مساء الخير
أحكي لكم تجربتي المختصره مع سيكست
حجزت بالنت عن طريق موقعهم
سياره bmw x1
8 أيام
أخترت التأمين الأول العادي (ضد الغير)
مميزاتهم
الكيلومترات مفتوحه
تأمين على السرقه
طلبت أن أستلمها من فريلاسينج الألمانيه وأسلمها في ميونخ محطة القطار الرئيسيه (أنصح الجميع أن يسلمها في هذه المحطه بالذات)
السعر تقريبا 2500 ريال (سعر الأيجار)
وصلت عندهم وكانت السياره اللي أنا طالبها فيها مشكله
فأعطوني سياره حلوه أودي a4 , والحمد لله ديزل
حجزت على البطاقه الأئتمانيه
مبلغ 5 ألاف ريال
0مبلغ الأيجار
و2500 مبلغ تأمين مخالفات
عبيتها مرتين
مره بالنمسا ب70يورو
ومره بميونخ قبل أسلمها ب 60 يورو
مشيت فيها تقريبا ألف كيلو
سلمتها اليوم ببنايه تحتوي على مكاتب تأجير سيارات وهي بجانب محطة القطار المركزيه
والأجراءات أخذت مني خمس دقائق
وصلت على حسب الأحداثيات التاليه
N48 08.530
E011 33.526
أسمها محطة القطار المركزيه
muinch central station
أول ماتوصل بتلقى قدامك بوابه وزي المواقف أضغط الزر بتفتح لك البوابه وبتعطيك ورقه
أدخل بتحصل قدامك واحد يشوف اللوحه ويكتبها عنده بجهازه ويشيك السياره
واذا مالقى شيء بالسياره
يقول لك خلاص تبغى شيء
قل له أيه أبغى ورقة مخالصه وان السياره سليمه بيقول لك خلاص رح للمكتب
ورحت للمكتب قدامه وأعطاني ورقه أن السياره ولله الحمد سليمه
تصدقون ولله الحمد بعد 3 ساعات رجع لي المبلغ المحجوز بالكامل
أشياء مهمه قبل الحجز
الرخصه السعوديه
الرخصه الدوليه
الجواز
بطاقه أئتمانيه فيها مبلغ كافي للأيجار ولقيمة الحجز اللتي تعادل نفس قيمة الأيجار
لاتنسى تعبيها قبل ماتوصل عندهم والا تراهم بياخذون من بطاقتك أكثر من قيمة التعبئه يعني ماتسوي عليك
عبها أحسن لك
هم أعطوك السياره فل رجعها فل
البنزين والديزل بألمانيا أغلى من النمسا (لان وصلت ع ميونخ وفيهاا اقل من النص وعبيتها فل ب60 يورو ولما كنت بالنمسا كانت مافيها شئ وعبيتها فل ب70 يورو )
لاتغسل السياره لأني أول ماوقفتها عندهم بعد ماشيكوها أخذوها لمغسله عندهم ونفضوها نفض
وعلى حسابهم
وسلامتكم
وليد الرس من ميونخ