بغيت أسألك اخوي عن سعر تذكرة السفر لليابان ؟
وكم ساعة مدة الرحلة من جدة
انتظرك

ياهلا فيك اخوي الأسد وفي هذا الموضوع تقدر تشوف الرابط ذا للأخ MAJINGA:
https://artravelers.com
مدة الرحلة تقريبا اذا متواصلة 12 ساعة ويعتمد على عدد الوقفات والخطوط اللي انت طالع عليها وفيه بعد خطوط اسمها الكاثي باسيفك بس ذي تطلع من الرياض الى هونج كونج وبعدين الى ناريتا مطار شمال طوكيو على الدرجة الاقتصادية ب 8127 رياال
وهذا موقعهم http://www.cathaypacific.com/
واما بالنسبة للخطوط الاماراتية فتطلع من جدة 7 مساء وتصل دبي بعدين تطير الى اوساكا باليابان وتوصل الساعة 10 صباحا وبعدين تطير الى مطار هانيدا جنوب طوكيو السعاة 1 ظهر لول مشوار
وهذا موقعهم: http://www.emirates.com/
أما الخطوط التركية كما ذكر الاخ ماجنقا فلا اعرف هنا شيئا ولكن معلومات مكاتبهم اللي في جدة ممكن تفيدك وهي كالتالي:
الفرع الاول في مركز الخليج التجاري - طريق المدينة النازل وهو للحجوزات ومبيعات التذاكر والسفر .
هاتف رقم : 026636787 026637863
فاكس رقم : 026637574

• الفرع الثاني الكائن بشارع الستين وهو للشحن الجوي ومبيعات التذاكر .

هاتف رقم : 026611136
فاكس رقم : 026633475
أما بالنسبة لي فأنا وصلت على الخطوط البريطانية الى مطار ناريتا بطوكيو من مطار هيثرو بلندن واستمرت الرحلة 12 ساعة بالضبط.
وبالتوفيق ان شاء الله

ياهلا ويامرحبا اخ ماجنقا انا شفتك من زمان ماظهرت على المنتدى قلت ياولد خليني أروح أدور عليه هناك بطوكيو لول
وبالنسبة للبرد والله شي عجيب بالذات بعد تساقط الثلوج الاسبوع اللي راح لمدة 24 ساعة متواصلة واللي عرفته انه طوكيو مو متعودين على الثلوج.

اليوم بتكلم لكم عن منطقة شنجيكو اللي زرتها اليوم طبعا المنطقة ذي من المناطق الرئيسية بطوكيو وزحمة يابانيين وغيرهم لأنها منطقة تجارية وفيها المحلات التجارية بكل مكان ومطاعم وين ماتروح. غرب شنجيكو يوجد كتب لمايكروسوف و مبنى من اكبر المباني بطوكيو اسمه (Metropolitan Goverment Center) وهذا المبنى طوله تقريبا 200 متر وفيه 45 طابق والناس تطلع عشان تسمتع بمنظر طوكيو على هذاالارتفاع والدور الأول مركز المعلومات للأجانب يتكلمون انقليزي وهذي صورة للمبنى
أما شرق شنجيكو فالمحلات التجارية في كل مكان وكل الماركات المشهورة لها فروع هناك وبعد المطاعم منتشرة بشكل كبير وشغلات ثانية مايحتاج أذكرها لول
وفيه مجمع مميز وكبير جدا ورائع اسمه تاكاشيمايا وفيه كل شي من ملابس وأجهزة ومطاعم ومقاهي وجدا كول بجنب محطة شنجيكو وجميع الالكترونيات موجودة بهاالمنطقة من كاميرات اجهزة كمبيوتر الخ.... المهم المنطقة كبيرة وانا ماشاء الله عليه ماخليت فيها مكان لول المهم وأنا ماشي الاواشوف محل مكتوب عليه (Arabian Rock) قلت لا مو معقول عتدهم روك عربي واستانست وقلت إلا أمر وأشوف المهم أول مادخلت إلا وطابور طويل يابانيين منتظرين الدور عشان يدخلون المهم وقفت معهم وماني شايف عربي غيري ههه وإلا فيه واحد ياباني من اللي شغالين في المطعم يمر على الواقفين ويسأل كل واحد كم شخص معك وايش تطلب أكل (طبعا فهمتها بالإشارة لول) لين وصل عندي وصار يتكلم وانا أأشر له واحد هي هي يعني Yes ههه المهم ويم شفت الأكل مافرق عن المطاعم اليابانية الثانية بس اسم المحل اللي اختلف والله وانسحب من الطابور وهو مدري ايش يقول وانا قاعد اقوله والله ماعندكم سالفة ههه وتوني طالع الا واقابللك ذاك الياباني اللي جلس يتكلم معي مدري ايش يقوول ههه وفي النهاية عرفت انه يبغاني أصوره على مااعتقد الى الان مدري كان يبغاني اصوره والا امسك له الكاميرا ههه. المهم هذي كم صورة للمنطقة منها صورة لفرقة يابانية موسيقية كانت موجودة هناك وانتظرونا في منطقة غيرها.

ما شاء الله تبارك الله
ألف حمد لله على السلامة
وآمل أن تكون بخير وبصحة جيدة إن شاء الله
بس .... محتاجين للتقرير مع الصور إذا أمكن يمكن نجي عندك بالشقة
تحياتي

ياهلا يأأخ راف وشكرا على مرورك. أنا وضعت الصور بس شكلي وضعتها بشكل خاطيء (ساعة وأنا أتعلم كيف ممكن أضع صورة بالمنتدى) وهذي الصور مرة ثانية ان شاء الله تضبط بعد مااشتركت في موقع جيران عشان اقدر انزل الصور بالمنتدى.
هذي صورة لمبنى (Metropolitan Goverment Center):

وهذي صورة لفرقة موسيقية يابانية كانت تعزف بشكل مميز بوسط شنجيكو:

وهذي مجموعة صور لمنطقة شنجيكو:






وسنتسمر إن شاء الله في تقديم معلومات عن المناطق اللي نزورها لتعم الفائدة إن شاء الله
والسلام عليكم