- سفرتي كانت بتاريخ 6 -12 الي 20-12 ,,
السلالالام عليكم ,,
حبيت اشكر كل اللي ساهمو في تنظيم رحلتي من جميع المشرفين والاعضاء المميزين .. حبين اقولكم عن تجربتي باستراليا الرائعه ,,
سفرتي كانت بتاريخ 6 -12 الي 20-12 ,,
وطبعا قبل السفر قمت بقراءه تقارير الاعضاء واستفدت منهم جميعا .. بس اكثر تقرير عجبني بسيط وشامل اعتقد لالاخ ابو عبدالعزيز من الكويت و ليدي بيرد ,,
المهم اللي حصل انه وقت سفرتنا صيف عندهم واصابني الاحباط من كلام الاعضاء من الحر الفضيع والشمس الحارقه !! بس المفأجأه انه الجو كان اكثر من روعه مطر وهوا وبرد الحلو مو البارد واستغربت من الجو !! وسألتهم قالو الجو متخربط عندهم وهم زعلانين مو عاجبهم يبون الحر للبحر .. بس بالنسبه لنا الجو رائع انصدمت فيه .. ولمن رجعنا الكويت وايضا دبي جلست فيها كم يوم .. اللي المفروض عندنا شتا كان الجو حار وسبحان الله بالعكس المفروض احنا برد واهما حر ..
سوري عالمقدمه بس بغيت اوضح ناحيه الجو .. المهم وصلنا جولد كوست ارتحنا يوم بعدها رحنا لمكتب لاوند على اساس انه عربي بس ماكان في احد الا هندي !! بس عنده برشورات للرحلات بالعربي اخترنا برنامج ل 9 ايام وطلع علينا تقريبا 800 وشي دولار ,,
وبصراحه ماقارنا بالاسعار مع غيره فما ندري اذا اغلى او لا ,, بس عموما الديره غاليه .. يعني مصرفنا من اكل وتمشيهومشترا خفيف فقط حول 2000 دك ,,
اي صح سكنا بالهلتون مكانه روعه وهادي ويديد بس غرفه صغيره ! غير عن الصور ابوكنج .. يمكن مصورين السويت .. بعدها سكنا بالهوليدي ان على مدحكم .. بصراحه عجبني انا توقعته مو نظيف على اساس انه قديم ومستهلك بس نظيف وغرفه عندي احلا واوسع من الهلتون بس موقع الهلتون احلا ,,
ورحنا اغلب الرحلات وكان بخاطري اروح الاوت باك بس لاسف موقفين قاعدين يسون عرض ثاني بس اغلب الرحلات اللي رحناهم حلوه .. وحتى المدينه المائيه اللي يم الدريم ورلد على انه مو مخططين لها بالصدفه رحنا بس استمتعنا ,, وحبيت انوه انه الشعب الاسترالي شعب محترم جدا وهذا الشعب اللي يسمونه فرندلي مو الامريكي !! رحت امريكا وماعجبتني كلش فرق عن استراليا .. حلوه وبسيطه رحلات وانشطه واكل لذيذ مطاعمهم حلوه بصراحه امريكا ما فيها زود بس سوق !!
واشكر الاخ
https://artravelers.com على التقرير الشامل لسيدني وجولد كوست بصراحه قمت بطباعته واول مره اسافر بدون لاب توب .. كان التقرير مكفي وموفي وواضح وبالنسبه لسيدني كان عندي 4 اايام والاخت هدى ماقصرت عطتني جدول ل4 ايام فالحمدالله احس اني عطيت استراليا حقها .. هاذى اول سفره احس اني استغلتها صح ..
ورحت كذا مطعم بس اللي عجبني ومدحتو ايضا زفرون .. حتى انديان قيت حلو .. والله كذا مطعم اكلهم لذيذ والاهم نظيف الاكل يلبس دسوس !!
م ومادري وايد افكار ابالي عموما اي استفسار اانا حاضر ,, وترا في عروض لاماراتيه لحقو عليها
اي وسكنت بالفور سيزون بسيدني فندق رائع وموقعه ممتاز وسعره مناسب .. بصراحه استغربت انه اسعار فنادقهم رخيصه عكس اوروبا !!
وسلامتكم,,,