بحدود ال 5 ساعات طيران من فيقاس الى ميامى
خلك من فيقاس هى بالغرب جنب لوس انجلس وسان دييغو .... خلها للسفرة القادمة وخصصها لمدن الغرب

اوك شورتك وهدايه الله...انا بعد جم يوم باخذ التذاكر على الكويتيه..
انا من النوع الي ماعرف ولا احب احجز فنادق وتذاكر عن طريق النت..
تنصحني بسفريات مجربها وشغلها مضبوط؟
وسؤال ثاني..السفريات تحجز سياره وطيران داخلي؟
واسف ازعجتك معاي..بس ابيك معاي خطوه بخطوه بوسعيد..كوز هذي اول سفره..
وشكرا

كوز هذى .......لول
من سنين وكل حجوزاتى عن طريق النت..... السفريات يقدرون طبعا يحجزون لك تذاكر طيران الداخلى وفنادق وهذا شى سهل......
بالنسبة للسيارة الحجز من النت سهل جدا ... من موقع شركة التاجير تحط اسمك وايميلك وتاريخ ومكان الاستلام للسيارة وتحط تاريخ ومكان التسليم وتختار نوع السيارة( مايحتاجون بيانات الكردت كارد) وراح يدزولك ايميل تاكيد الحجز...
انا احجزها لك من النت اذا انت ماتعرف ( بس احتاج اسمك و ايميلك .. دزة لى على الخاص)

لوول تسلم من ذوقك..
خلاص انشالله بس اخذ تذاكر الطيران..اخليك تحجزلي السياره..
انزين تعتقد (حلوه تعتقد لول) ميامي احتاج فيها سياره؟ لأن سمعت ان صعب تحصل مصافط فيها وشوارعها مو مناسبه حق سياره؟
وبسألك شرايك بهل منتجع (اورلاندو) دش بخاطري موقعه مار عليك من قبل؟
Holiday Inn Club Vacations At Orange Lake Resort
اخر سؤال:/ انا عندي بطاقه ATM (بنك الوطني) استخدمها (كاش-كي نت) هل بطاقه تنفع اهناك اخلص فيها شغلي ولا لازم فيزا؟
واسف ازعجتك بالاسئله.. : )

ميامي بدون سيارة ماتسوي ... شوارعها سهالة والمواقف سهلة.....
لازم فيزا للسيارة والفنادق ووايد شغلات....
الفندق حلو لاكن هو في منطقة كيسيمي...انا افضل السكن بالقرب من الانترناشونال درايف...
شنو نوع الغرف اللي تبيها ولكم شخص والتواريخ والسعر الاعلي لليلة

م
المشكله انا محتار بموضوع السكن..مرات اقول السكن مو مهم وايد احنا شباب ما نشوف الفندق الا وقت النوم..ومرات اقول لأ خل اخذ سكن حلو عشان ارتاح وهم استانس في اذا مالي خلق اطلع ..شنو الفنادق الي ترشحها حقي بشارع انترناشينال درايف ..يعني فنادق بو 4 نجوم او 3 بس يكون مرتب ..حق 14يوم
تاريخ 20-6
عدد الاشخاص/ 2 (يعني غرفه)
واخر سؤال/ بخصوص الفيزا..وين الاماكن الي ضروري استخدم فيها فيزا ..يعني المطاعم ادفع كاش؟ وتذاكر الملاهي والعروض كاش؟
والفيزا بس اسحب فيها طبيعي..ولا لازم توقيع ويشوفون ال id مالي.ومحلات سحبت ومحلات ما اشتغلت الخ..لأن سمعت ان في ناس مأذينهم بهل موضوع
وشكرا للمره الألف على سعه صدرك : )

الفنادق في اورلاندوا كثيرة !! سواء في منطقة الانترناشيونال درايف او ليك بونافيستا وهي الاشهر !!
يمكنكم التشييك عليها في احدى مواقع الحجوزات مثل Booking وتاختاروها في احد هذين المنطقتين لانهم متوسطة لجميع المناطق السياحية في اورلاندوا
البطاقة الائتمانية ضرورية في عديد من الاماكن في امريكا ومنها ايجار السيارات
وهي امنه للاستخدام عن الكاش !!
يمكنك اخذ معك 2000-3000$ كاش للمصروفات النثرية والباقي تشتريه بالبطاقة الائتمانية
ويمكن استخدامها في كل مكان حتى التكاسي !!
واغلب المحلات بيسئلوا عن هوية بصورة للتحقق من شخصيتك وان البطاقة تخصك !!
اتمنى لكم التوفيق ,,

Fairfield Inn Suites Orlando At SeaWorld
Courtyard Orlando International Drive/Convention Center
Residence Inn Orlando at SeaWorld

قواك الله عزيز مشكور ماقصرت
قواك الله مشرفنا امباكت على هل معلومات ماقصرت
وان شالله لي عوده بعد اخذ التذاكر..بالتوفيق