الله يحييك اخوي وانتشرف بزيارتك لبلدك الثاني قطر .
من الكويت للدوحه ( 8 - 9 ساعات ) تقريباً , ان كنتوا شباب ماعندكم مشكله , أما اذا كنتوا عائلة فأنصحك انك تجزء الرحلة , يعني تريح في الشرقية ( الخبر ) , وثاني يوم تكمل للدوحه .
المسافات

• من مدينة الكويت لمركز الخفجي ( 140 كيلوا ) تقريباً .
• من مركز الخفجي الى مدينة الخبر ( 400 كيلوا ) تقريباً .
• من مدينة الخبر الى مركز سلوى السعودي مروراً بالأحساء ( الهفوف ) 300 كيلوا .
• من مركز سلوى لمدينة الدوحة ( 100 كيلوا ) تقريباً .

المجموع = 940 كيلوا وان كان ممشاك 130 كيلوا فأنك راح تاخذ من 7 - 8 ساعات ممشى هذا غير فترة الأستراحات , يعني ممكن توصل ل9 ساعات .
ان شاء الله يكون شرح حصة الرياضيات هذا واضح .
واي خدمة ثانية ابشر بها .

مايسوى عليكم تسع ساعات
تعالوا بالطيارة أبرك لكم
ساعة إلا ربع

الجمل تطلع لكم على اليمين والا انا صرت حولة !
لان هالنظام ماعجبني واتمنى الادارة تغيره في أسرع وقت

بعد إذنك أخوي عيد مداخله وتعقيب صغير
شوف أخوي رسلي من منفذ الخفجي الى الدمام 300 كيلو
وبيجيك مخرج الأحساء بعد ما تعدي معارض السيارات ومن مخرج الأحساء إلى أن توصل الكوبري الجديد اللي بعد شركه الأسمنت تقريبا 130 كيلو لا تروح مع طريق العضيلة روح كأنك بتروح الهفوف فيه كوبري جديد عند العيون مكتوب قبل ما توصل له لوحه قطر و الامارات هذا الله يسلمك بيختصر لك تقريبا من 30 الى 40 كيلو أنا ما جربته بس يمدحونه
بمجرد ما توصل طريق الحسا قطر المسافه تقريبا 120 كيلو الى سلوى ومن سلوى الى داخل الدوحه مرورا بمنفذ ابو سمره 100 كيلو . و ما افضل انك تريح في اي منطقه على طول على وجهتك اللي ناويها الا اذا كان عندك وقت وناوي تزور الخبر او الأحساء .
آتمنى أكون أفدتك اخوي درب السلامه

السلام عليكم ورحمة الله وبركاته
انا رحت الكويت مع زوجني بالسياره والطريق وايد حلو وغير متعب ابد وانا انصحك ما تريح في الخبر وتجي على طول انا طلعت من بيتي في وسط مدينة الدوحة الساعة السادسه والنصف صباحا ودخلت الكويت الساعة الواحده والنصف ظهرا اي المسافة ست ساعات فقط ووصلت منطقة السالمية الساعه ثنتين ونصف تقريبا

ماشاء الله عليكم
اعطيتوني معلومات مفيدة جدا جدا
واشكر الاخوة والاخوات
النجم15 على الشرح المفيد وعلى الدرب المختصر الجديد وان شاء الله تستفيد منه
النوريq على النصيحة وفكرة السيارة لتغيير وضع وضع السفر بالطيارة
سلف الامة على تأكيد المعلومة
عيد824 على الشرح الوافي والتفصيل المفيد
the ro0ok على حضورك
تقبلوا تحياتي

أنا رحت الكويت في السيارة بس من زمان في التسعينات تقريباً أذكر إني طلعت من مركز الحدود في قطر الساعة 8 الصبح وصلت الساعة 5 المغرب ودخلنا مدينة الكويت الساعة 6 أو ست ونص تقريباً على ما أذكر .. بالنسبة للطريق أذكر إن شوي ضيعنا بس قالوا لنا نمسك خط اسمه (ام حدرية) على طول وصلنا بعده إلى الخفجي ودخلنا الكويت .. هذا الكلام في التسعينات !!.. مادري عن الحين!!.
ملاحظة : الطريق كان ممتع أحسن من طريق الإمارات اللي كله صحرا تقريباً والطريق يتميز بأنك تمر على مناطق ومدن ممكن تلهيك وتنسيك طول الطريق!.