abdullah_20
أخوي الغالي عبدالله
العفو ولا شكر على واجب، وأنا في الخدمة بأي وقت، حتى بعد ما توصل ( بوموث ) بحول الله.
خذ معاك ملابس كافية ، بس بدون مبالغة. ملابس صيفية ، وشي ثاني يصلح للبرد الخفيف.
خذ معاك مظلة عن المطر.
خذ بوصلة ، سجادة صلاة خفيفة. كتيبات تعريف بالإسلام ولو على أقل تقدير تحطهم بالمسجد هناك.
خذ معاك بطاقة صراف . كمان خذ معاك شنطة ظهر متوسطة الحجم زي حقائب طلاب الابتدائي.
خذ لزوم الدراسة دفتر وأقلام وقاموس .
إذا كنت تحب التمر ، خذ معاك . مع انك راح تحصل هناك في شارع تشارمنستر، بس ترى غالي حبتين.
خذ هدية مناسبة للعائلة اللي راح تسكن معاهم ( مثلا: كيلو تمر سكري، من اللي مغلف تغليف راقي )
طبعا أكيد راح تحتاج المحمول.
الجو في الصيف هناك يفوق الخيال ، فلا تشيل هم . أحيانا يكون فيه لسعة برد شوية ، بس على خفيف.
الباص: من أحلى الأشياء في ( بوموث ) أنصحك تاخذ تذاكر أسبوعية. المدرسة يساعدونك في الحصول عليها. 15 جنيه للأسبوع. وبكذا تقدر تركب أي باص، وفي أي وقت، وفي أي مكان في بوموث،
الباصات تمشي حسب مسارات ( شوارع ) معينة، وكل مسار له باصات محددة ، وهذي لها أرقام تشوفها على مقدمة الباص.
يعني لما تطلع من المدرسة ، وتبغى تروح لبيت العائلة مثلا، فما يصير تركب أي باص يوقف عنك.
لا. لازم تصير عارف أرقام الباصات اللي راح جهة بيتكم، فتطلع فيها.
بوموث حلوة وونيسة فراح ترتاح فيها بحول الله. آمنة 100% ، كل شيء متوفر فيها. جميع مخوفك اللي تقول عنها راح تزول من ثاني يوم لما تشوف واقع المعيشة.
لا تكثر تمشي مع العرب وتنسى دراستك.
ترى راح تحصل نصف اللي عايشين في بوموث سعوديين وخلجييبن وعرب. خصوصا لما تكون في شارع تشارمنستر.
ركز على الجدية في الدراسة ، وكثر من ممارسة اللغة. فوجودك هناك فرصة .
لك صادق دعائي.

انا ابويا صرفلي 5000 الاف ريال يعني 8000 باوند تقريبا وسفري بكرا احطها كلها في المحفضه خايف تضيع او تنسرق قوليلي ايش احسسن حلل ردو في اقرب وقت ضروري لو سمحتو

اخوي ناعوس ,,,
جزاك الله خير وكثر الله من امثالك ,,
بصراحه ماندري كيف نجازيك لمساعدتك لنا ولاخواننا المسافرين ولتوجيهم التوجيه الصادق والخالص من القلب فكثر الله خيرك ولك دعواتنا بأذن الله .
أنا لي سفره ان شاء الله بعد رمضان ابي نصايحك عن المعهد وعن المدينه وعن المعيشه عموماً وهل بريطانيا تصلح في هذا الوقت ومتى تنصحني ابدا الاجراءات ومن وين ابدا وعن طريق مكتب او مساعدتكم وابيك تعطيني اقل ميزانيه متوقعه وأكثر ميزانيه علماً ان المده المتوقعه 3 أشهر بدون تذاكر ودوام 20 ساعه ووجبات عند العائله ( رجاءً لاتقولي على حسب صرفيتك ) صرفيتي متوسطه .
وجزاك الله الف خير .

عبود المسافر
أخوي عبود
فلوسك بحول الله ما عليها إلا العافية، وأبشر بالسلامة بحول الله.
المبلغ النقدي ، يفضل انك توزعه بين جيوبك.
والديرة هناك أمن وأمان فريح بالك.

اهل الرياض
أخي
بعد رمضان أفضل بكثير من الآن.
الإجراءات كالتالي : تحدد المدينة .
تشوف المعهد المناسب لرغباتك وميزانيتك.
تراسل المعهد مباشرة عن طريق موقعهم، وأبعد عن المكاتب لأنها ترسل الطلاب لمعاهد محددة فيتجمعون السعوديين في مكان واحد وتقل الفائدة.
أقل ميزانية متوقعة 120 جنيه بالأسبوع شاملة المعهد والعائلة. وأكثر ميزانية ما لها حد أبدأ .
مصروفات أخرى : أقل مصروف أسبوعي 50 جنيه . أما للصرفية المتوسطة : 100 جنيه أسبوعيا .
دائما لا تقول: 3 شهور . حدد عدد الأسابيع بالضبط ، علشان تطلع الحسبة مضبوطة.
أتمنى أكون أفدتك.
أما الإجراءات فابدأ من الآن أفضل .
وإذا تبغى مساعدة في شيء آخر ، أنا في الخدمة.

ايه والله اخوي ناعوس ابي مساعدتك وأبي وقفتك معاي بحكم خبرتك عن المعاهد وعن المدينه انا افضّل مدينة بورمث والمعهد صراحه مالي خبره ابد . ابيك تساعدني بالتسجيل لان لغتي ضعيفه ولا استطيع اراسلهم وميزانيتي صراحه 35 الف ريال شامله كل شي ماعدا التذاكر هل تراها مناسبه .
وجزاك الله خير .

أخي أهل الرياض
أبشر ، وفي الخدمة يا الغالي
حاولت أرسل لك على الخاص ، لكن يبدو انك مختار عدم تلقي الرسائل الخاصة.
علشان التسجيل ومراسلة المعهد فيه بيانات شخصية خاصة بك المفروض تكون على الخاص ، وما تطلع في المنتدى.
تقدر تضيفني لقائمة المراسلات بالضغط على معرفي ، وبعدين ترسل لي رسالة على الخاص.

اصيل اخووي ناعووس من عرفتك ..
سبحان الله انا اشهد اني محظوظ يوم دخلت هالمنتدى وتعرفت عليك ..
مشكور يالغلى على كل المعلوومات ماقصرت
بس سؤال اخير ..
تنصحني اخذ مصروفي تقريبا (5000 ريال)
بيدي والا احطه بصرافتي (بنك الراجحي)
وياليت توضحلي شي الباوند هو الجنيه ؟؟
0ريال كم يساوي بالباوند/جنيه
بد بكرة سفرتي ولا عرفت عمله البلد الي بروح له
ولله اني محيوس ..
وبالنسبه للهديه الي للعائله شوويات وبروح اشتريلهم ^_^

abdullah_20
العفو يا الغالي
0ريال عادي تشيلهم معاك نقد. بس أول اصرفهم جنيهات قبل ما تسافر.
تقدر تحولهم من مطار الملك خالد مباشرة إذا كنت مسافر عن طريق الرياض، أو من البطحاء ، أوغيرها.
0ريال تساوي تقريبا 800 جنيه ( يعني باوند )
اسم عملتهم ( باوند Pound ) والباوند يساوي أكثر من 6 ريال بشوي.
وهذي صورة عملتهم الورقية ( notes )

وهذي عملتهم المعدنية ( coins )

أسأل الله لك السداد والتوفيق ، وتروح وترجع بالسلامة
وأوصيك بتقوى الله في السر والعلن. حفظك الله