الله يعطيك العافيه استاذنا الجديد
امريكا مثل ما انت عارف بلد كبير يوازي مساحة الشرق الاوسط
انت حدد الولاية اللي تبي تروح لها كانت شرق او غرب - شمال او جنوب
وبعدها راح نفيدك بالمعاهد
تحياتي

أفضل ولاية لي .. يعني حلوة و رايقة و مو غالية و الأفضل ..
ووش رأيك في ميتشغن - اعتقد أنها باردة شوي بس حلوة و رخيصة مو غالية
ووش رأيك في ولاية كولورادو يقولون أنها حلوة و ممتازة
وايضا ولاية أوهايوا باردة بعد بس مو غالية وش رأيك فيها
و أبي شو رأيك الله يعطيك العافية ..
و الله أنا نفسي في ميتشغن أحبها مدري ليش .. أبي معهد حلو و رخيص مو غالي في الصيف يعني شهرين و نصف و عائلة و يستقبلوني و بدون مكتب في السعودية اعتقد اذا مو واهم يطللع أرخص ..
أبي مكتب زيد يدبرني قبل الصيف و مو غالي ..
نصحوني بولاية كاليفورنيا .. وش رأيك .. بس أعتقد أنها غالية مرة و السكن برضو غالي
أبي معهد دبرني الله يجزاك خير قبل الصيف .. الفيزا صعبة بس عسى ألحق . أبي اسم معهد رخيص و ممتاز في كاليفورنيا و اذا مو زين ميتشغن ..

1. ونصيحه اخوي انت معك لغ وتبي تعتمد على مكتب خ


2. اما اذا كم شهر

اخوي
كاليفورنيا مشكلتها غاليه يعني متوسط السكن فيها ب 1000$
وفيه بعذ المدن لا اغلى
بس الجو هناك اغلب المدن معتدل يعني لاهو برد ولا هو حر
ميتشغن شكلك تحبها لأن اغلب الافلام الامريكيه يحكون عنها ههه
ماعلينا ميتشغن مشكلتها برد وفيه مدينه الظاهر اسمها ديترويت اعتقد بالجنوب الشرقي من ميتشغن هذي لاتقربها كلها مشاكل

ونصيحه اخوي انت معك لغ وتبي تعتمد على مكتب خ

اخوي انت اول شئ حدد اي ولايه تبي وبعدها شف افضل المدن فيها وبعدها شف اسماء المعاهد اللي في المدينه وتأكد هل هو من اللي المعاهد المعترف فيها عندنا بوزاره التعليم العالي او لا وابحث بقوقل بتحصل ناس كاتبين عن المعهد .. لأن ماشاء الله ثلاث ارباع الشعب هناك ههه يعني احتلينا معاهد امريكا كلها ..
وبعدين ادخل على رابط المعهد وشف تواريخ بدايه الكورس عندهم واختار وبعدها عب الابلكيشن اللي بموقعم وطبعا يكون معك فيزا عشان تدفع رسوم التسجيل اغلب المعاهد رسومهم 100$
وبعدين تختار كيف الارساليه وتخليها سريع عالفيديكس وبس
هم يردون عليك عالايميل انهم قبلوك وبيرسلون لك i20 وانت عاد بهالوقت تسوي موعد السفاره والله يعينك عاد متى بتطلع الفيزه
اقل شئ لازم يكون شهرين قبل دراستك ..
يعني نصيحه اذا انت تبي تدرس بدون دوشه راس وتعب لأنك بتدرس معهد مو بتكمل دراسه فا وش لك بتعب الفيزه الامريكيه والله انهم غثا
يطلعون عينك ماطلعت الفيزا
فعندك خيارات كثيره مافيها تعب كثير
عندك كندا واستراليا ونيوزيلندا وبريطانيا ..
ادري حلمك تروح امريكا بس والله اذا انت تبي تكمل صح هناك سمعه الجامعات توب عندنا وافضل

اما اذا كم شهر

ماتسوى عليك غربله الفيزا .. اقسم بالله كنك تطر منهم لا والمصيبه اذا جو وقالوا انت مرفوض خ ياعيني دافع للمعهد ودافع مبلغ الفيزا و و و وبكل بساطه يقولون مرفوض طبعا مرفوض لأنك ممكن رحت للشباك المشؤوم ههه اعتقد رقمه 9 عاد انت وحظك هناك مو باختيارك ..
وترجع تقدم من جديد وادفع مره ثانيه خ
وكله كوم واذا مالقيت موعد الا الصباح تصف طابور مع 50 شخص وتحت الشمس تقل طالب اللجوء خ
عموما الله يكتب لك اللي فيه الخير

الله يعطيك العافية .. شكلي باهون عن السفرة لأن أي دولة ثانية ما تسوى تحط فيها حوالي 30 الف ريال .. مابي الا بس أمريكا .. لكن شكلي تأخرت .. و بروح للهند سياحة و الله يعين .. أوروبا و رحت لها .. هالصيفية بروح للهند و يمكن بعد كم شهر باروح امريكا سياحة اذا خفت زحمة الصيف .. و الله الموفق ..