JOHN DOE
19-07-2022 - 07:28 pm
السلام عليكم
ناوي على سفره لسويسرا في عيد الاضحى إن شاء الله
من تاريخ 17 اوكتوبر الى نهاية اوكتوبر
يعني السفره على بعضها حوالي 12-14 يوم
ودي ارتب الرحله بشكل حلو لأني ما اعرف وش الاماكن الترفيهيه اللي راح تكون مغلقه هذاك الوقت وكيف الجو هناك
تخطيطي المبدئي هو الوصول الى ميونيخ والذهاب الى Rust في المانيا واخذ فيها تقريبا يومين او ثلاثه
ومنها على انترلاكن 4 او 5 ايام
وبعدها لوسيرن او جينيف يومين او ثلاثه
وبعدها العوده باتجاه المانيا ليومين او ثلاثه ثم العوده للوطن
ما ادري إذا عندكم خطه ثانيه ولا لا
ودي اعرف الجو هناك كيف
وايش افضل الفنادق اللي ممكن اسكن فيها
والتنقل طبعا بسياره
الرحله لي ولزوجتي وإحتمال بنتي الصغيره بيكون عمرها 11 شهر هذاك الوقت
لقيت تذاكر على الخطوط التركيه بحوالي 5900 ريال لشخصين وطفل رضيع
وش رايكم بهالخطوط
زينه ولا نروح للاتحاد او الامارات
اتمنى منكم المساعده بالتفاصيل
وجزاكم الله خير جميعا
وعليكم السلام اخوي في البدايه احييك على تخطيطك المبكر نوعا ما للرحله هذا شي يغفل عنه الكثير للاسف
اولا : اختيارك لميونخ اذا كنت تقصد رست يعتبر غير صحيح الا لو كنت قاصد ميونخ للجلوس بها ثم الانتقال لرست ... لو كنت قاصد رست مباشرة هناك العديد من المطارات الدوليه اقرب بكثير من ميونخ مثل مطار بازل و مطار فرانكفورت على سبيل المثال لا الحصر
ثانيا : الرجاء تحديد مكان الاقلاع والعوده لكي يتم التعامل بشكل ادق مع مخططك والاقتراحات
يعني على سبيل المثال من اين تنوي العوده من نفس مكان الوصول او مدينه اخرى ؟
من اي دوله واي مطار سيتم التوجه لسويسرا ؟؟
اتمنى التزويد بهالتفاصيل لكي تصبح الامور اسهل واوضح في البحث وشكرا