رحلة شبابية السباحة و السياحة في وادي القحفي
السلام عليكم ورحمة الله وبركاته
الله يسلمكم ،، في يوم السبت 02/06/2012 نشيت من الرقاد
من غبشة ،، و قبل لا يطير الطير
لأن كانت عندي كمن شغلة وكم مشوار
وعاد قعدت أفتر في دبي من مكان للثاني أخلص أشغالي
المهم... عقب ما خلصت
بصراحة
أدور أقرب سرير أبا أعق عمري عليه
لكن
حسّيت ب هزة في مخباي .... وأثاريه تلفوني
طلعته و إلا أشوفه يقول :
أوه ... الكمالي
ربيعنا في الدوام ،، والريّال راعي رحلات
خل أشوف وش عنده الكمالي :
واو.. رحلة ،،، وادي ،،، سباحة ووناسة ويا الربع
نسيت التعب والسرير
وعلى طول جهّزت عمري ،، وحطيت أغراض و ملابس السباحة
في ال Hand Bag
وعلى الموتر بلحق عالشباب في الموعد
عند نادي دبي في منطقة العوير
وصلت عالموعد
وهاي سيارات الشباب اللي كانو واصلين قبلي
و بدون تأخير لأن المسافة بعيدة
على طول طلعنا عالدرب
صح نسيت أعرفكم عالشباب
وإلا أقول لكم
خلهم بروحهم يعرفونكم على نفسهم
نحن الحين طالعين من العوير وعلى درب حتّا
قربنا من منطقة البداير وهي تابعة لإمارة الشارجة
وهي منطقة مشهورة بالسفاري
وهني وصلنا لنقطة تفتيش
لأن بندخل في حدود السلطنة التابعة لولاية محضة
طبعا لازم نكون شايلين إثبات شخصية
وإلا ما بيخلونا نعبر
الحمدلله عدينا من كل نقاط التفتيش
لأن على فكرة .. فيه أكثر من نقطة تفتيش عالدرب
لأن المناطق الحدودية متداخلة
ف بعد ما ندخل حدود السلطنة
نرجع نطلع منها و ندخل مرة ثانية في حدود الإمارات
لما نوصل منطقة حتّا التابعة لدبي
وبعدها نرجع ندخل لحدود السلطنة مرة ثانية
وصلنا حتّا
وهني في الطريق للحدود العمانية مرة ثانية مثل ما قلت لكم
وأخيرا
ولاية محضة ،، ترحب فينا وفيكم
(هاللافتة اللي تحت صورتها ونحن راجعين لأني ما لحقت اصورها ونحن داخلين)
علشان جذي ظلام و ليل
و هني عاد بدأ الطريق الوعر
منطقة جبلية صعبة ،، ولازم السيارة دفع رباعي
الصالون ممكن يدخل ،، لكن ما ننصح
مثل ما تشوفون ،، الطريق وعر وصعب
وأخيرا ولله الحمد ... وصلنا
وقفنا السيارة بعيد
طبعا منطقة السباحة لازم ننزل لها مشي ،، السيارة ما توصل
الكمالي مستانس ،،، الوصول لهالأماكن قمة متعته
وبوعلي بعد
طبعا الماي ينزل من الجبل في غدران وجداول
يالله ننزل وحياكم ويانا
جولة إستكشافية قصيرة في المكان قبل السباحة
طبعا المكان شديد الوعورة والإنحدار، والصخور ملساء و تزحلق
واللي يروح لازم يحط باله على نفسه
زين ما زين
تابع