الخبر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Iori
02-06-2022 - 02:19 pm
السلام عليكم
اخواني الأعزاء لو ممكن تدلوني على شقة خلف مجمع الراشد بس تكون تتسع لعائلة كبيرة يعني بالقليل 3 غرف طبعا فما فوق وماتكون مرة مرة غالية. وياليت تدلوني على الاماكن الترفيهية والمطاعم للعوائل. الأهل جايني زيارة في الشرقية واخوكم في الله عزابي مايعرف غير العمل والسكن غير كذا ماعرف شي في الشرقية بالنسبة للاماكن الخاصة بالعوائل واحد من الشباب دلني على القرية الشعبية هل تنصحون بزيارتها لأني ماعرفها ولا عمري جيتها؟
تحياتي لكم جميعا.


التعليقات (3)
روح الوفـــا
روح الوفـــا
اخوي بالنسبه لشقق ممكن تروح للموقع وراح تلقى شقق كثيره
اختار بينهم افضل لك...
والاماكن الترفيهيه عندك مجمع الظهران مول ممتع كتسوق والعاب للاطفال
وممكن للاكل لتواجد مطاعم كثيره ومتنوعه فيه...
والقريه الشعبيه هي مطعم اساسا لكن على شكل متحف والجلسه فيه حلوه وممتعه...
وعندك مطاعم كثيره لكن فيه مطعم اسمه قصر الملتقى بالخبر ورا محل قزاز اللي على الكورنيش
كبير وهادى ومكان مميز للعوائل الكبيره...
ولاتنسى تطلعهم عشاء على البحر الاجواء مره حوه...
انشالله اكون افدتك...

سلطان الشرقية
سلطان الشرقية
ياهلا ومرحبا فيك اخوي وحياك الله يالغالي
بالنسبة للشقق معظم الشقق فيها 3 غرف , وهناك موضوع مثبت يضم 100 مبنى للشقق الفندقية في مدينة الخبر, فقط انت اختار وشوف الي يناسبك
بالنسبة للأماكن شوف يالغالي
المجمعات التجارية عندك مايلي:
1/ مجمع الراشد
2/ مجمع الظهران مول
3/ مجمع فؤاد سنتر
4/ مجمع الجمعه سيتي سنتر
واماكن تمشيه عندك :
1/ الواجهة البحرية
2 كورنيش الخبر
3/ اذا فيه اطفال عندك قرية العزيزية الترفيهيه
4/ عندك المدينة الترفيهيه في مجمع الظهران مول
5/ عندك قرية الدولفين بالدمام عند مدخل جزيرة المرجان وفيها عروض للدلافين واسد البحر
6/ القرية الشعبية في الدمام وتضم متحف ومطاععم تراثية
7/ بداية الواجهة البحرية في مدينة الخبر يوجد يخت يقوم برحلات في وسط البحر لمدة ساعه كامله , سعر التذكره للكبار 30 ريال , تبدأ الرحلة بداية كل ساعه , حلوه لو تاخذهم برحلة
8/ جوله على الواجهة البحرية عبر القطار الموجود بداية الواجهة البحرية في الخبر
9 / شاطئ نصف القمر
واذا هم يحبون البحر , تقدر تاخذ لهم شاليه لمدة يوم تطلعون فيه وتشوون على البحر وتستمتعون فيه
وكذلك تاخذهم بجولة في السيارة على مدينة الخبر
بالآضافه الى المطاعم وهي كثيره اختار لك مايلي:
1/ مطعم أبو نواس : جانب فندق رمادا الخبر
2/ مطعم بربر : طريق الامير فيصل بن فهد ( قسم العائلات ديكور راقي واسعار مناسبة)
هذه بعض المعلومات اتمنى انها تنال اعجابك ويستمتعون اهلك فيها
تحياتي لك: سلطان الشرقية

Iori
Iori
روح الوفا
سلطان الشرقية
الله يعطيك العافية ماقصرتو والله 1000شكر لكم


خصم يصل إلى 25%