صباح / مساء الخير على الجميع .
كيف حالكم يأهل الكويت عساكم دووووووم بخير .
الموضوع واضح من عنوانه أهلي
فاجؤني بخبر ( ملكة بنت عمتي هلأسوع بالكويت) أسال الله أن يبارك لهم..وقالوا لي لازم نروح نحضر الملكة تعرفون بعد قلت أبشروا
ومرة وحدة نغير جو بالكويت الغالية ديرتي الثانية ويشهد الله أني أحبها وأحب أهلها وشلون مأحبها وجدي الله يرحمه ( عاش وسكن وتوظف وتقاعد وتوفي ودفناه كله بالكويت ) الله يرحمه ويرحم جميع موتى المسلمين . مالكم بالطويلة أنا كنت أروح للكويت دايم
بس هالمرة غير ومن زمان مارحت فأحتاج مساعدكم بعد الله سبحانه وتعالى بالذات أن البنات خواتي قالوا لي يبون أماكن أول مرة أسمع فيها .فلاهنتوا أولاً : أبي أحداثيات : مجمع الافنيوز - مجمع 360- مجمع الفنار - مجمع المارينا +سوق شرق ( أذكر أنهم قريبين من بعض) - مجمع المهلب - مجمع الكوت - وأحلى شي بالكويت ( سوق المباركية ) - مجمع البيرق ؟ في مجمع بهلأسم والا لا .
و ثانياً أحداثيات مطاعم : فريج صويلح - دلق سهيل ؟ في مطعم بهلأسم ووين مكانه - أحلى مغل محل .
ميس الغانم على الخليج أذكره أوكيه .
أحداثيات حلويات زهرة المدائن - الطيباوي - الأقصى .
ثالثاً و أخيراً : من وين أخذ شرايح أتصالات كويتية لفترة بسيطة لأن موبايلي غالية جداً بالكويت .
ولكم الشكر والتقدير والأحترام . أنتظر ردوكم .
