بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



aminoo aminoo
بغيت مساعدتكم أنا الحين في ورطة
15-01-2013 - 05:40 pm

السلام عليكم يا اخوان


اخواني انا الحين في ورطة و ما ادري وش اسوي بغيت منكم مساعدة و النصيحة يا شباب

انا ان شاء الله سفري يوم السبت في الليل الى مطار تورنتو
و من 3 او 4 ايام استلمت رسالة القبول من مركز اللغة يلي سجلت فيه
بس الحين ودي اعرف شي واحد لما اوصل الى مطار تورنتو هل تنصحوني ادخل على اساس سائح
(Visitor) أو اقدم لهم رسالة القبول بس المشكلة إذا قدمت لهم رسالة القبول رح يعطوني فيزا محددة و انا على رسالة القبول محدد انه دراسة فقط شهر فالحين اكيد بيحددون لي وقت على الفيزا انه شهر فقط طيب انا ممكن اجدد و ادرس اكثر من شهر و اكيد انا بدرس اكثر من شهر بس ما ودي ادفع للمركز كامل المبلغ خلاص كل شهر بشهره بدفع فياريت يا شباب تخبروني وش اعمل ادخل على اساس سائح او اقدم رسالة القبول ؟؟؟؟؟؟


و الحين اذا دخلت و حددوا لي مدة شهر مثلا و يوم ينتهي الشهر و بغيت اكمل دراسة مين بيقوم بتجديد الفيزا هل المركز أو أنا ؟؟؟؟؟

أو اذا دخلت على اساس سائح رح يسألوني وين رح تنزل في اي فندق يومها وش اقول لهم ؟؟؟؟؟

علما بأني رح ادخل الى مطار تورنتو بجواز سفري الألماني يعني انا ما احتاج الحين اروح الى السفارة هني لأنه جوازي ألماني



انتظر نصيحتكم

مستعجل يا شباب
ارجوكم الفزعة





المشاركات

still still
بغيت مساعدتكم أنا الحين في ورطة


اخوي اللف والدوران مع الامريكان مايصلح
تراهم متشددين في الفترة الاخيرة وخصوصاً مع العرب
قل الصدق وان شاء الله ربي يسهلها لك


بنت الصقور بنت الصقور
بغيت مساعدتكم أنا الحين في ورطة


فالحين اكيد بيحددون لي وقت على الفيزا
أي فيزا :114:

علما بأني رح ادخل الى مطار تورنتو بجواز سفري الألماني يعني انا ما احتاج الحين اروح الى السفارة هني لأنه جوازي ألماني
اخوي انت جاوبت على نفسك :smile: جواز ألماني يعنى ما تحتاج فيزا ولا تجديد ... وضعك يختلف ...

أو اذا دخلت على اساس سائح رح يسألوني وين رح تنزل في اي فندق يومها وش اقول لهم ؟؟؟؟؟
ماراح يسألونك ، راح تكتب فى الفورم اسم أي فندق فى تورنتو مهى مشكله يعنى ...


مجودي مجودي
بغيت مساعدتكم أنا الحين في ورطة


بغض النظر عن جوازك

بس انا اتكلم عن الفيزا السياحية , وهي لمدة 6 شهور بغض النظر دراسة او سياحة وتنفتحلك المدة من

دخولك كندا , وراح يسألونك عن سبب الزيارة وذلك لمعرفة الغرض الأساسي من الزيارة , لكن لا تفرق

وراح يسألونك عن تذكرة الاياب وهذا هو المهم بيتأكدون متى تاريخ مغادرتك البلاد .


ناصر كويتي ناصر كويتي
بغيت مساعدتكم أنا الحين في ورطة


احب انصحك نصيحه لوجه الله سبحانه وتعالى اياك والكذب واللف والدوران وانت رجال رايح تدرس وعندك قبول وعندك بعد جواز اجنبي ما تحتاج فيزا ولا شي كل اللي بتسويه تكتب عنوانك في الفورمه وسبب الزيارة والمده اللي تبيها وراح يعطونك كل شي وخلك واثق من نفسك ولاتردد انت مو مسوي شي غلط واذا عطوك شهر قولهم ابي اكثر لاني يمكن ازيد مده الدراسه
بس اعتقد راح يعطونك على الاقل ست شهور
تروح وترجع بالسلامه


ملبورن ملبورن
بغيت مساعدتكم أنا الحين في ورطة


صارحهم بكل شي وان شاء الله تمشي امورك


aminoo aminoo
بغيت مساعدتكم أنا الحين في ورطة


يا اخوان المشكلة انا بدخل على جوازي الألماني ان شاء الله بس انا ودي اخذ اذن لمدة ستة شهور و ما اقدر اخذ ستة شهور غير على اساس سائح بس لما يسألني وين بتنزل في اي فندق و وين الحجز ؟؟ وش بقول له ؟؟؟
ومشكورين ما قصرتم



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

بغيت مساعدتكم أنا الحين في ورطة