السلام عليكم ورحمة الله وبركاته
واحد من زملائي المقّربين ناوي يتزوج واتصل بي وقال لي جهّز نفسك ؟؟ جاني البيت بعد المغرب
وعلى طول وينك يا فندق ميركور ، قلت له عسى ما شّر يا بوالشباب ؟؟ قال بشوف قاعة الأفراح
عندهم وكيف مستواها وكم تتسع ؟؟ ما أحبّ الإطالة ، دخلنا الفندق وسألنا عن مسؤول الحفلات
طلع مو موجود و حضر لنا مساعد مدير الفندق الإستاذ / محمد ، خوش آدمي بصراحة
وبدأ معنا الجولة في الفندق التحفة ،، حيّاكم الله معنا
أرجو المعذرة على الصوّر ، لأن التصوير كله بالجّوال ،،الله يهديك
ياصديقي ما عطيتني خبر علشان نجيب الكاميرا
طلعنا لقاعة النساء من هذا الدرج ، ما شاء الله تقول مدرج طيران
بسم الله ترى دخلنا القاعة
بصراحة ،، القاعة آخر كلام
الطريق إلى المسرح أو مكان الكوشة
بعدها صعدنا إلى فوق في نفس القاعة ، عبر هذه الثرايا الجميلة
تعرفون ليش صعدنا فوق؟ علشان نشوف مكان العشاء للنساء
وهذا مكان البوفيه المفتوح
تلاحظون المدخل في يسار الصورة ، هذا مكان البوفيه المفتوح
مازلنا فوق نعطيكم بعض اللقطات
لقطة على قاعة الأفراح من فوق
شكل الطاولة مع الكراسي من أعلى شي عجيب
لقطة أخيره قبل ما ننزل
بعدها طلعنا من القاعة ورحنا على قاعة استقبال الرجال ، واعذروني ما صورتها لأن كان فيها
اجتماع ومعفوسة فوق تحت وبعد ماشفناها ، قال الإستاذ / محمد ، تفضلوا على الأصنصير
وقلنا له على وين؟؟ قال (أفرجيكم) على مكان العشاء للرجال
وصعدنا إلى الطابق العاشر و ما أدارك ما الطابق العاشر
بعد ما شربنا القهوة وكلنا التميرات دخلنا مكان العشاء
هذا مطعم المطّل البحري ، يعني إذا أحد بيسوي الدعوة على العشاء راح عليه منظر البحر ، الأفضل
يخلي الدعوة على الغداء ويكسر روتين الأعراس اللي عندنا ، علشان المعازيم يشوفون البحر
المشكلة دخلنا المطعم في وقت عشاء والأطباق شكلها لا يقاوم
وهذه واحده من الطاولات الكبيرة في المطعم مع شاشة LCD
طبعاً في بلكونة في المطعم تطّل على كورنيش الخبر ، روعة بس في النهار وصورتها لكن الصورة تفشل وما حطيتها ، بعد ما خلصنا من المطعم قال الأستاذ / محمد ، ألحين نروح نشوف المكان الخاص اللي تجلس فيه العروس
للتصوير وطبعاً المكان خاص جداً لسبب واحد تعرفون ليه ؟؟ لأن المكان مخصص للأشخاص VIP بس هم
يعطونه للعروسه حق التصوير طبعاً بعد ما يوقع العريس على تعهد خاص بهذا المكان ، خلونا نروح نشوف
هالمكان
عرفتوا ليش خاص وتعهد ؟ كله علشان هالكنب الأبيض ، بس عن جدّ المكان روعة ، ماعليكم من كاميرا
جوالي ، على الطبيعة شي خيال ، وشوفوا هالصورة الثانية
للمعلومة قاعة النساء تتسع ل 300 شخص أما الرجال أقلّ بشوي ، وأطلعنا الاستاذ/ محمد
على الخصوصية اللي يتميز فيها فندق ميركور لقاعة النساء وهي بصراحة خصوصية عالية وبإختصار شديد
فندق ميركور الخبر امبراطور فنادق الشرقية ،مرة أخرى أعتذر لكم
عن جودة الصوّر لأن الشغله كانت مفاجأه لي ، خالص تحياتي واحترامي.