السلام عليكم ورحمة الله وبركاته
في البداية وقبل كل شيء .. مثل العادة
أعرفكم علينا
محدّثكم Steven Gerrard حسب المنتدى
وإسمي الحركي اللي بين الشباب
The King أو الكنج
في هالرحلة
مجموعنا كان 9 شباب من
دبي
بتاريخ 5/5/2011
سفرتنا كانت ويك إندية خفيفة للكويت
رحلة
شباب الإمارات في الكويت دانة الدانات
إسمحولي أعرّفكم على أبطال موضوعنا
شباب الإمارات
بالإشتراك مع
طبعا ما شاء الله وايد من الأعضاء
ما قصّرو في البوابة بالتقارير المليانة
بالمعلومات السياحية
ف علشان ما نكرر حبيت إن يكون هالتقرير شوي غير
لأنه على شكل مذكّراتنا في هالبلاد الطيبة
اللي حبّينا نتشارك فيها وياكم
وأتمنى إني أنا وربعي نكون خفاف على قلوبكم
هلمّو يا معشر العرب المسافرون نقص الشريط ويّاكم
أولا : قبل السفر
من عادتنا نحن المجموعة نرتب كل شيء من
أول شيئ سوينا قروب مؤقت على ال
نتناقش فيه عن تفاصيل رحلتنا وأخبارها وكل مستجداتها
سمّيناه جروب كويت حرة
وأعضائه 9
غير البلاك بيري .. كنا بعد نتلاقى
في شيشة كازابلايا في دبي نتناقش في أمور السفرة
طبعا نضرب أكثر من عصفور بحجر
منها نتشاوف و وناسة و سوالف ونتناقش ونتابع مباريات
وهاك اليوم كانت مباراة
مانشستر يونايتد وشالكة
في
ال Champions League
جانب من المناقشات
المهم ندخل في صلب الموضوع
حجز سفرتنا كان على
الروحة على ال Economy
والردة على ال Business Class
وهذا يوم السفر وصل
شو فو الإبتسامة اللي تعلو محيا الأخ
مستانس رايح الكويت منو قدّك
إصبر علي يالوصلاوي ..ناوي لك على نية
وإلا الثاني عاد
فرحان و علامة النصر في إيديه
ما يحتاي أعلّق .. هو بروحه يرمس و الصورة بنفسها تتكلم
وصلنا المطار ترمنال 3 الخاص بطيران الإمارات
وهذا الوحش اللي وصّلنا
لا يغركم شكله الجديم
ترا عليه مكينة بورش كايين دبل تربو 2011
في هذه الأثناء ..موكب شباب الإمارات
يسير في مطار دبي
وقت ال Check In
يحليلنا الشباب 9 شنط ،،، والوزن
تمشّينا شوي في السوق الحرة
وشوي والا الحبيب يقول حياكم
قلنا يالله .. وجبة خفيفة ما تضر
لا تعليق
إنزين يالله شباب .. الطيّار يترياكم
خط سير الرحلة
عاد تونا ماكلين في ماكدونالدز
بس يالله .. عليه .. شكل الأكل شهي
عقب الأكل قعدت العب بولينغ في الشاشة
كشخة الصراحة .. سويت لي كم Strike
وصلنا الحمد الله وإتصالات
و سفارة الإمارات ما قصّرو تحمدولنا بالسلامة
وعطونا توصيات الوصول
حاضرين يا بو منصور .. وهذا التقرير طلع
على فكرة ترا .. بو منصور صدق مدير إنتاج في
لا تستعيلون ،،، بعد شوي إن شاء الله
بنتلاقى مع مدير إنتاج في
و يالله نكمّل
مع هالحلوين اللي دمهم خفيف
أما الحبيب هذا فهو الأب الروحي
لجروبنا وعنده قصة مع هالشنطة
للي يحب يعرفها
المهم ،، الحمد لله وصلنا الكويت
و خلّصنا إجراءات الوصول
وبكمّل وياكم إن شاء الله شو صار بعدين
في الحلقة الياية
فإنتظروني
.