بثينه1
هلا وغلا اختي الغااليه
والحمدلله عالسلامه ... وعيدكم مباارك وياارب تنبسطون بالبحرين ... وبالعييد
1- التذاكر 30 ريال للشخص وعندك مجموعات سينمات السيف السيتي سنتر والدانه .... السيتي سنتر والسيف نفس الشركه والدانه شركه غير يعني افلامها غير .. وتقدرين تحصلين كتيب عند السينما فيه اسماء الافلام ووقت عرضها وشوفي السينمات هنا مواقعهم
سينما البحرين وتضم السيف وستي سنتر وسار والجزيره وغيرها
http://www.cineco.net/
انصحكم بفلم محمد سعد الجديد روعه تاك تاك بووم
سينما الدانه بمجمع الدانه
http://www.danacinema.com/
2- بالعاده يسونها بالمجمعات .... وتحصلين مكتب سياحي في المجمعات ممكن تاخذين كتيب هناك
3- اكلات شعبيه انصحكم بتبريز اللي ورا منتزه عذاري .
4- نعم يوجد فيها اكل وسعارها بالعيد 250 ريال للشخص .. مسوين عررض سمعت عنه ..
5- منتجع العرين او البندر ... والعاب مائيه عندك واهو اللي بالسيتي سنتر و جنه دلمون المفقوده
واي خدمه من عيوني
تحياتي

1. لكن عندي بعض الاسئلة؛

كل عام وانتم بخير. وجزي الله كل من ساعدني في موضوعي السابق
تم الوصول بسلام الي البحرين صباح الاثنين ولله الحمد .. وتمت زيارة مجمع سيتي سنتر
والسيف وسوق المحرق الشعبي وكانت زيارات رائعة ولله الحمد

لكن عندي بعض الاسئلة؛

كل عام وأنتي بخير .. حاضرين لج أخني وترى هذا واجبنا .. الحمدلله على السلامة .. وأهلاً وسهلاً فيكم .. نورتوا مملكة البحرين بوجودكم ..
1- بالنسبة للسينما كيف نعرف نوعية الافلام التي تعرض وكم اسعار التذاكر ومتي وقت عرضها وماهب افضل سينماحتي تتم زيارتهاأختي إذا تبين تعرفين عن أنواع الأفلام وأوقاتها .. تروحين حق السينما في كتيبات قريب من اللي يبيعون التذاكر وهذي الكتيب فيه كل شيء أنواع الأفلام وأوقات عرضها .. وشنو الأفلام القادمة ..
وأفضل سينما هي سينما الستي سنتر .. لأنها جديدة وفخمة ويوجد فيها قاعات vip بسعر 10 دينار للشخص .. وبالنسبة عن الأفلام الجديدة اللي حق العيد فهذه هي :
سينما الستي سنتر وسينما السيف
سينما الدانة
2-اين ستتم فعاليات العيد من طقطقة وحركات شعبية
أتوقع يمكن في منطقة الجسرة يكون فيه عرضة .. مب أكيد .. وأتوقع أن راح يكون في احتفال في مجمع الستي سنتر ..
3-هل يوجد مكان للتمشية يوجد به اكلات شعبية
فيه مجمع الخور اللي في جزر أمواج .. يكون له أطلاله على البحر ووسط الخور .. وفيه كوفي شوبات ذات إطلاله رائعة .. وفيه مطعم شعبي أسمه ليوان ..
4-بالنسبة للرحلات االبحرية للجزر هل يوجد فيها مطاعم وكم اسعارها بالعيد
جزر حوار آنه رحتها من زمان على يوم كان الفندق على الشركة القديمة .. وكان فيها مطعم واحد اللي في الفندق وكان أكله رائع .. وفيه بعد سوبر ماركت صغير يبيع سناكس وايسكريم .. وجزر الدار رحتها يوم كنت صغير والحين ما اعرف شي عنها ..
5-هل يوجد بالبحرين سفينة يوجد بها مطعم يعني ناكل وحنا بوسط السفينة وهي تدور خ تصوير رائع
في البحرين ما في سفن سياحية .. كان فيه بس بعد حادثة سفينة الدانة كنسلوا هذي الأشياء ..
واخيرا ماهو افضل منتجع ترشحونه لي يكون فيه مسابح للاطفال ولعب
بالنسبة للمنتجعات :
1. منتجع العرين.
2. منتجع سوفتيل الزلاق.
وهم قريبين من بعض .. وأيضاً يوجد بالقرب منهم الحديقة المائية جنة دلمون المفقودة .. وفيها العاب جميلة للاطفال ومسابح ..
3. منتجع النوفوتيل الدانة
4. فندق ومنتجع الريتز كارلتون
5. فندق دراجون
6. منتجع البندر .. لكن هذي مليان في العيد لأن سعره مقبول وحلو ..
ويعطيكم الف عافية يااهل البحرين
الله يعافيج يا أختي بثنية ..
وإذا عندج أي استفسار أو أي سؤال ترى حاضر لج ..
وتقبلي مروري ..

هلافيكم وماقصرتوا يااهل البحرين الله لايحرمنا منكم
بس عندي سوال وين يقع مجمع الخور بالضبط
وبالنسبة للمسرحيات وين تعرض وكم تذاكر دخولها
والله يعطيكم الف عافية

هلا فيج أختي .. حاضرين لج يا أختي وهذا اجبنا ..
مجمع الخور يا أختي يقع في جزر أمواج في المحرق بالقرب من مطار البحرين الدولي ..
وإذا وصلتوا بوابة جزر أمواج اسألوا الأمن اللي عند البوابة وراح يدليكم ..
وآنه بوصف لج بس أن شاء الله يكون الوصف واضح ..

وبالنسبة للمسرحيات اللي أعرفهم 4 مسرحيات :
1. فريج بوتيلة : في مسرح صالة النادي الأهلي في الماحوز
2. مواطن آيل للسقوط : مركز سلمان الثقافي وهو قريب من شارع المعارض
3. عيال سعادة : في مسرح نادي الخريجين في العدلية
4. أبواب : مسرحية أطفال في مسرح الصالة الثقافية متحف البحرين الوطني
وتذاكر الدخول غالباً ما تكون الصالة مدرجة وتبدء من (3 - 4 - 7 - 10 - 15) دينار ..
وان شاء الله راح اتأكد لج أكثر عن المسرحيات ان شاء الله ..
وتقبلي مروري ..

الله يعطيك الف صحة وعافية ماقصرت جعل عمرك طويل
وتحمل كثر استفسارااتي
بعد ودي اسال وين القي محلات المكسرات البحرينية ودي اخذها مع الحلوي لاهل السعودية لقيت محلات جل ي كثيرة بشارع المعارض وعجبتني
بس باقي المكسرات
والله يجزاك خير علي كل ماقدمته

1. هلا أختي .. الله يعافيج .. وحاضرين لج يا أختي .. ويطول في عمرج ..


2. عادي يالغالية .. تراى هذي واجبنا .. وأحنا في خدمتكم ..

هلا أختي .. الله يعافيج .. وحاضرين لج يا أختي .. ويطول في عمرج ..

عادي يالغالية .. تراى هذي واجبنا .. وأحنا في خدمتكم ..

وبالنسبة لمحلات الحلوى تلاقينها في سوق المحرق ولا تاخذين من شارع المعارض .. لأن أفضل الحلوى البحرينية تلاقيها عن حلويات جاسم محمد شويطر ومحمد حسين شويطر ومحلات المروج ومحلات الخلود .. اللي سوق المحرق .. هذي أفضل .. وإذا تبين أفضل حلوى فهي الحلوى الملكية اللي عند محلات جاسم محمد شويطر .. وايضاً الحلوى الأميرية .. عند نفس المحل .. وأسعار الحلوى الملكية ب 5 دينار والأميرية ب 3 دينار .. وأيضاً عندهم حلوى عادية بدينارين وفي بعد بدينار .. هذه محلات قديمة من سنين طويلة وهي تعمل الحلويات .. وأحلى الحلوى عندهم وبالنسبة للمكسرات أفضل محل هو محمصة الرفاعي .. وهي في منطقة الماحوز في مجمع النادي الأهلي .. وايضا المحلات في سوق المحرق القريبة من محلات الحلوى شويطر .. يعني تقدرون تروحون مكان واحد وهو سوق المحرق وتشترون الحلوي وتتمشون في المحلات القريبة منهم وأيضاً يبيعون مكسرات .. وأتوقع محلات المروج عندهم مكسرات .. وقريب منهم في محل أسمه الشروق وهو محل جميل وعجيب للأكلات الشعبية (السمبوسة الحلوة بأنواعها النشاب البحريني والكويتي الكيك العقيلي البسكويت خبز الرقاق العادي وعلى بيض الحلويات الدقوس البهارات الاجار وغيرها من الأكلات الشعبية) ولكن المحرق مكانه جداً معقد .. بس أسألوا عنه وان شاء الله يدلونكم أياه لأنه موجود داخل زرانيق المحرق خلف محل جاسم محمد شويطر .. ولو توقفون السيارة عند محلات جاسم محمد شويطر وتروحون مشي له بعد أحسن لأن قريب يعني حوالي 10 دقائق مشي على الأقدام أو ربع ساعة ولا راح تحسون فيها لأنكم بتمشون في السوق وفي أحياء المحرق القديمة .. وأيضاً راح تحصلون في سوق المحرق على محلات بيع المتاي ..

في مسرحيه لمنى شداد وفاطمه عبدالرحيم وسعاد علي بالعدليه اسمها احنا عيالها
بالنسبه للحلوى والمكسرات بسووق المحرق
تحيااتي

الف شكر لكم والله ماقصرتوا
بس اخوي عشقي البحرين كيف نوصل للمسرحية من شارع المعارض ابي وصف دقيق الله لايهينك لان دايم يضيع
وقتنا وحنا ندور المكان
لان هذي المسرحية الي ابيها
وحابه اسال بعد متي يبدا عرضها الساعة كم
ومااقول الاا
جعلكم دايم يااهل البحرين

1. والحين يا أختي راح أشرح لج ..

مرحبا أختي ..
المسرحية في صالة نادي الخريجين في منطقة العدلية .. وهي قريبة جداً من شارع المعارض ولكن الازدحام راح يأخركم شويه .. وراح أوصف لج المكان بالخارطة ..

والحين يا أختي راح أشرح لج ..

تطلعون يا أختي من شارع المعارض من جهة نادي النجمة وإنارة الأنصاري .. وبعدها عند نهاية شارع المعارض تلفون يمين وتروحون سيدة وراح أتحصلون إشارة معلقة .. روحو سيد بعد لين ما اييكم دوار وبجنبه مسجد .. وبعد تاخذون المخرج الثالث للدوار .. حاسبوا ترى الدوار يخربط وايد لأن فيه 5 مخارج واهو دوار صغير ..وراح يكون المخرج الأول على يمين الدوار .. والمخرج الثاني في شمال (أمام) الدوار والمخرج الثالث راح يكون شمال غرب (يعني راح يكون يسار وقريب من الامام) .. والمخرج الرابع غرب جنوب (يعني راح يكون يسار وقريب من الشارع اللي انتوا جايين منه .. المهم أنكم تاخذون المخرج الثالث ..وراح يصير سور قصر الضيافة على يساركم .. وعقب ما تدخلون المدخل الثالث تروحون سيده وبعدها راح تجيكم إشارة .. وهذي الإشارة تاخذونها يسار .. وتروحون سيدة لين ما تجيكم إشارة بعد .. هذي الإشارة لفو عليها يمين .. وبكذا دخلوتوا شارع العدلية .. وراح تجوفون مطاعم وكوفي شوبات .. وروحوا سيدة لين ما توصلون حق مطعم هارديز ومطعم كنتاكي في لفه مقابل مطعم كنتاكي لفوها وروحو سيده وراحو تجوفون بيوت ومطاعم وبعدها راح تجوفون نادي الخريجين على يساركم ..
أتمنى أن يكون الشرح واضح ومفهوم ..
وإذا عندج أي سؤال يا أختي أو أ استفسار ترى آنه حاضر لج ..
وتقبلي مروري ..