الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
aboريوووم
21-11-2022 - 10:15 am
السلام عليكم ورحمة الله وبركاته
كيف حالكم جميعا
انا جاي للكويت بداية شهر ذو الحجه ان شاء الله وحجزت في بودل السالميه بسعر 26دينار لليله لغرفه
وقالي الموظف انه الفندق بشارع المطاعم بالسالميه وحاب اعرف معلومات عن هالشارع وش المولات القريبه والمطاعم الموجوده والمطاعم من حيث الاكل والاسعار وحاب اعرف الوصف بالضبط
ومحتاج وصف كل من هالاماكن
سوق المباركيه
سوق شرق
مجمع الكوت
المنطقه التاسعه اتوقع اسمها كيذا محتاج اقمشه رجاليه
ومجمع الايوب بحولي
والعربيد
ومطعم فريج عقاب
اسف كثرت عليكم بس متاكد انكم كريمين وحنا ان شاء الله نستاهل


التعليقات (5)
bohasoon
bohasoon
اولا حياكم الله
شارع المطاعم اسمة شارع المطاعم بسبب المطاعم الي فية و كثرتها و يعتبر شارع نشط و مزدحم 24 ساعة
و السكن فية ممتع
وعلي البحر
واسعار المطاعم فية ممتازة يعني اسعار تعتبر جيدة
وصف الاماكن
سوق المباركيه
في منطقة شرق و يبعد عن شارع المطاعم 15 دقيقة
سوق شرق
اكيد بمنطقة شرق ويبعد 15 دقيقة عن شارع المطاعم
مجمع الكوت
في منطقة الفحيحيل مميز من ناحية الشكل و النافورة الجميلة يبعد نص ساعة عن شارع المطاعم
المنطقه التاسعه اتوقع اسمها كيذا محتاج اقمشه رجاليه
اسمها بلوكات الخام في منطقة شرق تبعد 20 دقيقة عن شارع المطاعم انصحك باقمشة كاكولي ( المتر في دينار ونص للصيفي ) و للشتوي اختار الياباني او الاسباني
ومجمع الايوب بحولي
الايوب فية ملابس للمدارس فقط و بحولي يبعد 15 دقائق
والعربيد
الفروانية 20 دقيقة للملابس النسائية والعبايات
ومطعم فريج عقاب
بالسالمية يبعد عنك 5 دقائق و قريب من مجمع المرينة

ابوحمد.
ابوحمد.
ماقصر اخوي بوحسون
وبالنسبه لشارع المطاعم اللي فيه مطاعم وجبات سريعه
واقرب مول عندك الفنار ومريم والبستان والمارينا كلهم بشارع واحد تقريبا

حلوة الكون
حلوة الكون
بالنسبة للمجمعات القريبة هناهك مدمع أولمبيا مقابل المركز العلمي و مجمع مارينا مول و سوق شرق
أما بالنسبة للمجمعات التجارية الأخرى فهناك مجمع الراية و مجمع الصالحية و مجمع الأفنيوز و 360

aboريوووم
aboريوووم
bohasoon
ماقصرت اخوي كفيت وفيت ولايهنون الاخوان ماقصرتو

violetq8
violetq8
ماني عارف اشلون اساعدك بس لو عندك جهاز قارمن اكي وضعك
او ممكن تشوف بتوقيعي ( رحلتي الي الكويت ) و انا كاتب الاماكن السياحية من مجمعات و مطاعم و فنادق
و مواقعها باكويت حيالك باتقرير


خصم يصل إلى 25%