فرنسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مهندس2010
09-01-2022 - 03:53 am
السلام عليكم
في موضوع مهم صراحه ولازم نشوف لنا حل معاه وياريت الدول العربيه تتحرك لان الموضوع مهم وشكله مش معروف كثير
انا صراحه طالب ماجستير في فرنسا وصار لي 9 اشهر وتوني جبت الحرمه والعيال وتفاجأت من بعض الزميلات ان صوره زوجتي بالحجاب ما تنفع في معامله تثبيت الاقامه, والحين عندنا موعد التثبيت حق الاقامه يوم الثلاثاء القادم وما اعرف شو اسوي وفكرت اطنش للموضوع او نسوي باروكه بس الباروكه برضو حرام من الوصال
اريد نصيحه منكم يا اخواني شوفلنا حل ، لان وجه وكشفناه والحرمه ما تطلع من البيت الا في السنه حسنه مب راضيه علي ترك النقاب يالله يالله من المطار للبيت , والحين عاد نزع الحجاب والله مصخوها، يعني اذا النقاب وقلنا ممكن مسأله خلافيه بس الحجاب ما يختلف عليه اثنين
شكرا


التعليقات (9)
snns_m
snns_m
ياخي لا تعقدونها الله يهديك.

FuNnY GiRL
FuNnY GiRL
اخي الكريم ترى الوجه مب حرام واكثر المشايخ حللوا الوجه ومافيه شيخ يقولك حرام لان اصلا الموضوع في اختلاف بس اكثرهم اتفقوا انه حلال دام مافي تبرج .. ليش المراه صاكه على نفسها وماتروح ولاتجي ترى الدين يسر مب عسر روحوا واستانسوا انتو بتعيشيون هناك مايسوى عليها بتصير حياتها حدها ممله دامها طول الوقت في البيت ... والقرار لكم وارجع اقول الدين يسر مب عسرر

مهندس2010
مهندس2010
بنت أوربا
انتو ليش ضيعتو الموضوع انا قصدي وجه وكشفناه ومشينا امورنا بس الحرمه شوي تستحي تخرج كثير هالايام
موضوعي عن نزع الحجاب بالمره علشان الصور الشخصيه في المعاملات الرسميه ؟؟؟

موعودموعود
موعودموعود
snns_m
ياخي يقولك ان وجه وكشفناه ,,,,, المسألة مهي على الوجه الان ,,,, يبونها تشيل الحجاب ,,,,

FuNnY GiRL
FuNnY GiRL
مهندس2010
خلاص روحوا هناك واسال احسن لاتسمع كلام الزميلات او الزملاء لاتاكدت من الخبر من الجهة الرسمية انه صحيح بعدين فكر شنو تبون اتسون.. مع اني اشك انه صحيح لان فرنسا مليانه مسلمين .. وربي أيسر اموركم وقول حق زوجتك تطلع وتستانس وتعيش حياتها الدنيا حلوه

مهندس2010
مهندس2010
بنت أوربا
الحين ياالحبيبه انا سألت بعض المسلمين واكدو لي ان الموضوع صحيح بس ليش المسلمين ساكتين هاللي مستغرب منه
وبعدين الحرمه خرجته بعض الاماكن وهي اللي مستحيه تخرج وانا عن نفسي دوم احاول اقنعها تخرج تطمني لا يروح فكرك بعيد

مهندس2010
مهندس2010
مهندس2010
وبعدين ما يمدي اروح اسأل وافكر لانه كل شي بمواعيد واذا ضاع هالموعد ما بحصل موعد ثاني الا بعد فتره طويله يعني لازم ارتب اموري اول باول

كويتية^رحالة
كويتية^رحالة
اشترط وجود نساء لعمل المعاملة وياليت تكون حازم بالموضوع
حسبي الله ونعم الوكيل لا حول ولا قوة إلا بالله العلي العظيم
انا معاك في كل الكلام اللي قلته مايصير جذي..
الله يوفقك في دراستك وياجركم ان شاء الله

snns_m
snns_m
يعني وشلون لا يعقدها
يعني تخلع الحجاب مثلا
ممكن توضيح يالحبيب
المقصود عزيزي ان الضرورات تبيح المحذورات ولا اعتقد ان صورة في جواز او اقامة بتكون مشكلة كبيرة تؤرق الانسان وتخليه يحط باروكه وزحمة وخرابيط ويخالف أنظمة البلاد اللي هو موجود فيها قس على الطبيب اللي يكشف على المراءة فالدين يسر سلمك الله والا بلاها من بعثة وسفرة من الاساس.


خصم يصل إلى 25%