- سيتي سنتر
- الافنيوز
دارنا ما مثلها بين الديار..
لاحشى مامثلها بالكون صار..
ياعساها من عمار في عمار ..
قولوا آمين قولوا آمين
قولوا آمين .. الله يعز الكويت
السلام عليكم ورحمه الله وبركاته
هذا اول موضوع لي بالمنتدى .. وان شاءلله مو الاخير
الموضوع من مجهودي وتجميعي الشخصي .. بيكون كدليل لأي زائر للكويت ..
وان شاءلله بيكون فيه كل مايحتاجه الزائر للكويت من مطاعم واسواق ومجمعات وفنادق وتكاسي
واي سؤال انا حاضره بالخدمه
واي اضافه منكم للموضوع ماعندي اي مانع عشان يكون مرجع لنا جميعا ..
{ مراكز التسوق ..
سوق شرق
من اشهر المجمعات بالكويت .. فيه الكثير من المحلات للملابس والاحذيه والشنط ..
ومطاعم وكافيهات وجلسات خارجيه حلوه تطل عالبحر ..
فيه دبنهامز ومركز سلطان وعنده سوق للسمك والخضرا
مقابل سوق شرق يوجد مستشفى الاميري و قريب منه المعارض
بيت ديفا
كاريزما
بيت سدرة
و يعرضون دراريع ملابس و أواني منزليه و مجوهرات
مركز الراية التجاري
فندق + مركز تسوق فيه محلات راقيه و ماركات مثل سيلين و بيربري وفيه محل هوم سلكشن للاثاث
مجمع دار العوضي
مجمع الصالحية التجاري
مجمع الصالحيه فيه ماركات - غالي حبتين - مثل لويس فيتون و شانيل و ايجنر و جيفنشي / محلات للأحذيه مثل ستيفاني و الحذاء الاحمر
( المجمع يكون تحت فندق الميرديان)
سوق المباركية ( شعبي )
سوق تراثي شعبي .. فيه مطاعم ومقاهي شعبيه.. وسوق للبشوت .. وسوق للخضرا واللحوم والسمك .. وفيه الكثير من المحلات الشعبيه والملابس والاحذيه والجناط
مجمع ديسكفرى
مجمع خاص للاطفال .. فيه مطاعم وجبات سريعه .. ومحلات للبس الاطفال .. والعاب اطفال
مجمع الاوقاف
متخصص بالدراريع والجلابيات الجاهزه .. وفيه محل الصانع للاواني المنزليه حيل راقي وشغله حلو وكذالك محل الشلاحي للاواني المنزليه
سوق الاقمشه او البلوكات
فيه محلات اقمشه الغالي والرخيص وهو مختص للاقمشه بس و في محل : مركز التراث الهندي عنده شغلات روعه و دراريع هنديه
مجمع المهلب
فيه محلات لملابس السهره والاعراس .. فيه محلات وكشكات للاكسسوارات .. ومحلات لانجري واخرى غيرها منوعه
البحر سنتر
مجمع بيروت
مجمع النقرة الشمالي والجنوبي
مول °360
من المجمعات الحديثه .. فيه العديد من الماركات العالميه .. ومطاعم عالميه وعربيه ووجبات سريعه .. فيه سينما ثلاثيه الابعاد .. وسوبر ماركت مثل اجيان
مارينا مول
اشهر مجمع بالكويت فيه فندق و يكون على البحر وفيه ماركه ESCADA و محلات للاحذيه و الملابس و لانجري
و قريب منه معرض بيت لوذان و يعرضون فيه دراريع و ملابس لبنات كويتيات
خلف مجمع مارينا مول هناك مجمع ماركس سبنسر و مقابله مكان نسميه بالكويت ( الحوش ) كله احذيه و جناط
مجمع الفنار
فيه الكثير من المحلات فيه غوتشي / داماس للمجوهرات / احذيه : الحذاء الاحمر / ميلانو / ستبس
لورا آشلي / و محلات كثيرة للملابس والعطور والنظارات وكوفي شوب ومطاعم
مجمع البستان
مجمع الثريا
فيه ماركات ملابس : موسكينو / ايجنر / جيفنشي / الاسطورة / ومحل مجوهرات : الجوهرة للمجوهرات
غاليريا 2000
فيه محلات لفساتين السهره والاعراس لمصممين عالمين .. مثل زياد انطوان .. احمد بدوي .. ريتشارد الطويل .. عواطف الحاي وغيرهم
ليلي جاليري
اغلبيه المجمع مجوهرات و ألماس و فيه محلات لملابس السهرة والاعراس و ملابس ناعمه
سيتي سنتر
مجمع يصلح لكل العائله منوع فيه محلات تقليد ماركه .. شعبيات مثل المعلم .. وللاطفال فيه طفل المستقبل وكوزمو للالعاب الالكترونيه .. محلات للتلفونات النقاله وكافيهات وقهوه فيه مطاعم منوعه مابين الوجبات السريعه والشاميات وفيه سيتي سنتر وغيره
بلازا
منطقه الفحيحيل بعيده عن الديره تقريبا نص ساعه
مجمع الكوت
مجمع مميز يطل عالبحر وله جلسات ومقاهي خارجيه رائعه .. فيه الكثير من المحلات : زارا و العربيه للعود و محلات كثيره حلوه
مجمع المنشر
فندق + مركز للتسوق .. صغير نوعا ما وقريب من الكوت مايفصل بينهم الا شارع وفيه محل للعبي والملافع حلو
مجمع أجيال
كويت ماجيك
فيه محلات لانجري مثل نعومي و كذا محل للملابس ناعمين / محل بيضون للمكياج
بالنسبة للدراريع و العبي و الملافع
احسن مكان لهم منطقة الفروانيه و خاصه :مجمع العربيد الخاص للدراريع والجلابيات و يكون قريب من جمعية الفروانيه هذا المجمع خاص بالدراريع والجلابيات فقط و التفصيل ياخذ اسبوع تقيبا او اقل و يصير تطلبين مستعجل
مجمع العربيد الخاص بالعبي و الملافع و هو قريب من المجمع السابق تقريبا شارع واحد وفيه محلات كثيرة مثل الحلوة و المشعل و بدون اسم وسيدتي الجميله ....... الخ
الافنيوز
من احدث وابرز واكبر المجمعات بالكويت .. فيه الكثير من الماركات العالميه والمحلات المميزه .. بس تلاقونها بالافنيوز .. ومطاعم حصريه وفيه مطاعم وكافيهات عالميه وعربيه .. وسوبر ماركت مثل دين اند ديلوكا .. وايكيا وغيره
مجمع سليل الجهراء
الخيمة مول
مجمع أوتاد
مجمع البيرق ( منطقة العقيلة )
موقع البيرق الرسمي - هنا http://www.al-bairaq.com/arabic/index.html
وفيه كذا محل للاواني المنزليه الراقيه
بالجابريه -خلف مستشفى الهادي- الفيصل تجدين عنده الصواني والاستكانات والفناجيل الراقيه جدا
المواعين ( الاواني المنزليه ) تلاقين فى محلات الشلاحى فى السالمية مجمع العنجرى فى شارع سالم المبارك
والفرع الثانى محل الشلاحى فى مجمع الاوقاف فى منطقة شرق بالعاصمة
محل للمواعيين غريبة وحلوة ( محل صفر) وموجود بجانب سوق المباركية بالعاصمة
ومن الاسواق الشعبيه الي فيها اواني منزليه حلوه سوق الامارات و
قصر السلطان بالجليب ولهم افرع بالفحيحيل والجهراء
بيت الفضة في مجمع الرحاب بحولي بشارع تونس
يتبع
بالبدايه احب اذكر ان كل مول ومجمع بالكويت يكون فيه ركن للمطاعم
منها الوجبات السريعه
والمطاعم العالميه
والمطاعم العربيه
وهذي قائمه اخرى للمطاعم والي لها فروع بعيد عن الاسواق والمجمعات
يتبع ...