مافيه احد ممكن يساعدني؟؟؟؟؟؟؟

و عليكم السلام و رحمه الله و بركاته
يا هلا و سهلا أختي سفر اوروبا
أعذرينا على التأخر في الرد
بما أن الوصول و المغادرة في محطات مختلفة
لذلك يجب إختيار خطوط طيران تصل للمحطتين هولندا و فرنسا
طيران الإمارات على سبيل المثال
بما أن معاكم أطفال لا ننصح بالتنقل الكثير
التنقل من بلد لآخر هل تفظلون السيارة أم القطار ؟
إذا أخترتوا القطار لازم أتخففون من الشنط
مع أني أنصح بالسيارة إذا كنتم راح تنتقلون لان إذا بالقطار عند الذهاب للمحطة و مغادرتها بتمسكون الأطفال و لا شنط ؟
يعني على سبيل المثال الوصول في أمستردام ثم تأجير سيارة ليوم المغادرة من أمستردام
و التوجة إلى بروكسل و تسليم السيارة ثم تأجير سيارة مرة آخرى ليوم المغادرة من بروكسل
و التوجة إلى باريس و تسليم السيارة عند الوصول
فاهمة قصدي ؟!!
أو ممكن إقتراح ثاني هو الإستقرار في مدينة واحدة و الذهاب للمدن الآخرة في الصباح الباكر و العودة مساءا
على سبيل المثال الإستقرار في بلجيكا لإنها في النص
أحتاج إجاباتك و قرارك عشان نقدر نكمل الجدول
نرحب بإقتراحات الإعضاء الخبراء ممكن تكون عندهم إقتراحات أفضل و تجارب

هلا بك ......اسفه على ازعاجك بس انا تفكيري اننا نجلس كم يوم في امستردام(((وش رأيك كم يوم يكفي؟؟)))
بعدين نستأجر سياره من امستردام ونسلمها في باريس علشان نقدر نتمشى في الريف .....

سفر اوروبا
يا هلا أختي لا أبدا ما فيها إزعاح
و أختيار السيارة إن شاءالله قرار موفق ولراحتكم أكثر
طبعن توزيع الأيام يتحدد عن طريقك أنتي شو تبغين تزورين في كل مدينة
أقتراحي هو كالتالي
أمستردام 4 أيام
و ممكن يوم تطلعين بالقطار إلى مدينة آخرى
أو زيارة الطواحين و قرى الصيادين عن طريق مكتب تكت آند تور أو ممكن بالقطار
بروكسل 6 أيام
(ليش خليت الأيام أكثر لبلجيكا .. لانها دولة صغيرة و ممكن
تزورين أكثر من مدينة في الصباح و تعودين مساءا و التنقل سهل
جدا بالقطار و لا يزيد عن ساعة ونصف لابعد مدينة)
تتخللها زيارة بعض المدن البلجيكية الآخرى و العودة في آخر اليوم
مثل
بروج - أنتويرب - جنت - أوستند
هناك أيضا مدن اللعاب كثيرة مثل وليبي و بلوبسا كوو
باريس 4 أيام
ممكن تزورون ديزني لاند
أي أستفسارات آخرى نحن في الخدمة
بالتوفيق

ماشاء الله الاخت الريم ماخلت شي نضيفه
وتوصف الاماكن تماما والمسافات بعد
واقتراحاتها جدا جيده
اتمنى لك سفر سعيد اختي سفر اوروبا انتي واهلك

اسبوعين وفي الصيف ..
هولندا : سير و بات في امستردام و مر على روتردام وانت ساير لبروكسل في بلجيكا فيه حديقة حيوانات كبيره دام عندك يهال
بلجيكا: اسكن في بروكسل .. يكفيها يوم واحد او يومين لمنطقة الاتوميوم و الميني يوروب حلوه و عائليه
اليوم الثاني شوبينج او حواطه في الجراند بليس
ومن بروكسل سير بروج يوم واحد وارجع اخر اليوم .. اشتري عندهم شوكولاته ما يتفوت عندهم .. دام عندك اطفال صعب تركب قارب انصحك تركب عربه تجرها خيول لمدة نصف ساعه .. تقريبا بشي و ثلاثين يورو
ومن بروكسل سير حديقة العاب وملاهي حلوه اسمها واليبي اقل عن ساعه بالسياره
تقدر من بروكسل تسير كولون .. ما تتفوت ما تتفوت ابصم بالعشره ما تتفوت .. المانيا غير
باريس غير ... ترتاح فيا نفسيا كل شي قريب منها من قوس النصر و الشانز و اللوفر و الحديقة اللي حواليه و منطقة الكونكورد كلها حذال بعض و برج ايفيل مش بعييد عنهم ...
طبعا عند يهال لازم تسير ديزي لاند و يفضل تبات هناك ليله او ليلتين و ترجع
من الشرح اللي فوق .. خذ لط طيران ينزلك امستردام و يرجع من باريس ..
اذا انت من الامارات طيران الامارات يفي بالغرض
توزيع الاسبوعين ... 3 ليال امستردام
5 ليال بروكسل
5 ليال باريس

الف شكر اخوي السراب .......
وش رأيك من بروكسل وش الافضل بروج والا انتويرب؟؟؟؟؟؟ و الا كولون؟؟؟؟وياليت اذا تعرف المسافات من بروكسل بالسياره؟؟؟؟؟؟
و بالنسبه لتوزيع الايام مافيه مدن بين امستردام و بروكسل تستحق الزياره,,مثل لاهاي والا بريدا؟؟؟؟
انا ما اعرف خط السير كيف لازم يكون؟؟؟؟ياليت تساعدني,,,,ولك جزيل الشكر....

سفر اوروبا
العفو ما عليك انا جاهز باللي اقدر عليه ..
بروج افضل عن انتويرب .. نفس ما تعرف انتويرب مدينة الالماس و الشوبينج راقيه اذا عندك وثت سير لها.. اما بروج شرات فينيسيا .. وعندهم محلات الشوكليت احلى عن بروكسل نفسها ..
على فكره امستردام بعد نظامها يمر عليها نهر وبيوت على النهر بس على شكل مدينة كبيره وديزاين قديم..
كولون بعد حلوه .. يمر فيها نهر الراين (نهر الراين كبير من حيث المساحة غير عن النهر الي يمر في بروج او امستردام) .. فيها اكبر كنيسه في غرب اوروبا وتقدر تسير بالقطار البخاري من ساحة الكنيسة لحديفة الحيوانات و متحف الشوكولاته اللي ما يتفوت .. تشوف كيف يسوون الشوكلاته على الهواء مباشره ..
وفي كولون عندك شارع طويل ويتفرع يمين ويسار للشوبينج حلو للتمشيه .. عندهم مطعم تركي بالنسبة لي الذ مطعم تركي كلت عنه في اوروبا و اسعاره ممتازه مش غالي
بالنسبة للمسافات بالسيارة كالتالي
بروكسل لين انتويرب 45 دقيقه ..
بروكسل لين بروج تقريبا50 دقيقه
بروكسل لين كولون ساعتين و 10 دقايق ..
شوف بين امستردام و بروكسل .. اتييك روتردام انا ما مريت عليها بس من كلام الاعضاء عندهم حديقة حيوانات روعه .. وانت على حسب تخطيطك اذا سرت كولون عندهم حديقة حيوانات يعني راح يكون شي مكرر بالنسبه لك ..
لاهاي على البحر و حلوه .. اذا بغيت تسير للبحر .. و في بلجيكا بعد عندك منطقة بحريه حلوه بعد بروج ب10 دقايق بالسياره اسمها اسوتند Oostende .. هذا اذا بغيت تغير جو وتسير البحر .. يعني زياره خطافيه ..
فيه منطقه ريفيه في بلجيكا وانت ساير صوب لوكسمبروج ما عرفتها الا يوم رجعت من السفر .. اسم المنطقة Ardennes وهذي عرفتها من الاخ القدير خالد فيها طبيعه و شلالات .. يعني فيها طبيعه

اهلا بالجميع ومشكورين على التواصل عندي كم سوال بدون ازعاج
1-بخصوص الناس في هولندا وبلجيكا ومدى تقبلهم للزوار وخصوصا العرب والنساء بشكل أخص لان الاهل يلبسون العبي؟
2-مدى الامان في هولندا وبلجيكا وبالاخص السواقة عندهم كيف ودرجة الامان في التنقل؟
لانه لدي تجربة رائعة في سويسرا بالسيارة وحاب أكررها في هولندا وبلجيكا
3-الاماكن التى ينصح السكن فيها في الدولتين مع ذكر بعضها أن أمكن ؟
4- وهل الافضل الفنادق ولا الشقق؟