بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



هآجس غرامك هآجس غرامك
"رحلة المحافظات الثلاث ,, فـي فلسطين" ,,,
02-12-2014 - 02:51 am


المقدمـــة



بيوم من الأيام وتحديدا 20\3\2011 .. جاني اتصال من أختي بأنه في رحلة عم بيرتبوا فيها و مدتها يوم ع 3 محافظات وهي ترتيبا ( نابلس – طولكرم – رام الله ) ..
طبعا أعطيتها الموافقة الأولى.. وتاني يوم استشرت الأهل بالرحلة ووافقوا إني أطلعها .. وخبرت أختي بالموافقة النهائية .. وتوكلنا ع الله ... وتم تأكيد حجز الباص إلي رح بيكون معنا طيلة الرحلة ...

طبعا قبل الموعد بيوم.. توجهت لبيتها لأنه بمنطقة ثانية بعيدة عن بيت الأهل .. وتم المكوث عنددها.. للخروج للرحلة من هناك ..





أفراد الرحـلة : 35 شخص .. ( 25 كبير والباقي صغير ) ..

الموعد : 1\4\2011 ..الانطلاق الساعة الخامسة من صباح يوم الجمعـة .,,





أجزاء الرحلــة

الجزء الأول : التحضيرات والطريق ( الأماكن إلي رح نمر فيها قبل الوصول للمحافظة الأولي ) ..

الجزء الثاني : رح يتكون من قسمين ... ورح بيكون في محافظة نابلس ..

الجزء الثالث : رح بيكون في محافظة طولكرم ..

الجزء الرابع والأخير : رح بيكون في محافظة رام الله .. والرجوع بالسلامة ...





~ خليكـم متابعيــن ,, معنا ~


بعض الصور تشويقا للرحلــة ..



تفضلوا احلى شاي بالنعناع مع معجناات ,,


تخيلوا الورود بالمناطق الصحراوية روعـــة ....,,,




سبحــآآآن الله ع هيك طبيعــة ,,




اجمــل زهـرة لـ " منتدى العرب المسافرون ",, للجميــع دون استثناااء ,,





ترقبــوا بدايـــه التقرير على خييير ,,,
دمتم بخيــر







المشاركات

* غلاتي * * غلاتي *
"رحلة المحافظات الثلاث ,, فـي فلسطين" ,,,


وااااااااااااااو

باين على التقرير من العيار الثقيل

اكيد طالما الرحلة في فلسطين الحبيبة

بداية مشوقة .... في انتظارك =)


The universal The universal
"رحلة المحافظات الثلاث ,, فـي فلسطين" ,,,


ماشاء الله تقرير مشوق

متابعين لك

وبالانتظاار


جنان الجنات جنان الجنات
"رحلة المحافظات الثلاث ,, فـي فلسطين" ,,,


احجزي لي مكان من المتابعين وخاصه الرحله في فلسطين يالله على هيك جمال

بارك الله فيك


هآجس غرامك هآجس غرامك
"رحلة المحافظات الثلاث ,, فـي فلسطين" ,,,


السلآم عليكم ورحمــة الله وبركاتــه ,,,
بسم الله الرحمــن الرحيم


الجزء الأول
التحضيرات والطريق ,,

طبعا قبل الرحلة بيوم وعند وصولي لبيت اختـي ,, وقرابه المغرب رتبنا اغراض السفر من مسليات وملابس واسعاف اولي ,,
وتأكدنا من بطاقاتنا الشخصية موجودة لانها مهمة كتير عند نقاط التفتيش والحواجز الي رح نمر عنها وخاصة الحاجز الاول و الاصعب ,,
ع الساعة 11 بالليل كان كل الاغراض موجودة وحقائبنا الشخصية والفلوس .. كل شي موضوع بمكان واحد على شان الصبح ناخدهم بدون اي عائق وبسهولة " ليكون بجانب بعض "

المهم ,, حطينا المنبه ع الاربعة الصبح تقريباا وصار فينا مطب هون,, المفروض الجمعة يكون عندنا توقيت صيفي ,, والرحلة رح بتكون ع التوقيت الصيفي لما اتصلنا بالمنظِمَة للرحلة قالت صيفي التوقيت .. قلنا اوك رح بنصحى حتى لو بدري كتير رح بيكون وقت صلاة الصبح بنصلي ونطلع ع خير ..
نمناا ع 12 تقريباا . ما في الا 4 ساعات نوم كانت الناا ... اشتغل المنبه وصحينا ع الاربعة توقيت الصيفي .. وصلينا الصبح وقرأنا الاذكار وبلشنا بدنا نطلع ,, صارت الساعة 5 الا ربع ولسا الباص ما جاء .. استغربناا . واتصلنا ع المنظِمـة للرحلة , وحضرتها مخربطة بالتوقيت مع كل الافراد ,, والمفروض نطلع ع 5 شتوي مو صيفي .." مشكلة تغيير الوقت :( ".. فاضطرينا نستني ساعتين ع الموعد ,, بس شو كنا ميتين نعسس بس هاد الي حصل ,, والخيرة فيما اختاره الله .. وبقينا صاحيين انا واختي وابنها الصغير ونلعب معه ,, لصار الوقت الموعود ووصلنا زوجها , للباص وطلعنا ومرينا عدة اماكن تقريبا ربع ساعة ليكتملوا الافراد ,, وتوكلنا ع الله وطلعنا 5:15 تحركنا خارج المنطقة .. وقرأنا الاذكااار ,, وبلشت الرحلــة ,,

رح بلش بعرض الصور للطريق وبعض الشروحات عنها واهم المعلومات عن المناطق الي رح نمر فيها والي رح نشوفها,,,

بالاول رح بضيف خارطة تبين مسار الرحلـة

وتانيا لازم نعطيكم تسالي وفواكـه لتكونوا معنا متابعين ع روااق ..,, ونبلش بالعرض ,,



يلا الي يحب الحلاوي والمسلياات الصغيرة ياخد ,,



والي يحب المكسررات برضو موجودة يتفضل ,,




واللي خايف ع سناناتوووو .. يتفضل بالعافيــة ,,, .,


طبعاا اول مكان توقفنا فيه لشغلة اضطراريه ,, في مكان في محافظة بيت لحــم ,, وهي تقريبا اول محافظة نمر فيها من المنقطة الي طلعناا منهااا ,,, وتوقفنا لان بعض الاطفال داخو من السفر فخلوهم ينزلوا يستنشقوا هوا شوي ,, وبعد ما طلعوا تحركنا ع طوول ,, بعد ما صار الاطفال بخير ,,

معلومات عن بيت لحــم :

بيت لحم هي مدينة فلسطينية تقع جنوب الضفة الغربية وهي مركز محافظة بيت لحم وهي مهد المسيح، ففيها كنيسة المهد التي ولد فيها السيد المسيح.
و تقع بيت لحم على بعد حوالي 10 كم جنوب القدس الشرقية، على ارتفاع حوالي 765م فوق مستوى سطح البحر أي أعلى من القدس بثلاثين مترا.,




وهنا صور من بعد ما تحركناا للطريق والاراضي ,,الي بنصادفهاا ,,




وتوقفنا بمكان لتعبئة السولار ,,برضو بنفس المحافظة ,,



وتحركنا بعد ما اخد كفايته من السولار ,,
وكان لابد الواحد ع الصبح يشرب كاسه شاي بالنعناع فتوقفنا بمكان " استراحة " وطلبنا قهوة وشاي للي بدوو .. وكان من نصيبنا نحنا الشاي ,,

طبعا هون ع الجهة الثانية من الصورة كانت الاستراحة ما قدرت اصورها منيح ,,,



يلا تفضلواا الشاي بالعافيـه




ولما قربنا بدنا نخرج من المحافظة تقريبا في اخر مرحلة منهاا ,, البعض طلب بدو يشتري خبز وساندويشات ع الخفييف فتوقفنا عند مطعم ونزلوا يلو بدهم يشتروا ورجعوو .,,,

ما قدرت اصور منيح لانه كان زحمة ناس وبصراحة انحرجت




وتوكلنا عالله بعد هالتوقيفات الي تقريبا اخدت ساعة كاملة بنوقف ونمشي ونوقف ونمشششي ,,

** رح يتخلل الموضوع بعض الصور التي لم استطع ان اصورها بسبب سرعة الباص والناس الي فيه ما كنت اخد حريتي .. فاستعنت بجوجل الحلووو ,,,
لهيك الاطارات المختلفة من جوجل والصور التي ليس عليها توقيعي ,, ليست من تصويري ,,



طبعا بمنطقة بيت لحم مرينا عن مكان اسمه جبل الفريديس (هيروديس ) ,,,و مرة وحدة اتاحت الي الفرصة اني ازوره وحاليا هو تحت سيطرة الي ما يتسموووش الله ياخدهمم...

معلومات عن جبل هيروديس ( الفرديس ):

جبل هيرودس( الفريديس)...في بيت لحم
يقع تحت سيطرة الاحتلال.. هو من الآثار الرومانية . يقال ان احد ملوك الرومان اختبأ في قلعة بناها في قلب هذا الجبل وقت هجوم الفرس على فلسطين... طبعا هو عبارة عن جبل اعلي قمته في تجويف داخلي ونظام روماني للغرف والادراج الحجرية ,, يقال ان هذا الملك كان يأخد الاطفال الصغار ويقتلهم فيه ,,

* فعلا انا لما زرته اذكر انه فعلا شاهدنا العظام بالاماكن الي كانت تعتبر كالسجون في هذا الجبل ,,

وهاد هو الجبل من بعيد ,,




طبعا بعد الجبل اكملنا طريقنا متوجهين لاول حاجز رح نمر عليــه وهو الاصعب( يدعي الكونتينر ) ,, من بعد ما نمر عن طريق ووادي يسمي وادي النار ,,, وقبل النزول للوادي ع مرتفع يسبقه شاهدنا بريق لامع ,, سبحان الله روعة ..
شاهدنا الابداع ,, شاهدنا قبة الصخرة المشرفة تتلألأ من بعييــد ,,, كانت لحظة لا توووصف تخيلوا ,, عم نشوفها من بعيد وكانت الفرحة تغمرنا ,, كيف لو كنا قدامها مباشرة ,,رح بتكون اعظم لحظة نشوفها ونفوتها ونصلي فيهاا بأذن الله تعالي عن قريب ..

شفنا قبة الصخرة كما في هذه الصورة تماما لمعانها وبريقا فقط ويا لحزننا لعدم مقدرتنا دخولها بااي وقت نريد :(



طبعا كما هو معروف قبة الصخرة تقع في القدس عاصمة فلسطين ,,

معلومات عن القبة :

تعتبر قبة الصخرة المشرفة إحدى أهم المعالم المعمارية الإسلامية في العالم: ذلك أنها إضافة إلى مكانتها وقدسيتها الدينية، تمثل أقدم نموذج في العمارة الإسلامية من جهة. ولما تحمله من روعة فنية وجمالية تطوي بين زخارفها بصمات الحضارة الإسلامية



ان شاء الله رح بنصلي فيها والجميييع ياررررررب ..



بعد هذه اللحظة التي مكثت قرابه الثواني فقط .. :( دخلنا بطريق وادي النااار ,,,نزولاً,,


معلومات عن وادي النار :


طريق وادي النار..
ما قبل حاجز الكونتينر مباشرة.... وبعد الانتفاضة اصبح يستخدم كطريق رئيسي
باتجاه ضواحي القدس نتيجة اغلاق الاحتلال للطرق المباشرة نحو القدس... ويتم
الآن توسيعه لتقليل الحوادث... وكنا أيام الطفولة كنا نخاف منه لأنه شديد
الالتواء وفي مناطق معينة كان ضيق جدا وعلى منحدر... الحمد لله هسة عم بيوسعوه,,

هنا صور لوادي النار



وهنا ايضاا ,,



وهنااا ,,



طبعا عدينا وادي النار ع خير بدون اي حوادث الحمد لله ووصلنا للعائق الاكبرر ,,, وهو الحاجزز

معلومات عن الحاجز ( الكونتينر ) :

حاجز اقامة الاحتلال بعد وادي النار بمنطقة مرتفعة ,,وهو حاجز يفصل محافظتي بيت لحم والخليل عن وسط الضفة الغربية وشمالها، وليه اصعب حاجة بالاضافة انه يفصل المحافظات عن بعض كانوا الطلاب بيعانوا منه كتير خاصة لما يكونوا من محافظات ثانية وفترة الامتحانات لانه كان يغلق قدامهم او يصير تعذيبات كتير ووووو ,,, ,,

وهاد هو الحاجز ,,


والحمد له عدينا ع خير .. بعد كلام صار بين احد الجنو وبي الباص وكان يسئله وين رايحين وليش .. لكن الحمد لله تسهلت الامووور ,,


,, غدا ان شاء الله اكمل باقــي الجزء الاول ع خييير ,,

تابعوووناا ,,




هآجس غرامك هآجس غرامك
"رحلة المحافظات الثلاث ,, فـي فلسطين" ,,,


المشاركة الأصلية كتبت بواسطة * غلاتي *
وااااااااااااااو


باين على التقرير من العيار الثقيل

اكيد طالما الرحلة في فلسطين الحبيبة

بداية مشوقة .... في انتظارك =)

الله يسعدك يارب ,,اسعدني مرورك لموضوعي البسيط حيااكي خيتووو


هآجس غرامك هآجس غرامك
"رحلة المحافظات الثلاث ,, فـي فلسطين" ,,,


المشاركة الأصلية كتبت بواسطة The universal
ماشاء الله تقرير مشوق

متابعين لك

وبالانتظاار

تسلمي يارب ,, حياكي بتقريري المتواضع .. منورة خيتو


هآجس غرامك هآجس غرامك
"رحلة المحافظات الثلاث ,, فـي فلسطين" ,,,


المشاركة الأصلية كتبت بواسطة جنان الجنات
احجزي لي مكان من المتابعين وخاصه الرحله في فلسطين يالله على هيك جمال

بارك الله فيك

حياكي اختي ولوو ... لو مافي مقعد عيونا توسعك خيتو ,,, نورتي التقرير المتواضع


The universal The universal
"رحلة المحافظات الثلاث ,, فـي فلسطين" ,,,


ماشاء الله تقرير جمييييييييل

ننتظر البقيه :)

وتسلم يدينك

ولوسمحتي واحد سنكرس وشيبس ومكسرات مع استكانة شاي

متابعينك ..


هآجس غرامك هآجس غرامك
"رحلة المحافظات الثلاث ,, فـي فلسطين" ,,,


بسم الله الرحمن الرحيم
السلام عليكم ورحمة الله وبركاته

يسعد مساآآآكــم


تكملة الجزء الأول



طبعا اخر ما توقفنا فيه هو مرورنا بخير وسلامة عن حاجز الكونتينر ,,, وبعدها بساعة تقريبا وصلنا مفترق طريق اريحا رام الله ,,

هنا بعض الصور ما بعد الحاجز










وهنا بعض الصور من دخولنا طريق اريحااا

معلومات عن اريحا :

أريحا هي مدينة فلسطينية تاريخية قديمة تقع علي الضفة الغربية لنهر الأردن وعند شمال البحر الميت

تشتهر أريحا بالزراعة خصوصاً المحاصيل التي تنمو في المناطق الحارة الرطبة مثل الحمضيات والموز والنخيل والحبوب .,,,







دخولنا منطقة المشاتل ,, الزراعيــة ,,



بصراحة انا اول مرة ادخل طريق اريحا .. وكانت تجربة حلوة .. جبال صحراوية مع المشاتل روعــة,,



وهون كمان بعض المشاتل ع جانب الطريق ,,



وهنا ايضاا ,,



وهنا بعض المعروضات للسائحين ,,,




بعض اشجار النخيل قبل مفترق طرق القريب من وجهتنا الاولـى ,,



مفترق الطرق ,,



صور متفرقة من بعد المفترق ,,,





خرووجنا من منطقة العوجا التابعة لمحافظة اريحاا ,,

معلومات عن العوجا :

العوجا قرية فلسطينية من قرى محافظة أريحا. وهي تقع على بعد 12 كم إلى الشمال الشرقي من مدينة أريحا على الطريق الإقليمي الشرقي الذي يربط بيسان مع البحر الميت بمحاذاة نهر الأردن ,,وتحيط بالقرية قنوات الماء التقليدية والتي تنتشر محدثة على جوانبها ثورة زراعية وسياحية ,,




ما بعد منطقة العوجااا ..


ورود جميلــة ,,,



اشجار النخيل المنتشرة ع جوانب الطريــق ,,,









وهناا قربنا الكبير من منطقة الباذان من محافظة نابلس وهي الجزء الثانـــي ان شاء اللــه ,,,




وهنا بنختم الجزء الاول بحمــد اللــه ووصولنا بعد 5 ساعات سفر تقريباا لمحافظة نابلسس بهذه الصورة ,,,





انتظرونـآ فـي الجزء الثـآنــي بأذن الله تعالــي
وتصبحون علــى خيــر ,,




يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

"رحلة المحافظات الثلاث ,, فـي فلسطين" ,,,