1. السلام عليكم ورحمه الله وبركاته

السلام عليكم ورحمه الله وبركاته

اول شي اشكركم على تفاعلكم لموضوعي الاول بالرحله المنتظره باذن الله والكل اعطي رايه بان افضل شي اختصر النمسا والمانيا بس ولكن الله يهديه اخوي فارس الجبيل حاس افكاري وقلت خلني استغل السفره بزيارة اكثر من دوله بالسياره طبعا من سالبروغ تبداء وبعض المرات اقول خلني اخذها من اخر يوم بفيينا لانو لو احسبها تذاكر قطار بتيجي قيمه سياره تقريبا باليوم ....
الي ابيه منكم الله لايهينكم بعطيكم المدن الريئسيه اللي بسكن فيها من غير المنطاق القريبه من هذه المدن يعني محاط الوصول
راح ابداء بفيينا (ليلتين) 2-5-2012 الى 4-5-2012
بالقطار او بسياره مادري وش رايكم
سالبورغ (ليلتين) 4-5-2012 الى 6-5-2012
اذا مااخذت السياره من فيينا راح اخذها من فريسنق الالمانيه ياليت تعطوني السبلينق لاني اذا بحثت بموقع تاجير السيارات اتخربط فريسنق او فلاسنيق مادري بالضبط ايش ( موقع التاجير اي مكان بنفس المدينه )
كابرون (ثلاث ليالي ) 6-5-2012 الى 9-5-2012
زي لامسي (ليله ) فندق روعه بروعه هذه الليله (ذكري زواجنا ) 9-5-2012 الى 10-5-2012
الانتقال لميونخ (ليله) 10-5-2012 الى 11-5-2012
قارمش المرور بها والتوجه الى Schwangau and فوسن (ليله) 11-5-2012 الى 12-5-2012
بعدين بتشوفون هالمدن الموجوده بالخريطه بس حاولت اني اشوف اقرب مسافه وش رايكم ولا ارجع ل انسبروك النمساويه واكمل منها
ثم التوجه الى مدينه شافهاوزن، سويسرا الاستمتاع بها والتوجه الى لوسرن، سويسرا (luzern): (ليلتين ) 12-5-2012 الى 14-5-2012
هل اقدر ازور مدينه هايدي ومدينه (Arosa) وراجع لوسرين بنفس اليوم .
ثمن التوجه الى انترلاكن (ثلاث ليالي ) من 14-5-2012 الى 17-5-2012
ثمن التوجه الى جنيف (ليلتين ) من 17-5-2012 الى 19-5-2012
وزياره انسي الفرنسيه
هل اقدر لو خليت جنيف ليله ازور انسي الفرنسيه وارجع بنفس اليوم لاني ناوي على باريس اما بقطار او طياره اقتصاديه
كم اسعار الطياران الاقتصادي لشخصين وطفل لاني ماعرفت له او القطار السريع
باريس (ليلتين ) 19-5-2012 الى 21-5-2012
والعوده للوطن باذن الله
سوالي الاخر ( بالخريطه يطلع الطريق يمر بمنطقه عبور رسوم ) هل الرسوم ادفعها مره وحده مثل الاستيكر اللي تتكلمون عنه ولا كل مارمريت دفعه وكم قيمتها
انا باخذ السياره من المانيا وبسلمها بجنيف كم الضريبه تكون
او من النمسا وبسلمها بجنيف
اصحاب الخبره بالسيارات كيف الخط اللي انا مسويه هل فيه صعوبه بالطريق من المرتفعات ولا عادي وكم تتوقعون تكلفه الديزل وهل فيه محطات وقود بالطريق ولالا
الاسئله كثيره بس خلوني اقتنع لانو حاب ازورها كلها ولله طار النوم وكثر التفكير عسى الله يعين حتي بالحلم قوقل ماب براسي
اذا ابي اخذ الاكل معي اقدر اطبخ بالفنادق (خطير ههه) طبعا بالكهربائي قدر ابو حميد .
انا وزوجتي وبنتي 7 سنوات هل Aتتوقعون التكلفه توصل (50000) ولا اقل .
الشكر لله ثم لكم