الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
رعبــوب
16-11-2022 - 05:13 pm
جدول سياحي لمدة يومين يا شباب الكويت الاعزاء ودي ازور الكويت الغالية ولاول مرة اجيكم ضيف واتمني ان الاقي مرادي هنا
بجي انا والعائلة نتمشي شوي وياليت تدلوني الاماكن ووين مواقعها وهل في مسرحية لطارق العالي عشان الوالدة تحبة ههه وكيف طريقة الحجز ومكان المسرح
ياليت عن مكان شقق بالسالمية وش رايكم بشقق مارينا وهل هي جنب مارينا فعلا كما سمعت
انا في بالي اخذ منتجع علي البحر هل هو قريب من السامية والمجمعات ولا لا
وين افضل مكان نتريق فية الصباح فعلا مطعم ريوق هو الافضل وشكرا


التعليقات (7)
حلوة الكون
حلوة الكون
أهلا و سهلا بك أخي الكريم في بلدك الثاني الكويت
بالنسبة للأماكن السياحية يمكنك زيارة المجمعات التجارية التالية
مجمع الراية
مجمع الصالحية
مجمع أولومبيا و هو مقابل المركز العلمي
مجمع الأفنيوز
مجمع 360
مجمع مارينا مول
سوق شرق
أما بالنسبة للمنتجعات فهناك منتجع هيلتون و سيشل الجليعة
أما بالنسبة للمطاعم أفضل مطعم لتناول وجبة الإفطار هو مطعم لونوتر حيث الاطلالة البحرية الرائعة و هناك مطعم الحمرا في فندق الشيراتون
المطاعم المفضلة هي مطعم التسيمو في برج النصار و مطعم ريكاردو في الشيراتون و مطعم b+f في 360 و مطعم بنيهانا في الأفنيوز و دين اند ديلوكا في الأفنيوز
مطعم دون ماريوز و ليالي الخيام الإيراني في قرية الضيافة بالقرب من أبراج الكويت
و هناك مطعم النوخذة البحري و شابستان الإيراني في كراون بلازا
و مطعم شيك شاك في الأفنيوز

حلوة الكون
حلوة الكون
و أود أن أضيف مطعم slider station مقابل قصر السيف
و مطعم سنيور ساسي و مطعم ماكي

رعبــوب
رعبــوب
ياليت اماكنهم بالضبط وين الشوارع اي منطقة وبالنسبة للمسرحيات لطارق العلي هل هي شغالة الان
شكرا احتي علي تفاعلك

q8ya metnaqla
q8ya metnaqla
بالنسبه للمسرحيه اي نعم شغاله طول السنه - والمسرح اسمه نقابه العمال في منطقه ميدان حولي - الحجز لازم من شباك التذاكر الاسعار من 5 دنانيير الى 15 دينار رقمهم 25653731-00965
مطاعم الريوق : لونوتر - ريوق - بوفيه مركز السلكان عند مرسى اليخوت - بوفيه مطعم البلد في منطقه شرق ..
الشقق اللي عند مارينا اسمها الكورنيش ومشي منها للمارينا ..
المنتجعات اقرب شي على السالميه : موفنبيك البدع ورمال حاليا (شيك سابقا) بعد في البدع ..
وهذا جدول تقدر تختار الايام اللي تبيها واتغير اللي تبيه ..
https://artravelers.com/p/re/487746
وحياكم الله في ديرتكم

bohasoon
bohasoon
امس رحت المسرحية .. في تذكرة ب20 دينار يسمونا المميزة و هي متوفرة فقط

حلوة الكون
حلوة الكون
مجمع الرايه العنوان : شرق ، مقابل محطة المطافئ، شارع الشهداء .
مجمع الصالحلية في مدينة الكويت شارع فهد السالم بعد دوار الشيراتون
أما مجمع 360 في منطقة جنوب السرة عند تقاطع الدائري السادس مع طريق المطار
مطعم لونوتر في شارع الخليج العربي
مطعم التسيمو في برج النصار في منطقة الكويت شارع فهد السالم الطابق رقم 32

alobaied
alobaied
في فندق المرينا وليس منتجع وايضاً ليس شقق
فإذا أردت غرفة فهو تابع لمجمع المارينا مول
طبعاً القسم اللي فيه الفندق اول ما تطلع من الفندق راح تلقى كله مطاعم وكافيهات ومجرد ما تصل عند المطاعم تقدر تدخل إلى داخل وتصعد الجسر اللي يربط بين القسم المطل على البحر والمجمع ومن خلاله تدخل المجمع
أخوي بخصوص الدلالة
يا انك تستخدم gps
أو انك تقولنا شنو المكان اللي تبيه ومن وين بتطلع له وابشر باللي يرضيك
وترا مجمع الافينيوز أهوا الأكبر في الكويت
وفي مجمعات الأخوان ما اذكروها لك
مجمع الكوت في منطقة الفحيحيل
مجمع المنشر مقابل مجمع الكوت
وهم عندك الأماكن الشعبية أو التراثية
القهوة الشعبية في لها فرع مقابل مارينا مول وفي بجانب سوق شرق
يوم البحار مقابل مجلس الأمة
سوق المباركية ( سوق تراثي )
وإذا كنت هاوي شي معين بلغنا شنو اهوا ونقولك وين تحصل المحلات اللي تخدمك
مثلاُ إذا هاوي للهواتف الجوالة في اماكن من أولها إلى آخرها محلات للهواتف الجوالة
وإذا كنت هاوي للكومبيوتر في شارع بن خلدون في حولي من أوله إلى آخره محلات كومبيوتر
وإذا هاوي بلايستيشن في مجمع متخصص بالالعاب الفيديو
يعني طب وتخير شنو ناوي تشتري ونقولك وين تحصله


خصم يصل إلى 25%