بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



ترانس ترانس
اليوم رايح البحرين _____ الله لايعوق بشر ____ وخر انت وياه
09-12-2014 - 05:33 am

صباح الخير
اليوم جاي في بالي اكتب موضوع
من فتره وانا ودي اكتبه
لكن ماجتني الجرأه الا اليوم الصبح
بعد ما قمت من النوم
وسويت لي ذيك الشكشوكه
اللي ولا اعتى اليمنيين ايسوونها

بالعافيه على روحي

على فكره انا نص شايب

لكن الظروف شاءت اني اكون عزوبي ها الويكند
الله يصبرني على الفرقا
المهم لحد يتعاطف معاي
عشان انا ناوي اخربها بعد شوي معاكم
بالذات الناس اللي تبي تعلمنا انها رايحه البحرين
انا بصراحه مدري ليه ها المواضيع اللي طالعة لنا
تقهرونا يعني ولا كيف؟

والا السؤال اللي جاوبه المشرف ستميه مره عن الاحوال الامنيه
يا اخي منهو بيفكر يغتالك مثلا؟ مين حضرتك حتى تخاف على نفسك
عفوا
اذا تبي ارسل معاك دوريه تزفك من جوازات البحرين الى السيف قول لي بس امر
خخخخخخ
لا لا من جد ودي اشوف اللي يسأل عن الاحوال الامنيه
واخرتها معاه هوندا

من ايش خايف الله يصلحك
يامعشر العرب المسافرين


خلونا نرجع ذيك الايام اللي كنا نروح فيها
سكتم بكتم

لامن شاف ولامن دري
خلونا نرجع الايام الخوالي

اللي كنا ننكر روحتنا للبحرين
خخخخخخ
كنا نغير نغمة الجوال مره
ومره نخليه في البيت
والا نحوله على خدمه موجود
الله على ذيك الايام الحلوة
كنا نروح يوم
ونندم بعدها اسبوع

نروح يومين
ونتهاوش شهر بعدها

كنا نروح الثلاثاء بالدس

محد يدري
مسوين خطط تمويه
وزحمه

والى جا الخميس
نودي الاهل معانا
يزعم تعويض
ورومانسيه
رومنسيه طل

 
ما انسى ذاك الموقف المحرج اللي حطني فيه بحريني اصلي
والنعم والله
موظف التأمين اللي بالجسر
اخر كاونتر عرفتوه؟ عفيه

ماقصر فضحني

جايب المدام معاي من زمان ما مشيتها

والا يطلع لي ذا الشريف مسوي يبي يوفر علي 15 ريال حق التأمين

مسامحه تقدر تدش تو ما انتهى تأمينك , انته مو ياي قبل يومين؟

لا غلطان اخوي يمكن مشبه علي

بلا , السيستم يقول انت داش الثلاثاء الساعه 9:30 بالليل

باجي لك ساعه

وانا تقلب عيوني غمازات اسكت فضحتنا
عاد شوفني وقتها ودي الارض تنشق وتبلعني
الاهل يناظرون فيني
بحقد
الله يقلعه نسف اوم الرومنسيه
يا حبيبي خذ الفلوس وانت ساكت
خخخخخخ

طول الطريق وانا ارقع على الاهل

واحلف بكل ماهو غالي ورخيص عندي
اني ما جيت هنا قبل امس
هذا وانا مقطع ورقه التأمين اول ما وصلت الجوازات السعوديه
مافي
صايدينك يعني صايدينك

وش غير الدنيا؟
الحين اللي يروح يعلن في المنتدى
انني قادم
افسحو الطريق
يوبا روح محد درى عنك
الله واكبر اقتصاد البحرين واقف عليك انت والهوندا حقتك خخخخخخخ

مسامحه ياخوان وياخوات

حتى الخوات لهم عتب
خاصة المتزوجات
انا اللي اعرفه ان اكره ديرة عندكم بها الدنيا
طبعا لانها صد رد
سهل التزويغ لها
من ابو الشباب
بس اشوف مواضيع شوق ووله وحنين
باقلام نسائيه شرقاويه
ما ادري وش يضرب المخ اكثر
مثل ها المواضيع
او
صحن شكشوكه
على الريق

وسلامتها ام حسن

وعلى فكره انا رايح على الساعه 11 ونص رجاء ما ابي زحمة على الجسر





المشاركات

Discover Bahrain Discover Bahrain
اليوم رايح البحرين _____ الله لايعوق بشر ____ وخر انت وياه


هههههههههـ فديتك يا الغالي ترانس , ذبحتني من الضحك على موقف التأمين ههههـ :)

يا الغلا هذي ديرتكم وترى البحرين ما لها غنا عنكم في كل الأحــــوال ,

والحمدلله اليوم نشوف ونرى مرأى العين أعداد كبيرة من الأخوة الخليجيين وعلى راسهم السعوديين مليانه شوارع البحرين فيهم خاصة في أيام الويكند ,

حياك الرحمن ونتمنى لك قضاء أحلى الأوقات ,


fahadad fahadad
اليوم رايح البحرين _____ الله لايعوق بشر ____ وخر انت وياه


هههههههههههههههههههههههههههههههههه

اما سالفة التأمين يبيلها مشهد درامي مع اكشن

تروح وترجع بالسلامه


روز 2010 روز 2010
اليوم رايح البحرين _____ الله لايعوق بشر ____ وخر انت وياه


هههههههههههههههههههههههههههههه
اجل صادق موظف الجوازات هههههههههههههههه
يبغى يوفر عليك جزاه الله خير :)



والله يحفظك تروح وترجع بالسلامه

ولاتنسى حلوى البحرين الملكيه خاطري فيها خخخخخخخخخخخخ


hash3300 hash3300
اليوم رايح البحرين _____ الله لايعوق بشر ____ وخر انت وياه


ههههههههههههه
حياك الله يا اخوي في ديرتك و اتمنى انك تستانس في زيارتك بس حاسب من الغبار، و اي خدمة لا يردك الا كيبوردك


عشقي البحرين عشقي البحرين
اليوم رايح البحرين _____ الله لايعوق بشر ____ وخر انت وياه


ههههههههههههههههههههههه والله صااادق .... خاايفين والله محد درى عنكم ههههههههههههههههه

بس باين انك غشيم ... ماتعرف تتصرف .. هع هع هع

ياخي في كان انتضرت هالساعه ... مسوى رومنسي مع وجهك ههههههههههههههههههههههههه انتبه بس ع الهوندا لا يفجرونك ههههههههههههههههههههههه تروح وتجي بالسلامه ههههههههههههههه

تحياااتي


ksa.lord ksa.lord
اليوم رايح البحرين _____ الله لايعوق بشر ____ وخر انت وياه


هههههههههههههه خخخخخخخخخخخخخخخ

من أجمل القصص الواقعية الدرامية اللي قريتها

يالله تروح وترجع بالسلامة


منوله منوله
اليوم رايح البحرين _____ الله لايعوق بشر ____ وخر انت وياه


هههههههههههههههههههههههههه الله يوسع صدرك بالعافية
أنا العصر بكون هناك ان شاء الله وحشتناالبحرين وأهلها


ترانس ترانس
اليوم رايح البحرين _____ الله لايعوق بشر ____ وخر انت وياه


حبايبي تو راجع من البحرين والظاهر اني راجع لها خلال كم ساعه
الوضع حلو حلو حلو لسا ماشبعت منها
والردود بعدين ارد عليكم واحدواحد شايف حش مو طبيعي فيني
بس اوريكم شغلكم بعدين
سلااااااام بروح انااااام


ترانس ترانس
اليوم رايح البحرين _____ الله لايعوق بشر ____ وخر انت وياه


المشاركة الأصلية كتبت بواسطة discover bahrain
هههههههههـ فديتك يا الغالي ترانس , ذبحتني من الضحك على موقف التأمين ههههـ :)

يا الغلا هذي ديرتكم وترى البحرين ما لها غنا عنكم في كل الأحــــوال ,

والحمدلله اليوم نشوف ونرى مرأى العين أعداد كبيرة من الأخوة الخليجيين وعلى راسهم السعوديين مليانه شوارع البحرين فيهم خاصة في أيام الويكند ,

حياك الرحمن ونتمنى لك قضاء أحلى الأوقات ,
ياسلام عليك ديسكفر
تصدق اشوفك واستحضر كلماتك في عين كل بحريني قابلته
الله الله بديرتكم حافظوا عليها هاذي مملكة الحب مانستغني عنها
والخليج كله وراكم يدعمكم



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

اليوم رايح البحرين _____ الله لايعوق بشر ____ وخر انت وياه