%