- لكن مو حر مثلنا كنا نروح المول بالنهار وبعد الظهر نروح الالعاب
’’’ لكل عشاق ومتابعين البوابه الامريكيه
انتظروني في تقريري الجديد عن بلاد العم سام
ولان تحميل وترتيب الصور ياخذ وقت
وماودي اتاخر عليكم
خصوصا ان الكثير يستعد او يخطط للسفر في الايام القريبه
احببت ان اعطيكم ملخص سريع للرحله واهم الاماكن المفروض زيارتها
وبعض الفنادق المجربه ،،،
" الخطوط الناقله "
الخطوط البريطانيه
( خطوط جيده التزام بالمواعيد وخدمه حلوه بس الترفيه عادي جدا واخترتها لان الترانزيت في هيثرو قليل ثلاث ساعات بس )
" مخطط الرحله "
واشنطن - نيويورك - نياقرا فولز - اورلاندو - ميامي
" السكن "
" بذكر اسم الفندق ونوع الغرفه والسعر بدون الضريبه ورأيي الشخصي فيه "
واشنطن : DoubleTree by Hilton Hotel Washington DC
JR Suite = $ 299
(الفندق ممتاز كموقع وخدمه وكل شى حجم الجناح روعه العيب الوحيد الانترنت برسوم)
نيويورك : DoubleTree by Hilton Times Square
Doubles Suite Prem = $ 459.09
(فندق روعه الموقع خرافي قدامه على طول الدرج الاحمر اللي بالتايمز
والامان عالي جدا ماتدخل في الليل الا بكارد الغرفه هادي والتعامل ممتاز ولكن النت برسوم)
نياقرا فولز : Days Inn at The Falls
Two Queens = $ 89.95
(موقعه ممتاز جنب الشلالات على طول مستوى الفندق متوسط
لكن مالقينا غيره ماانصح فيه للي بيقعد اكثر من يوم)
اولارندو : Worldquest ResortThree Bedroom Suite = $ 119.79
(منتجع جديد والاثاث مو مستهلك قريب من ديزني والداون تاون انصح فيه وبقوه
الحجز شامل الافطار بس ماجربته الا مره وحده كان عادي جدا)
ميامي : Loews Miami Beach Hotel
Superior Double Room = $ 199
(اللي بيروح ميامي نصيحه لايجرب غير هالفندق الموقع قريب من اللنكون رود ومن الاوشن درايف وحولك كل شى والخدمه ممتازه فندق كبير عكس اغلب الفنادق هناك)
" اهم الاماكن "
" اللي زرتها واعتبرها اساسيه ومايمنع فيه اماكن اخرى بس مااهتميت اشوفها "
1- واشنطن ( البيت الابيض - نصب ابراهام لنكولن وواشنطن مموريال لكن للاسف النوافير فيها اصلاحات - الام ستريت - جورج تاون والمطاعم هناك - الحي الصيني - تايسون مول في منطقة فرجينيا )
2- نيويورك ( التايمزسكوير - جوله بالباص الاحمر - هليكوبتر تور على منطقة منهاتن - فيفث افينو والاسواق اللي هناك - منطقة الصفر والنافوره اللي مكان ابراج التجاره - عرض سبايدر مان للاطفال )
3- نياقرا فولز ( جولة maid of the mist في الشلالات - مدينة بافلو فيها مول حلو وكبير جنب المطار )
4- اورلاندو ( حدايق ديزني الاربعه - يونيفرسال ستديوز والستي ووك - داون تاون ديزني - بوش قاردن في مدينة تامبا - الاوت لت - الانترناشونال درايف - the mall at millenia - محل ام اند امز في فلوريدا مول - حديقة wet n wild المائيه )
5- ميامي ( مول bal harbour - المطاعم البحريه في الاوشن درايف - لنكولن رود - باي سايد ماركت - الساوث بيتش )
" ملاحظات سريعه "
- الجو في نيويورك وواشنطن يميل للبروده وخصوصا بالليل وطبعا اورلاندو العكس حر وشمس
لكن مو حر مثلنا كنا نروح المول بالنهار وبعد الظهر نروح الالعاب
- اغلب المطارات يستخدمون جهاز الماسح الضوئي للاجسام
- الداون تاون والستي ووك يفتح الى وقت متأخر
- الفاست باس في ديزني يخلص بسرعه بما انه مجاني حاولو اول ماتدخلون تحددون اهم لعبه وتاخذون الفاست باس لها
- الاكسبرس في يونيفرسال ضروري عشان تتجنبون الزحمه ولاتفوتكم لعبة سبايدرمان الجديده
- الطيران الداخلي جربت jetblue جيده ونظيفه وشنطه مجانا لكل راكب
- تور الهليكوبتر حاولو يكون الصباح او الظهرلان الجو مو مضمون في العصر
- التسوق في فلوريدا احسن لان سعر الضريبه اقل
- قارنو سعر الفندق في اكثر من موقع بما فيهم موقع الفندق نفسه لان احيانا تنزل عروض حلوه
- تذاكر ديزني والالعاب والعروض من الموقع او من الفندق لاتغامرون وتشترون من مكان اخر
- اذا عندكم مناسبه بيرث دي او تخرج بلغو علاقات الزوار في ديزني يعطونكم بروش مجاني
- تاجير السياره افضل قبل السفر
- البقشيش او tips ضروري في امريكا
" مواقع مساعده "
booking.com
hotels.com
expedia.com
nationalcar.com
newyorkhelicopter.com
broadway.com
اتمنى ان المعلومات مفيده واي استفسار انا حاضره
" سفره موفقه للكل "
وبانتظارك ,
ويعطيكي الف عافية على المعلومات ,
ونحن بمشيئة الله على موعد مع تقرير من العيار الثقيل ,
دمتي بخير , , ,