
المشاركة الأصلية كتبت بواسطة AbOFareS2011
مشالله اخوي والله يجزا اللي ساعدك وهذا الحشم بالجميع والحمدلله ان عدا اول يوم وزالت الرهبه .
راح استفيد من تقريرك كثير فلا تبخل علينا وانا اخوك ..
حبيت اسالك انا مستاجر من شركه سكست كم قيمه المبلغ المحجوز من غير قميه الايجار لاني مستاجر سياره بقيمه 7700 ريال لمده 22 يوم كم يكون او تتوقع مبلغ التامين اللي بياخذونه .
ثانيا خلال رحلتك هل كلف عليك الديزل وكم تكلفته .
ثالثا: رسوم الطريق او استيكر الطرق بكم اخذته ومن وين تحصله .
رابعا : كيف الطرق الجبيله وهل هي حلو وسهله القياده .
حياك الله أخوي الكريم والله يسلمك.
قيمة المبلغ المحجوز 400 فرنك تقريباً 1700 ريال وهذا يرجع لسعر صرف العملة.
والسيارة أخذتها من ترافل جيسغو ب 3200 ريال شاملة التأمين 200 ريال وهذا التأمين ضد الحوادث والسرقة والكوارث لاسمح الله وليس له علاقة بالمبلغ المحجوز.
والديزل خلال الرحلة عبيته ثلاث والأخيرة كانت القيمة منخفضة لان التانكي فيه ثلاث ارباعة لكن شروط الايجار تتضمن اعادة السيارة بخزان وقود ممتلئ.
وقيمة تعبئة التانكي على حسب كمية الديزل الموجودة فإن كانت الكمية من الربع واقل قد يكلفك حدود 90-95 فرنك حوالي 400 ريال ، والمسافة من 600- 650 كيلو ، وعلى حسب مشاوريك ، اذا كانت كثيرة او قليلة ، انا كنت اخرج بشكل معقول وطبيعي كلفني بحدود 1000 ريال لكل الرحلة ، وخذ في عين الاعتبار غلاء المعيشة هناك قد تصل لعشرة اضعاف التكلفة هنا.
وبخصوص سؤالك عن استكر الطرق ، ماشتريت شيء استلمت السيارة جاهزة وسافرت لألمانيا بها ورجعت ماحد كلمني ، وبصراحة رحت وجيت ماشفت عسكري واحد في
سويسرا وماشفت نقاط تفتيش والامور متيسرة ولاتظن ان الوضع مشابه لنا هنا بوجود تفتيش للمرور ودوريات مكثفة ، كل هذا ماشفته ، والاخوان اصحاب الخبرة قد يفيدونك أكثر لأنه قد يكون مامريت به مجرد صدفة لكن اصحاب الخبرة سيفيدونك أكثر، وأنا جاوبتك عن اللي شفته ولا أبيك تعتمد عليه لأني اقوله من واقع مشاهدة لمرة واحدة.
بالنسبة للطرق الجبلية ، فهي حلوة وممتعة لكن صعبة القيادة لأن بعضها ضيق جداً وفيها منعطفات خطيرة جداً وتحتاج تركيز شديد والقيادة برفق ، وتزداد الخطورة أكثر في حال وجود عواصف ثلجية ، وهذا سيتم التطرق له ان شاء الله في احدى رحلاتي بالسيارة في أحد الاجزاء القريبة القادمة ان شاء الله.