وعليكم السلام ورحمة الله وبركاته
حياك الله اخي العزيز
بالنسبة للدراسة في امريكا انا احييك على هالقرار لانه عين العقل
وسبب كلامي هذا ان امريكا تتميز بكل شي
مساحتها الكبيرة اللي لو نقارنها بتطلع قريبة من مساحة الشرق الاوسط !!
ف الجو يتباين من منطقة لاخرى والطبيعة كذلك والاسعار !!
المهم
المعاهد سلمك الله كثيرة في امريكا فوق ماتتصور
وفيها الزين والشين .. الاكاديمي اللي تابع لجامعة والتجاري اللي مايهمه الا انك تعطيه فلوسه !!
ف انا ارشحلك المعاهد اللي تكون تابعه لجامعات لانها قويه من ناحية المدرسين والمناهج وطريقة التدريس
انت لو تدرس 6 شهور وترجع البلاد الكل بيقول انك صدق تعلمت انجليزي .. وطبعاً ماننسى الجدية من صوبك يعني لازم تدرس
المهم
الولاية انا ارشحلك كاليفورنيا
والسبب ان هالولاية تعتبر احلى ولاية امريكيه .. والمدن اللي فيها مشهورة عالمياً والجو فيها سواء صيف او شتاء يكون معتدل اذا عملنا مقارنة للولايات الاخرى
الولاية فيها مدن كثيره منها سكرامنتو ( العاصمة ) اقصى الشمال + سان فرانسيسكو + لوس انجيليس + اورانج كوانتي ( قريبه جدا من لوس انجلوس وتعتبر جزء منها ) + سان دييغو
طبعاً كل المدن اللي ذكرتها لك فيها عشرات المعاهد وفيها الزين والشين الطيب والردي
احسن مافيها هو المعاهد اللي تابعه للجامعات
سان فرانيسيكو = معهد الجامعة san francisco state niversity قوي ولكن عيبه كورساته الشاملة تكون من المستوى المتوسط وفوق .. يعني مبتدئين مافيه .. اللهم كورس محادثه وهذا ماعتقد ان بيفيدك
فيه معاهد ثانيه خاصة في المدينة لكن ماقدر امدح او اذم لان ماعرف شلون مستواهم
لوس انجلوس فيه معهد الجامعة في ضاحية ويست وود وهذا من اقوى المعاهد في امريكا وانصح فيه
لونغ بيتش وهذي تعتبر تابعه للوس انجلوس بس جنوب عنها , معهد الجامعة قوي والجامعة معروفة في السابق خرجت اماراتيين كُثر , واغلب الاماراتيين في لوس انجلس يدرسون فيها
ولونغ بيتش على البحر وساحلها ياسلام عجيب هواه يرد الروح
المهم
اورنح كاونتي - منطقة ايرفاين في معهد تابع للجامعة عجيب هالمعهد وقوي وانا من سنة تقريبا زرته
اخيراً معهد جامعة سان دييغو ماعليه زود فنان وقوي
الحين الكلام عن المدن
سان فرانسيسكو جزء من اوروبا موجود في امريكا .. المدينة فوق هضبه .. وجوها في الصيف بارد بالنسبة لحرارة الصيف يعني في النهار 15 والليل 10 درجات
قد ما اتكلم ماوفي هالمدينه صدق صدق بتستانس اذا زرتها
لوس انجلوس غنيه عن التعريف والمدينه سياحية درجة اولى والمعهد اللي فيها في المنطقة الشمالية قريب هوليوود
يعني احلى شي
اما لونغ بيتش فهي تبعد عن شمال لوس انجلوس نص ساعة واسعار سكنها اقل بشوي من هذيك وبعد المنطقة جميلة
اما المعهد اللي في اورنج كاونتي في منطقة ايرفاين ف المنطقة حلوه وهادية والناس اللي فيها اغنياء وبالقرب منها مناطق ساحلية عن الجامعة بالسيارة ربع ساعة مثل هنغتنغ بيتش و نيوبورت بيتش وهذي جملية جميلة
والاخير في سان دييغو المدينة الشهيرة
وللاستزادة عندك الله يسلمك تقارير الاخوان المصورة عشان تتعرف على المدن وتشوف صورها كيف قايله
والسكن اغلى من المدن الثانية
يعني في كاليفورنيا والمدن اللي كتبتها لك حط في بالك للشي الزين غرفتين وصالة من 1500 الى 2000 دولار
وعقود الاجار هناك من 6 شهور وانت طالع ولانك بتيلس 4 شهور ممكن يزودون عليك 50 او 100 دولار ف انت تحط ميزانية 2000 دولار شهرياً
والسيارة هناك مهمه صراحة لان المناطق متباعدة .. ف انت لك حلين يا انك تشتري سيارة تمشي فيها حالك واذا سافرت تبيعها او انك تستأجرلك سيارة صغيرة جديدة من هالشركات العالمية مثل ايفيس ودولار وربعها .. بتطلعلك يمكن 500 او 600 دولار لان الاجار بيكون شهري .. وطبعاً السيارة المستأجرة بترتاح لانه فول بيمه + اي شي يخترب هم يصلحونها
المهم
سكن قول 2000 دولار + معهد 1000 دولار + 600 سيارة + 1500 مصرف
يعني حط في بالك بحدود 5000 دولار يكون مصروفك شامل كل شي
نسيت اقولك
الاماراتيه تروح دايركت من دبي للوس انجلوس + سان فرانسيسكو
واسعارها زينه
يعني لاتحاتي الدرب كل شي سهالة
هذي نبذه بسيطة عن كاليفورنيا واعذرني ان المعلومات مخربطة
واي شي تبيه اسأل وانا حاضر
تحياتي

1. وتراك يبتها على العووق .. كاليفورنيا


2. وعندك فكره عن المستندات المطلوبه او لا

Stranger Man
حياك الله اخي العزيز
بالنسبة للدراسة في امريكا انا احييك على هالقرار لانه عين العقل
وسبب كلامي هذا ان امريكا تتميز بكل شي
مساحتها الكبيرة اللي لو نقارنها بتطلع قريبة من مساحة الشرق الاوسط !!
ف الجو يتباين من منطقة لاخرى والطبيعة كذلك والاسعار !!
المهم
المعاهد سلمك الله كثيرة في امريكا فوق ماتتصور
وفيها الزين والشين .. الاكاديمي اللي تابع لجامعة والتجاري اللي مايهمه الا انك تعطيه فلوسه !!
ف انا ارشحلك المعاهد اللي تكون تابعه لجامعات لانها قويه من ناحية المدرسين والمناهج وطريقة التدريس
انت لو تدرس 6 شهور وترجع البلاد الكل بيقول انك صدق تعلمت انجليزي .. وطبعاً ماننسى الجدية من صوبك يعني لازم تدرس
المهم
الولاية انا ارشحلك كاليفورنيا
والسبب ان هالولاية تعتبر احلى ولاية امريكيه .. والمدن اللي فيها مشهورة عالمياً والجو فيها سواء صيف او شتاء يكون معتدل اذا عملنا مقارنة للولايات الاخرى
الولاية فيها مدن كثيره منها سكرامنتو ( العاصمة ) اقصى الشمال + سان فرانسيسكو + لوس انجيليس + اورانج كوانتي ( قريبه جدا من لوس انجلوس وتعتبر جزء منها ) + سان دييغو
طبعاً كل المدن اللي ذكرتها لك فيها عشرات المعاهد وفيها الزين والشين الطيب والردي
احسن مافيها هو المعاهد اللي تابعه للجامعات
سان فرانيسيكو = معهد الجامعة san francisco state niversity قوي ولكن عيبه كورساته الشاملة تكون من المستوى المتوسط وفوق .. يعني مبتدئين مافيه .. اللهم كورس محادثه وهذا ماعتقد ان بيفيدك
فيه معاهد ثانيه خاصة في المدينة لكن ماقدر امدح او اذم لان ماعرف شلون مستواهم
لوس انجلوس فيه معهد الجامعة في ضاحية ويست وود وهذا من اقوى المعاهد في امريكا وانصح فيه
لونغ بيتش وهذي تعتبر تابعه للوس انجلوس بس جنوب عنها , معهد الجامعة قوي والجامعة معروفة في السابق خرجت اماراتيين كُثر , واغلب الاماراتيين في لوس انجلس يدرسون فيها
ولونغ بيتش على البحر وساحلها ياسلام عجيب هواه يرد الروح
المهم
اورنح كاونتي - منطقة ايرفاين في معهد تابع للجامعة عجيب هالمعهد وقوي وانا من سنة تقريبا زرته
اخيراً معهد جامعة سان دييغو ماعليه زود فنان وقوي
الحين الكلام عن المدن
سان فرانسيسكو جزء من اوروبا موجود في امريكا .. المدينة فوق هضبه .. وجوها في الصيف بارد بالنسبة لحرارة الصيف يعني في النهار 15 والليل 10 درجات
قد ما اتكلم ماوفي هالمدينه صدق صدق بتستانس اذا زرتها
لوس انجلوس غنيه عن التعريف والمدينه سياحية درجة اولى والمعهد اللي فيها في المنطقة الشمالية قريب هوليوود
يعني احلى شي
اما لونغ بيتش فهي تبعد عن شمال لوس انجلوس نص ساعة واسعار سكنها اقل بشوي من هذيك وبعد المنطقة جميلة
اما المعهد اللي في اورنج كاونتي في منطقة ايرفاين ف المنطقة حلوه وهادية والناس اللي فيها اغنياء وبالقرب منها مناطق ساحلية عن الجامعة بالسيارة ربع ساعة مثل هنغتنغ بيتش و نيوبورت بيتش وهذي جملية جميلة
والاخير في سان دييغو المدينة الشهيرة
وللاستزادة عندك الله يسلمك تقارير الاخوان المصورة عشان تتعرف على المدن وتشوف صورها كيف قايله
والسكن اغلى من المدن الثانية
يعني في كاليفورنيا والمدن اللي كتبتها لك حط في بالك للشي الزين غرفتين وصالة من 1500 الى 2000 دولار
وعقود الاجار هناك من 6 شهور وانت طالع ولانك بتيلس 4 شهور ممكن يزودون عليك 50 او 100 دولار ف انت تحط ميزانية 2000 دولار شهرياً
والسيارة هناك مهمه صراحة لان المناطق متباعدة .. ف انت لك حلين يا انك تشتري سيارة تمشي فيها حالك واذا سافرت تبيعها او انك تستأجرلك سيارة صغيرة جديدة من هالشركات العالمية مثل ايفيس ودولار وربعها .. بتطلعلك يمكن 500 او 600 دولار لان الاجار بيكون شهري .. وطبعاً السيارة المستأجرة بترتاح لانه فول بيمه + اي شي يخترب هم يصلحونها
المهم
سكن قول 2000 دولار + معهد 1000 دولار + 600 سيارة + 1500 مصرف
يعني حط في بالك بحدود 5000 دولار يكون مصروفك شامل كل شي
نسيت اقولك
الاماراتيه تروح دايركت من دبي للوس انجلوس + سان فرانسيسكو
واسعارها زينه
يعني لاتحاتي الدرب كل شي سهالة
هذي نبذه بسيطة عن كاليفورنيا واعذرني ان المعلومات مخربطة
واي شي تبيه اسأل وانا حاضر
تحياتي
السلام عليكم ورحمه الله
اخوي سترينجر مان
اكيد امريكا تتميز بكل شي .. فضلتها على استراليا و نيوزيلندا اول شي لانه الانجليزيه الامريكيه اسهل بكثير عن الانجليزيه البريطانيه والحياه ما تكلف كثر الي تكلف في استراليا

وتراك يبتها على العووق .. كاليفورنيا

باختصار انت كفيت ووفيت عن هالمدينه ومثل ما قلت مدينه عالميه و ماتنمل وانا اركز على هالشي لانه معاي العائله الكريمه ف مثل ما يقولون عصفورين بحجر واحد واما عن المعاهد والجامعات الي قلتها ف هي قويه و ممتازه حسب ما شفت
.. وعندي استفسار في حاله اني حبيت اسجل في معهد من المعاهد تنصحني اتواصل دايركت مع المعهد او من قبل المكاتب الموجوده الي عندنا في الامارات و هي الي تنسق لي مع المعاهد و السكن ؟؟!

وعندك فكره عن المستندات المطلوبه او لا

واشكرك لانك عطيتني فكره عن الاسعار .. السكن بيكون في حدود ال30000 الف او اقل بشوي تقريبا لمده اربع شهور.. سعر معقول للسكن في هالمدن الكبيره ولكن تبقى عندي استفسارات .. بخصوص السكن هل بيكون في شقه فندقيه او كيف بالضبط !! وعن المعهد قصدك الالف دولار تكون شامله لجميع الكورسات لمده شهر او الاربع شهور ؟ (اعتقد لمده شهر اذا ماخاب ظني ) وياريت تعطيني فكره عن التعليم كيف بيكون يعني تقريبا اقضي يوم كامل من الصبح لين العصر في المعهد او المده تكون اقل.. بختصار يكون مكثف ولا لا واما بالنسبه للسياره في هي شي اساسي و ضروري واغلب الظن التاجير هو الانسب لانك مثل ما تفضلت التامين شامل يكون و الواحد يريح دماغه على قوله اخوانا المصريين
واخيرا انا عارف كيف الاجواء في سان فرانسيسكو لي قريب سكن فيها مده واشتغل فيها والاجواء فيها بارده وروعه وحتى المناطق القريبه منها حلوه و طبيعه خلابه مثل ماونتن فيو
وعلى قولتك الاماراتيه تروح دايركت لكن ياخوي مافيني على ال15 ساعه دايركت خلنا نقرب المسافه لنيويورك ونريح فيها يومين او ثلاثه و عقب اكمل الخط
ماقصرت و في انتظار ردك الكريم

حياك الله اخي الكريم
بالنسبة للتسجيل فالمعاهد عن طريقك انت والامر ياخوي سهل وانا إن شاء الله معاك لنهاية الخط لاتحاتي
وشتبي في المكاتب وعوار الراس !!
المهم
السكن طال عمرك بيكون في شقة خاصة مب فندقية
لان الفندقية موجوده بس بتكون غاليه صراحة
http://www.execustay.com/
هذي مواقع للشقق الفندقية وصراحة من الاسعار غالية !!
http://www.corporatehousing.com/default.asp
هذا موقع يدورلك شقق فندقية
انت سلمك الله اذا نويت السكن تكون مراسل المعهد انك تبي كذا وكذا
يعني مثلا لو تبي تدرس في معهد اللغة اللي في مقاطعة اورنج كاونتي ( جنوب لوس انجلوس ) في مدينة ارفاين
تبعد ماتسجل ترسل للمعهد ان عندك عائلة وتبي سكن شقة او بيت
عاد هو بيتواصل معاك
وكل معهد عنده مكتب خاص لخدمة الطلاب يعني مايهمك امورك طيبة إن شاء الله
والمعهد رسومه نعم 1000 الف دولار بالشهر شاملة الدراسة والكتب ودخول معمل الكومبيوتر والنشاطات الخارجية والتأمين الصحي
بس يبقى عليك سروم اضافية هي تامين زوجتك المصون وولي عهدك
المعهد سلمك الله دوامه فل تايم يعني من 5 الى 6 ساعات يومياً
يعني السعر حلو على الوقت اللي بتدرسة وهذا 5 ايام فالاسبوع !!
والسيارة الحمدلله وافقتني على الاجار
واغلب الشركات عندها اجار شهري يعني ماتحاتي طال عمرك
والحسبة طلعتها لك مع السياره وكل شي قول 5000 خمس الاف دولار
ف انت الحين تعملك دراسة الخيارات اللي قدامك وتختار المكان اللي تبيه
وترتب دوامك وعقبها تتوكل على وتراسل المعاهد
واحنا معاك مايهمك امورك طيبه اخوي
واسال اي شي تبيه
اخوك بومحمد

1. وعن التامين الصحي لهم اطلعه وانا في الامارات او من اوصل لامريكا ؟

Stranger Man
بالنسبة للتسجيل فالمعاهد عن طريقك انت والامر ياخوي سهل وانا إن شاء الله معاك لنهاية الخط لاتحاتي
وشتبي في المكاتب وعوار الراس !!
المهم
السكن طال عمرك بيكون في شقة خاصة مب فندقية
لان الفندقية موجوده بس بتكون غاليه صراحة
http://www.execustay.com/
هذي مواقع للشقق الفندقية وصراحة من الاسعار غالية !!
http://www.corporatehousing.com/default.asp
هذا موقع يدورلك شقق فندقية
انت سلمك الله اذا نويت السكن تكون مراسل المعهد انك تبي كذا وكذا
يعني مثلا لو تبي تدرس في معهد اللغة اللي في مقاطعة اورنج كاونتي ( جنوب لوس انجلوس ) في مدينة ارفاين
تبعد ماتسجل ترسل للمعهد ان عندك عائلة وتبي سكن شقة او بيت
عاد هو بيتواصل معاك
وكل معهد عنده مكتب خاص لخدمة الطلاب يعني مايهمك امورك طيبة إن شاء الله
والمعهد رسومه نعم 1000 الف دولار بالشهر شاملة الدراسة والكتب ودخول معمل الكومبيوتر والنشاطات الخارجية والتأمين الصحي
بس يبقى عليك سروم اضافية هي تامين زوجتك المصون وولي عهدك
المعهد سلمك الله دوامه فل تايم يعني من 5 الى 6 ساعات يومياً
يعني السعر حلو على الوقت اللي بتدرسة وهذا 5 ايام فالاسبوع !!
والسيارة الحمدلله وافقتني على الاجار
واغلب الشركات عندها اجار شهري يعني ماتحاتي طال عمرك
والحسبة طلعتها لك مع السياره وكل شي قول 5000 خمس الاف دولار
ف انت الحين تعملك دراسة الخيارات اللي قدامك وتختار المكان اللي تبيه
وترتب دوامك وعقبها تتوكل على وتراسل المعاهد
واحنا معاك مايهمك امورك طيبه اخوي
واسال اي شي تبيه
اخوك بومحمد
السلام عليكم
بو محمد كيف الحال
بصراحه لك جزيل الشكر على الجهد الي قاعد تبذله معاي بفضل الله ثم بفضلك وضحت لي كثير من الامور الي كنت اجهلها والحين توسعت الافكار وعرفت يميني من شمالي
في البدايه سمحلي تاخرت عليك بالرد انشغلت شوي رمضان و دنيا وانت عارف العزايم كيف في رمضان لوول
وعندي استفسارات مادري اذا عندك فكره عن الاجوبه ولا
طبعا بعد كل المواقع الي وصفتها لي انا عيوني طاحت على لونغ بيتش الي تبعد عن لوس انجلوس 40 كلم
تقريبا و شفتها الانسب لي بصراحه وشفت موقع الجامعه والمدينه والشاطي الي قريب منها
والحين اذا حاب اراسل الجامعه واعرف الاوراق المطلوبه مثلا او نوع الكورس الي ابغيه ف كيف بحصل الرد منهم
او بالاحرى حاب احصل الرد منهم .. مثلا انا خريج الكليه ف هل هم يطلبون مثلا شهاداتي الاصليه ام صوره
عنها ام ف حاله دراسه لغه لايطلبون هذه الاوراق ؟؟ وثاني شي حاب اتاكد من سعر الكورس وعلى فكره
مناسبه جدا لو كانت مده الدراسه 5 ساعات يوميا لمده 5 ايام ف الاسبوع .. بقدر استفيد في الدراسه و نفس الوقت ارجع من وقت لام العيال و ولي العهد باعتبار انهم بيقعدون فاضين

وعن التامين الصحي لهم اطلعه وانا في الامارات او من اوصل لامريكا ؟

وبصراحه موقع الشقق مفيد جدا واذا حاب اقعد اربع شهور في لونغ بيتش في هل عندك فكره عن التكلفه بالضبط لان ف الموقع حصلت كثير من الشقق واعتقد ان السعر ما يطلع لازم اقدم الطلب وفي اسئله ما فهمتهما ف هل تقدر تقدم لي هالطلب و يردون عليك للعلم انا جيكت البعض و للاربع شهور ماحصلت (من الموقع الثالث الي ارفقته في ردك )
م عندي اسئله كثيره لكن مابتسرع
واتمنى انك ترد باقرب فرصه وماتقصر معاي الغالي

حياك الله اخي الكريم
بالنسبة للمعهد في لونغ بيتش شفت
ان دوامه 7 ساعات من 9 الى 4 العصر
http://www.ccpe.csulb.edu/ALI/programs.aspx?pID=7
بتلقى بوسط الصفحة جدول مبين اوقات الدوام الاسبوعي ومواعيد الحصص
وفيه شغلة مادري تعجب او تضايقك
وهو عنده نظام الترم اللي عادة تكون مدته 4 شهور
http://www.ccpe.csulb.edu/ALI/Schedule.aspx
اما بالنسبة للقبول
انت تتصل عليهم عن طريق التيلفون او ترسل لهم ايميل تستفسر عن القبول
وهم بيقولون ارسل لنا ارواق كذا وكذا
والرابط مبين فيه الرسوم للاترام .. وطبعا في مثلا للسكن بس هذا للي بيسكن في غرفة مشتركة في سكن الجامعة وعموما هذا مايناسبنا
وايضا بنفس الصفحة مبين سعر التأمين
وانت يوم تقدم على المعهد ويوافقون وكل شيء تمام .. تقول لهم انا عندي مرافقين .. مرتي وابني
بيرسلون لك القبول على هيئة ورقة اسمها I 20 عشان توديها للسفارة ومعاها ومسجل ان عندم مرافقين
لان فيزتك دراسية والزوجة والابن مرافقين
وطبعا بيكون معطينك قبلها اسعار التأمين اذا تامن عليهم واكيد الافضل يكون من هناك
ماعليك لاتحاتي
اما بالنسبة للسكن
صراحة انا ماعندي المعلومات الكافية عن الشقق المفروشة .. وعلى كلام احد الاخوان ان هالشقق اسعارها غاليه
يمكن توصل الى فوق 3000 دولار
فنصيحتي لك لاتاخذ شيء قبل ماتوصل
لان امر وارد تحجز شيء ولما توصل مايعجبك
افضل واحسن طريقة هي انك تحجز في فندق من البلاد لمدة اسبوع
واحسن طريقة عشان السعر , الحجز عن طريق الانترنت
واول ماتوصل بالسلامه تروح للمعهد وتقابل المسؤول عن الطلبة الدوليين
في مكتب الطلبة الدوليين .. وتقولهم انا محتاج سكن .. وهم بيدلونك على اسماء العمارات وارقام هواتف المكاتب المسؤوله
كانت شركات تملك هالعمارات او مكاتب عقارية
وانت تشوف اللي يناسبك وتتوكل على وتحجز
وعشان تتأكد زيادة .. يوم تتصل على المعهد عشان تسجل قول لهم انا ابي شقة من كذا غرفة
بيقولونلك هم شتسوي
تحياتي

اخوي يعطيك العافية ابي استفسر منك على معهد اللينوي لأني جبت قبول منه وصراحة متخوف لأني فيه واحد حكالي انه في عرب كثر

سترينجر مان ما قصرت معاي و تعبتك وياي الغالي و اذا عندي اي استفسار بخصوص هالموضوع بتواصل معاك ..
كلك ذوق ^^