عليكم السلام ورحمة الله وبركاته
اختي الكريمه
مكدونالدز مش حلال وابتعدي عن الشبهات افضل لاني سمعت ان فيه فرع حلال بس ما اقتنعت وخلك على المطاعم
العربية و الهندية او اطلبي اكلات نبايته او بحريه
وبخصوص الصلاة عن نفسي اطلع الصبح وارجع اصلي الظهر والعصر جمع وبعدعا اطلع وارجع اصلي المغرب
والعشا واعرف وحده تودي معاه السجادة اللي فيها قبلة وتصلي في غرف تبديل الملابس تودي معاها قطعة من الملابس
كانها بتجربها وتدخل تصلي اتمنى اكون قدرت افيدك

حسب المذهب
بمذهبنا حلال وارجعوا لفتوى بن باز رحمة الله عليه باليوتيوب وتعرفون ان اكل اهل الكتاب حلال الا الخنزير كرمكم الله
&

وين مكان يبيعون فيش اند جيبي حلال و حلو

انا مره قريت بالجريده تصريح لمكدونالدز لندن انهم مو حلال طبعا هم صرحوا بهالتصريح لان كان فيه اعتراض على طريقه ذبح المسلمين وطلع كلام ان مكدونالدز يذبحون بطريقه المسلمين فردوا يوضحون انهم مو حلال لانهم يستخدمون الصعق بالذبح وهذا مايجوز الله اعلم

بخصوص الصلاة
أنا كنت أصلي في أي مكان وهذا الشي عادي عدهم في الحديقة على طرف الطريق في طرف السوق سواء مفتوح أو مغلق، البوصلة معي وأقيم الصلاة وأصلي وهذا من الإشعار بتعاليم الإسلام.

ودي اعرف إذا وجبات الدجاج واللحم في مطتعم ماكدونالدز . حلال أم لا ؟
واحد من الاخوان كان في النمساء وصادف شخص عربي يشتغل في ماكدونالدز كانو طالبين ماك شيكن قلو غير الطلب واطلب فيليه سمك لان الدجاج واللحم مذبوحين على الطريقه الغير اسلاميه فكل دول العالم معادا الشرق الاوسط
والكلام هذا يقولو موجود في الموقع حقهم
رحله سعيده

السلام عليكم ورحمة الله وبركاته
ماكدونلدز لايفوتك فيه فيليه السمك طعمه غير والباقي اتجنبيه
ونصيحة لوجه الله ترى مطاعم الحلال العربية ياكثرها انا ماصرت اثق في مطعم هناك بعد موقف صار معاي بعد خروجي من
متحف الشمع
قدام بوابة الخروج كشك يبيع السجق (النقانق hot dogs ) وكاتب حلال وللاسف قائمة الاسعار مكتوب jambon
فا اتوقع انه كلمة حلال صارت سلعة

كلمة حلال يقولونها ما يدرون وش معناها
و اصبحت فخ لاصطياد السائح الخليجي لشافوا العباية قامو يتناقزون حلال مع شوية ميوزك
في كامدين تاون مطاعم صينية و تايلندية و هندية اول مايشوفوك سير حلال
سألت الصيني وات از حلال ؟ قال موسلم فود
قلت له طيب عطني 2 حلال بدون خنزير ها انتبه لزوجتي قود موسلم و 2 حلال مع خنزير لي
موجود طلبي ؟ قال 5 دقايق يكون جاهز
قلت طيب اشاور و ارجع لك و تركته
للدرجة هذي صاروا يستغلون هذي الاشياء و حنا نطاوعهم
خل حلالهم لهم النصابين و سدد و قارب
واذا كنت تبحثين عن فتوى شرعية أنصحك بسؤال أهل العلم حتى لو عن طريق النت
تحياتي

أنا صار لي موقفين تدل على صدق البريطانيين
الأول كنت في هاردز وأبغى أشتري شويت شوكلاته وأنا جالس أختار أخترت نوع قالت لي هذا ما يصلح لك فيه كحول ويبدوا أنك مسلم خذ النوع الثاني.
الموقف الثاني صار لي في أحد المطاعم أيضا في لندن جلس في المطعم ويبدوا أنه عربي من الشاورما وقلت أكيد حلال ولكن قلت خلني أسأل جلست وجات مقدمة الطعام قلت لها المطعم حلال قالت لي لا .
سبحان الله الصدق عنهم أساس.
ولكن عندنا بالسعودية سألت مطعم قلت له اللحم طازج يقول يعني لو مجمد بقول لك إنه مجمد مستحيل أكيد بقول لك طازج ؟!!!
نصيحة إسأل الي في المطعم خاصة لو كان بريطاني بيقول لك هل حلال أم لا.