هم الناس يسافرون بدون عفش أو وش السالفة ؟

حسب علمي والله اعلم 40 كيلو مسموح لك .

لطيف الخفيف
مافهمت الله يسلمك
0كجم للشخص أو الشنطة تكون بحدود 40 كجم يعني ماتكون كبيرة ؟
شكرا لك

الي اعرفه ان 50 كيلوا للشخص سان مانب واهم غير الي تخليها معك داخل الطيارة .

درب يرد مايسد
هلابك درب يرد مايسد
ياصعب معرفك لازم أرجع أقراه ك
انا مرت المكتب اليوم اللي حجزت منه قلت له كم للشخص
قال على اي طيران
قلت الهندية
قال لي لك 40 كجم للفرد و 8 باليد
انا الصراحة ماصدقته احس ان 40 كجم واجد
قلت أكيد ؟ ما أروح وبعدين أتبهذل بالمطار ؟
قال أكيد
عاد قال لي خويي ارجع لتذكرتك وشوف كم يعطونك ..التذكرة الإلكترونية مهيب واضحة بس كأني أقرأ مكتوب 20k
ماكتبوا 20kg
الأمر مااتضح لي كاملا للحين

ههه اناقالبه بالعناية ولا هو درب يسد مايرد مثل شامي يعني الدرب الي ينسد الله لا يرده ههه
ممتاز اربعين واجد الا كان تبي تشيل اهل الرس كلهم خ.

حياك الله اخوي وحيا الجميع وبارك فيكم .. انا ماجاوبت عالاستفسار خفت يكون تغير شي بعدي
لكن الي اتذكره فعلا ان الشخص مسموح له 40 كيلو لكن ايضا بشرط ان الشنطه الواحده ماتتعدا وزن معين كم الله اعلم ؟
اتذكر مره ليست في الهند على بالنا بنفتك تسوقنا اغراض كثيرره .. فجبنا اكبر شنطه لقيناها بماليزيا وعبيناها ويا الله تنشال .. وفي وسط صالة المطار رفضوا يشحنونها وتخيل اشكالنا فككنا شنطنا وقمنا نوزع من جديد موقف صراحه ما انساه العالم يتفرجون ما هم فاهمين وش عند هالي توهم يرتبون عفشهم
عموما خلي كل الشنط وسط لكل واحد شنطه والي يقدر تكون شنطته من النوع الي ينشال باليد او عالكتف داخل الطائره احسن هاذي اتوقع مالها علاقه بالوزن الوزن على الي يشحن
ودمتم بخير

درب يرد مايسد
هلابك ههه تدري اني ناوي آخذ تنك كليجا بس الوزن هو اللي وهقن
بالله طيارة بالأطنان مايسمحون لنا ولا ب 200 كجم ؟
وش هالأنظمة القشراء ؟
تصدق ما ارتحت ... رحت اليوم مكتب ثاني قال لي لك 35 كجم
اتصلت على مكتب بالرياض اسمه اعتقد مكتب كانون موجود في صفحة الخطوط الهندية
هندي يهرج انجليزي وانا واياه عندك دونك فهمت من كلامه نفس كلام المكتب الأول يقول 40 كجم و 8كجم باليد
اتصلت على جهاد قال تلاقيه مكتوب بالتذكرة وبعدين قال دقيقة اشيك لك على التذكرة
بعدين ماحصل شي مكتوب
أنا الصراحة الآن جالس أرتب عفشي ودي أعرف كوعي من كرسوعي
عموما حتى لو عرفت بأمر الأوزان
كوعي من كرسوعي منب عارفهن أبد
مشكور انت ومعرفك الصعب

munnar..
ايه قالوا لي تكون الشنطة من الحجم الوسط عشان تدخل في سير الكشف
والله ما أدري ولا أدري ولا أدري
بس يالله ... انا ابحاول ادخل على حجزي اشوف معلومات عنه
اما شكلكم وأنتم تعيدون ترتيب العفش
ايه حط هذي هنا
لالا هذي حطها هناك مانبيها الا اذا وصلنا
يوه بالله وشو له جايبين كل هالعفش والله لوانكم بتسكنون شهر
ومن هالهرج ... ههه
شانط اليد مستعدين له ...وهذاي من شوين عبينا كرتون هذا حل المعيشة
على قد الحال يجي له 90 كجم بس
شاكر ومقدر جهودتس ياخيتي