امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
red strawberry
14-12-2022 - 09:38 pm
  1. وحتى الاكل بعد ما يحتاج القلف اير اكيد ممتاز

  2. وصلنا لندن


بسم الله نبتدي اخيرا تقريري
ستروبي في الاراضي الامريكية
خططت للرحلة من زمان " سنين لها ونين "
بس ما الله كتب و يسر لي الا في هالمره
رحلتنا كانت في 4 سبتمبر
و على متن
الرحلة كانت حلوه و مريحه و اقل من 7 ساعات من البحرين الى لندن
و الطياره كانت جديده افضل من اللي سافرت عليهم على الاطلاق و اليكم الصور من كابينة رجال الاعمال
يصير سرير كامل و مريح جدا
ونظام الترفيه ايضا جدا عالي فيها التلفزيون و الافلام بالاضافه الى الشاشه الصغيره اللي يوزعونا عليكم و فيها افلام و العاب و مسلسلات و كارتون و حتى بارني

وحتى الاكل بعد ما يحتاج القلف اير اكيد ممتاز

وما انسى ان الشيف ما قصر كان يسالني من بداية الرحلة عن حماني و شنو يحب ياكل و هل يسوي له معكرونه ولا سباقتي اكل خاص للاطفال ،، بس انا قلت له نو نيد ههه محتسبين ويايبين له غداه ويانا بما ان رحلتنا كانت الساعه 10 الصبح ،، وهالشي كان ممتاز كون اننا طالعين من بيتنا نايمين الليل و مستعدين للطريج الطويل

وصلنا لندن

و طبعا كان فيها ترانزيت لندن لمدة ساعتين الا ربع بس على ما غيرنا الترمنيل وركبنا الباص و غيره ما صار يمدي نسوي شي رحنا القاعه عطينا حماني ياكل شي و عالسريع خذت فره في هارودز ههه " احلى شي في لندن بالنسبة لي " و شريت من بوتس شوية ادوية للزكام و غيره
والى الرحلة الثانيه اللي كانت على


رحلتي الى امريكا رحلتي الى الولايات المتحد
التعليقات (9)
كويتية^رحالة
كويتية^رحالة
الحمدالله على السلامة
بداية جميلة والله يخلي لج حمني ان شاء الله
متابعة بتركيز

red strawberry
red strawberry
  1. رحلتنا كانت لندن - نيويورك جي اف كنيدي


رحلتنا كانت لندن - نيويورك جي اف كنيدي

وطبعا كانت على درجة رجال الاعمال " الباكج اللي خذناه من طيران الخليج على البزنس مع ان كنا قاعدين اول كرسي فيها بس لان الطياره مافيها درجة اولى " و رحلتنا على شريكتها كانت على نفس الدرجة بس ترتيب الكراسي كان غير
2 - 3 - 2
و خلونا في الثلاثه الوسطيين
الكراسي غير مريحه ابدا يصير سرير بس مايل للامام يعني الراس فوق و الرجل تندعس تحت الكرسي اللي جدامنا ازعجني هالشي جدا
و التلفزيون مثبت فالكرسي اللي امامنا وفيه الخريطه
اول مره اعبر المحيط
و الاكل كان لاباس زين خصوصا ان كنا طالبين اكل مسلمين جهزوا لنا باستا مع دجاج اشوه انهم فاهمين اننا ما ناكل خضره وبس
الوجبة الرئيسية ما صورتها لاني ما كلتها من التعب مت ماقدرت اكل شي بس ابي اوصل خصوصا اني ما انام فالطياره
  • * في موقف مهم حبيت اذكره صادني حماني من التعب مسكين رجع الاكل اللي كله و انا قمت للمطبخ و طلبت كيس نايلون تخيلو المضيف تأفف بوجهي و كني طالبه منه نجمه من السما و قلت لهم ان ولدي مرجع ما طلبت منه ينظفه . مع ان شغلته هو اللي ينظف و قامت وحده معاه وعطتني و لما رجعت مره ثانيه كنت احتاج مناديل عشان انظف الوضع بدع طالع فوق و وقال اوف

حسبي الله عليه لحين حارني
وانا كنت بروحي وبوحماني نايم ماكنت ابي اسوي ازعاج ولا مشاكل غيرت الكرسي بعد ما نظفته اللي يمنا الاثنين كانو فاضيين و الحمدلله نام الولد شوي وانا ارتحت
و بعدين يابو لنا الريوق و ما كلت لان حدي مخي يقول اننا ليل و ابي انام ههه و خذت لي هالشاي بس
و قمت اتابع فلم لين مر الوقت شوي " افلامهم ممتازه كلهم جديده و كانت بعضها فالسينما توها و هالشي الوحيد اللي عجبني فيهم
و اخيرا وصلنا الى نيويورك
ولكن في مفاجأه في المطار

كويتية^رحالة
كويتية^رحالة
هذا أي طيران بالضبط اللي طرتوا فيه الاخير لي نيويورك؟
والله حريتيني على موقفج والحمدالله ان الكراسي طلعت فاضية
بانتظار المفاجأة

red strawberry
red strawberry
طلعنا من الطياره و بالتحديد
في المكان اللي ناخذ فيه الشناط
انتظرنا شناطنا مثل خلق الله
و قمنا نجمع فيهم وحده تلو الاخرى و ننطر شنطة حماني
مافي
رحنا نبلغ عنها وعطونا دفتر نشبه في الشنطه للاقرب لها الحجم و الشكل
واللي قهرني انهم يقولون ان ما نعرف ولا شي عنها و ماندري وينها حسيت ان الامل مفقود انها بتنوجد كلش ماكان متساعدين
قبل لا انهي جزء الطيران حبيت اوضح الاسعار كانت تذاكرنا 2 كبار و طفل فوق سنتين ب 4408 دينار بحريني من موقع اكسبيديا و طبعا شريناهم قبل موعد السفر ب شهر و نص تقريبا
و التذكره على الدرجة السياحية للشخص الواحد كانت 588 دينار بحريني و من نفس الموقع
وكل الاسعار ارتفعت كانت ارخص بس عشان التاخير
نرجع لموضوعنا
لقيت سوبر ماركت فالمطار و وقفت اشتري منه حليب حق حماني لان الحليب ما بيكفي اللي معاي الاغلبية كان فالنشطه و كانت حليب مع روب على فاكهه ب 12 دولار
مشينا من المطار واخذنا تاكسي وكملنا طريجنا الى فندقنا و الدنيا ليل
وكان حساب التاكسي 60 دولار الى
كراون بلازا تايم سكوير
Crowne Plaza Times Square
وهذي مدخل السيارات يصير خلف الفندق بس صورته في يوم اخر يوم وصلنا كان ليل
و مدخله جهة التايم سكوير
في درج متحرك وبعدين يصعدك على اللوبي
و هذا هو
و كان سعر الغرفه ل 3 ليالي
6دينار بحريني يعني الغرفه لليلة واحده 122 دينار
و نوع الغرفه غرفة زاوية لغير المدخنين
وتم الحجز قبل السفر بشهر و 10 ايام من موقع هوتيل دوت كوم
وعلى فكره حصلت سعر احسن من هذا بس التاخير ما كان في صالحي ارتفع السعر
بس بعد سعري كان زين لان ارتفع بعدها بعد
و اليكم صور الغرفة
وبعدين واخيرا شفنا السرير
وطبعا كانت الدنيا ليل الساعه 10 بتوقيت نيويورك
و الى النوم
و للتقرير بقية
،،،،,

ابو خالد 21
ابو خالد 21
اولا الحمد الله علي السلامه
باين انه راح يكون تقرير ممتاز
متابعينك ومنتظرين المزيد

Kuwaiti360
Kuwaiti360
بدايه حلوه ماشاءلله
والحمدالله على السلامه
متابعين معاج

red strawberry
red strawberry
كويتية^رحالة
هلا والله اختي كويتيه تسعدني متابتعتج لي المستمره ،، اما عن الطيران فهو امريكان ايرلاينز و العياذ بالله ،،، تصوري انا لحين محتره عليه اصلا ويهه مزعج وشكله مب مشتهي ،،
و اما المفاجاه كلج نظر كملوها بالشنطه لنا و مالت من شنطة الصغير قمت امشي و ألقط له اعراض و بتشوفين قصتنا في باقي التقرير

red strawberry
red strawberry
ابو خالد 21
الله يسلمك و انشالله يكون عند حسن الظن
تسعدني متابعتك اخي العزيز

red strawberry
red strawberry
Kuwaiti360
تسلم اخوي و انشالله يكون عند حسن الظن
وتسعدني متابعتك للتقرير ،,


خصم يصل إلى 25%